Jeramaiya 4:31 - Kriol Baibul

³¹ Aibin irrim sambodi kraikraibat, jis laik det wuman wen im garra abum im beibi, en jis laik gel weya kraikraibat adbala wen im abumbat det pein blanga im feswan beibi. Dijan Jerusalem na hubin kraikraibat en lujim im win. En imbin pudumat im bingga en jinginatbat adbala, “Mi garra dai na, dumaji olabat kaminap blanga kilim mi na!”

Jeramaiya 4:31 Iomraidhean Croise

Jenasis 27:46

Afta na Rabeka bin go, en imbin tok langa Aisik, “Det dubala waif blanga Isau brom detlot Hitait pipul bin meigim mi brabli nogudbinji. En if Jeikob wandi merrit langa Hitait gel, wal mobeda mi garra dai.”

Job Wotfo Gudbala Pipul Abum Trabul? 10:1

Wal Job bin gitwail langa God. Imbin tok, “Mi nomo laigim jidanbat laibala en brom insaid main hat mi grambul langa yu main God.

Ola Saam 120:5

Mi jidanabat garram yumob, en im nogudwan. Im seim laik mi jidan garram detlot krulbala pipul brom det dubala kantri gulum Mishek en Keda.

Aisaiya 1:15

“ ‘Nomeda haumatj yumob preipreibat langa mi, ai kaan lisin langa yumob, dumaji yumob bingga jidan garram detmatj blad brom detlot sekrifais.

Aisaiya 13:8

Yumob garra abum detmatj pein en garra buldanbat ebriweya, jis laik wen det wuman abum det pein bifo det beibi garra bon. Yumob garra brabli lukinatbat gija, yumob feis garra luk brabli bradinwan.

Aisaiya 21:3

“Mi abumbat detmatj pein jis laik det wuman weya im garra abum im beibi. Mi hatjamp en mi garram detmatj pein, ai kaan irrim en luk gudwei, najing.

Aisaiya 26:17

Dumaji wanim yubin dum langa melabat, melabat bin abumbat trabul en pein, jis laik det wuman weya im redi blanga abum beibi.

Aisaiya 42:14

YAWEI im tok, “Brom longtaim ai nomo bin gitwail. Bat ai garra gitwail en jinginat nomo lilbit na, jis laik det wuman wen im redi blanga abum im beibi.

Aisaiya 6:5

“Afta na aibin jingat, ‘Trubala ai garra dai na. Aibin oldei toktokbat nogudbalawei, en detlot hubin jidan raidaran langa mi deibin oldei toktokbat nogudbalawei du. Bat tudei na aibin luk garram main ronwan ai det King, YAWEI det boswan God.’

Jeramaiya 10:19

Wal detlot pipul langa Jerusalem bin jinginatbat. Deibin jingat, “Melabat ardimbat iya brabliwei. Melabat garram sowa en im nomo gitbeda, najing. En melabat bin reken melabat gin hendulum dijan trabul, bat najing.

Jeramaiya 13:21

Wal wanim yumob garra tok wen yumob fren olabat faidim en bidim yumob en jidan bos blanga yumob? Yumob garra abum detmatj pein jis laik det wuman wen im redi blanga abum beibi.

Jeramaiya 14:18

Wen ai go langa det kantri, ai gin luk ol detlot dedwan bodi blanga ola men hubin gitkil langa wo. Wen ai go langa detlot taun, ai gin luk detlot pipul jidanbat hanggriwan, En olabat gulijap dai. Detlot laiyawan mesinja en detlot serramonimen kipgon dumbat olabat wek, bat olabat nomo sabi wanim olabat dumbat.” Lagijat na aibin tok.

Jeramaiya 15:18

Wotfo mi kipgon abumbat adtaim? Wotfo main sowa nomo gitbeda? Wotfo ai kaan jidan gudwei? Yu garra album mi o najing? If yu nomo album mi, im jis laik wen ai go langa det riba weya jidan draiwan hotwethataim.”

Jeramaiya 18:21

Bat yu na YAWEI, yu gin larram olabat bigininimob jidan hanggribala raidap olabat dai, en larram olabat gitkil brom faitfaitbat. Larram ol detlot wuman lujim olabat hasbin en bigininimob. Larram ola men dai brom nogudwan siknis, en detlot yangmen gin gitkil brom faitfaitbat.

Jeramaiya 22:23

Yumob oldei jidanbat gudwei langa det haus weya yumob bin meigim garram detlot sidatri, detlot na weya yumob bin bringimap brom Lebanan, bat yumob garra fil rili sori en yumob garra abumbat detmatj pein jis laik det gel weya abum im beibi.” Lagijat na YAWEI bin tok.

Jeramaiya 30:6

“Wal yumob garra stap en jinggabat dijan. Yumob reken men gin abum beibi? Wotfo ai oldei luk ebri men oldei holdimbat im ronwan binji, jis laik det gel wen im garra abum im beibi? Wotfo ebribodi sheiksheik nomo lilbit?

Jeramaiya 45:2

wanim YAWEI det trubala God blanga ola Isreil pipul bin tok,

Jeramaiya 48:41

Olabat garra gajim detlot pipul hu oldei jidan deya langa detlot taun en langa detlot strongbala pleis, en meigim olabat jidan prisana. Langa tharran dei na, detlot Moweb solja garra bradin nomo lilbit, jis laik det wuman wen im garra abum im beibi.

Jeramaiya 49:22

Detlot enami garra fait langa Bosra jis laik det igul weya kamdan brom top garram im bigiswan wing. Langa det dei na detlot Idam solja garra brabli bradin jis laik det wuman weya im redi blanga abum im beibi.” Lagijat na YAWEI bin tok.

Jeramaiya 49:24

Detlot pipul brom det taun gulum Dameskas, olabat wikwan en olabat bin ranawei, dumaji olabat bin bradin nomo lilbit. Olabat garram detmatj pein en olabat brabli nogudbinji, jis laik det wuman weya im redi blanga abum im beibi.

Jeramaiya 50:43

Det king brom Bebalon bin irrim det nyus. Imbin bradin nomo lilbit en imbin jidan brabli wikwan du. Im nomo hepi, im brabli nogudbinji. Im garram pein jis laik wen det wuman im redi blanga abum beibi.

Jeramaiya 6:2

Jerusalem im brabli purdiwan, bat im garra jidan brabli rabishwan na.

Leminteishans 1:17

Det speshalwan mesinja im tok na, “Jerusalem oldei jingat garram im bingga langa najalot pipul blanga album im, bat nobodi nomo oldei album im. Wal YAWEI im jingat langa detlot pipul hu jidan langa gulijap kantri langa im en olabat bin kaman en fait langa im. Dei tridimbat im brabli nogudbalawei wulijim dardiwan reig.” Lagijat na det speshalwan mesinja bin tok.

Leminteishans 1:20

YAWEI, yu lukdan langa mi dumaji mi garram detmatj trabul en mi nomo gudbinji. Mi brabli nogudbinji. Mi wori miselp dumaji aibin dum ola nogudbala ting langa yu. Langa ebri roud main pipul olabat deibin binijap wen detlot enamimob bin kilimbat olabat. En langa ebri kemp main pipul olabat binijap dumaji olabat nomo garram daga.

Leminteishans 2:21

Detlot yang pipul en ol detlot olbala pipul, deibin leidan dedwan langa roud ebriweya. Detlot enami bin kilim ded ola boi en gel. Deibin binijimap olabat garram olabat bigwan naif. Yubin binijimap olabat langa det dei wen yubin brabli gitwail. Yu nomo bin abum eni kainwan filing blanga olabat.

Hoseiya 13:13

Yumob stil garram taim blanga kambek langa mi blanga jidan laibala. Bat yumob kaan duwit. Yumob jis laiga beibi weya im taim blanga im blanga kamat. Bat im kaan kamat.

Maika 4:10

“Wal yumob pipul langa Jerusalem garra kraikrai en abum pein detmatj jis laiga gel weya im abum beibi. En yumob garra gowei brom yumob haus en silip eniwei langa opin kantri, en detlot enami blanga yumob garra deigidawei yumob raidap langa det longweiwan kantri gulum Bebalon. Bat deya na YAWEI garra seibum yumob brom yumob enami olabat.

Maika 4:9

“Wal wotfo yumob pipul langa Jerusalem kraikrai adbala tudei? Maitbi yumob kraikrai dumaji yumob nomo garram king. En wotfo yumob abum trabul jis laiga gel weya im abum beibi? Maitbi yumob abum trabul dumaji ola gudwan lida blanga yumob bin ol dai.

Maika 7:1

Wal aibin tok na, “Bobala! Mi jis laiga hanggribala men hu kaan faindim eni daga langa tri en langa gadin, dumaji olredi sambodi bin gajimbat ola daga.

Methyu 21:5

Imbin tok, “Olabat! Yumob garra jingat langa ola pipul deya langa det taun gulum Saiyan. Yumob garra tok, ‘Yumob luk! Det king blanga yumob im kaminap na. Imbin meigim miselp lobala, en im raidimbat lilwan dongki.’ ”

Fes Karinthiyans 9:16

Wal mi oldei adwek blanga spredimatbat det gudnyus. Bat mi kaan tok praudbalawei blanga tharran, dumaji God na bin dalim mi blanga dum det wek. En if ai nomo dum det wek, wal im brabli nogud blanga mi.

Fes Thesaloniyans 5:3

Ola pipul hu nomo bilib langa Jisas Krais garra jinggabat lagijat na, “Ebrijing rait. Nomo enijing rong.” Bat det trabul garra kamat langa olabat jis laik det pein weya kaman langa det wuman weya im garra abum beibi. Nobodi kaan sabi wotaim det trabul garra kaman, en nobodi kaan ranawei brom det trabul du.