Jeramaiya 4:17 - Kriol Baibul

¹⁷ en olabat garra jidan raidaran langa Jerusalem, jis laik ola men hu oldei wotjimbat ola sid daga langa detlot pedik, dumaji im pipul olabat bin tenim miselp brom YAWEI.

Jeramaiya 4:17 Iomraidhean Croise

Niyamaiya 9:26

Bat nomeda yubin gud langa olabat detmatj, deibin gibit bekboun langa yu. Deibin tjakidawei det lowa yubin gibit olabat. Wen yubin jandim speshalwan mesinja blanga gibit olabat woning blanga dalim olabat blanga kambek langa yu, deibin oldei kilim olabat ded. En deibin kipgon mokimbat yu blanga meigim yu nogudbinji.

Niyamaiya 9:30

Blanga loda yiya yubin kain langa olabat. Yubin gibit olabat loda tjens. Yu spirit bin kaman langa yu speshalwan mesinja olabat, en deibin wonim detlot pipul, bat detlot pipul nomo bin teiknodis. Blanga tharran na yubin larram pipul brom najalot kantri kaman en jidan bos blanga olabat.

Aisaiya 1:8

Ol yumob enamimob jidan raidaran langa Jerusalem, en nobodi kaan album yumob na. Yumob jis laik det lilwan hampi weya jidan langa midul langa ola greiptri o langa melan fam.” Lagijat na YAWEI bin tok.

Aisaiya 30:9

Deibin gibit bekboun langa YAWEI, en dei nomo bin jidan trubalawei. Deibin oldei agamin langa YAWEI, en deibin oldei dalimbat im laiya en deibin oldei nokambek im en dei nomo bin teiknodis langa im wed.

Jeramaiya 5:23

Bat ol yumob pipul, yumob brabli nogudbala en yumob nomo teiknodis langa mi. Yumob bin gibit mi bekboun, en yumob bin libum mi na.

Jeramaiya 52:4

en King Nebakanesa bin kaman garram ol im ami en olabat bin fait langa Jerusalem. Olabat bin kaman langa det namba 10 dei, langa det namba 10 manth, langa det namba 9 yiya wen King Sedakaiya bin jidan king. Olabat bin majurrumap miselp raidaran langa det taun en pudumap olabat kemp deya du, en olabat bin hipimap ola graun blanga meigim haiwan hil raidap langa top langa det wol blanga teikoba det taun.

Leminteishans 1:18

Jerusalem bin tok na, “YAWEI det trubala God bin rait, dumaji aibin gibit bekboun langa im en mi nomo bin dum wanim imbin wandim mi blanga dum. Yumob pipul ebriweya, yumob irrim mi basdam. Mi jidanbat brabli soribala detmatj. Main enamimob bin deigidawei prisana ol main boi en gel.

Leminteishans 1:8

“Jerusalem im nomo haibala. Im najing na. Im jis laiga gel weya jidan neigidbala dumaji imbin dum brabli nogudbala ting, en detlot najalot pipul oldei mokimbat im. Im brabli nogudbinji en im oldei haidim miselp feis, dumaji im oldei sheim miselp. Jerusalem im jidan jis laik im brabli dardiwan, dumaji detlot pipul deya bin dumbat loda nogudbala ting bifo.

Dyudaranami 9:24

Blanga longtaim aibin sabi yumob en langa det taim na yumob bin gibit bekboun langa YAWEI.