Jeramaiya 40:1 - Kriol Baibul

¹ Wal YAWEI det trubala God bin tok langa mi afta Nebusaradan det boswan solja bin deigimat detlot tjein brom mi en larramgo mi fri langa det pleis gulum Rema. Basdam detlot Bebalon pipul bin deigim mi deya garram ol detlot najalot pipul brom Jerusalem en Juda wen deibin gajim olabat en deigimwei olabat prisana langa Bebalon.

Jeramaiya 40:1 Iomraidhean Croise

Sekan Kranakuls 16:1

Wal langa det namba 36 yiya wen King Asa bin jidan king, King Beisha brom Isreil bin kaman en fait langa ola Juda pipul en imbin teikoba det taun gulum Rema. Imbin meigim det taun jidan strongbala, en imbin pudum im amimob deya, wulijim nobodi gin gowin o kamat brom det kantri gulum Juda.

Ola Saam 107:16

Im oldei breigimap ola kopawan geit blanga olabat enamimob, en im smeshimap ola aiyanwan ba blanga larram im pipul jidan fri.

Ola Saam 68:6

Im gibit kemp langa pipul hu nomo garram femili, en meigim ola prisana jidan gudbinji en fri. Bat pipul hu laigim faidabat garra jidan langa kantri weya nomo garram enijing.

Jeramaiya 31:15

YAWEI bin kipgon tok, “Longtaim aibin irrim bigwan nois langa Rema. Deibin kraikraibat brabli soribalawei. Reitjul bin kraikraibat blanga im bigininimob, hubin gowei prisana, en nobodi bin meigim im gudbinji.

Jeramaiya 39:9

Afta na Nebusaradan hubin det brabli boswan blanga ol det ami bin deigidawei detlot pipul prisana langa Bebalon. Imbin deigidawei ol detlot pipul hubin stil jidan langa det taun, en detlot pipul hubin joinin langa im brom detlot Juda pipul.

Jeramaiya 42:7

Afta wen 10 dei bin gopas YAWEI bin tok langa mi.

Isikiyel 33:21

Wal wandei wen imbin gulijap sangodantaim YAWEI det trubala God bin kaman langa mi. Ailibala neksdei YAWEI bin gibitbek mi det pawa blanga tok. Afta na wan men bin kaman langa mi en imbin dalim mi det enamimob bin bidim detlot pipul langa Jerusalem en bin binijimap det taun du. Dijan na bin hepin langa det namba 12 yiya brom det taim na wen wibin jidan prisana iya langa Bebalon, en langa det namba 5 dei blanga det namba 10 manth.

Eks Hau Det Gudnyus Blanga Jisas Krais Bin Spredat Ebriweya 21:13

Bat Pol bin tok, “Wotfo yumob tok en krai lagijat en meigimbat mi nogudbinji? If dei garra taiyimap mi deya langa Jerusalem, wal im rait, dumaji mi redi blanga dai blanga Jisas det Boswan.”

Eks Hau Det Gudnyus Blanga Jisas Krais Bin Spredat Ebriweya 28:20

Wal blanga tharran na aibin wandi tok langa yumob. Mi taidap garram dijan tjein iya dumaji mi bulurrum det Boswan weya ola Isreil pipul weidabat.” Lagijat na Pol bin tok langa detlot Juwish lida.

Ifishans 6:20

Nomeda mi jidan iya langa jeil, bat stil mi speshalwan mesinja blanga det gudnyus. En ai wandim yumob garra prei blanga mi, en askim God blanga meigim mi tok strongbalawei blanga det gudnyus, jis laik im wandim mi blanga dum.

Joshuwa 18:25

En deibin gedim detlot taun gulum Gibiyan, Rema, Biroth,

Fes Semyul 7:17

en afta imbin oldei gobek langa im ronwan kemp deya langa det taun gulum Rema. Deya du imbin oldei sodimat ola trabul blanga ola pipul, en imbin bildimap teibul blanga ofring blanga weship langa YAWEI.