Jeramaiya 39:18 - Kriol Baibul

¹⁸ Ai garra lukaftumbat yu, en nobodi kaan kilim yu. Yu garra jidan gudwei, dumaji yubin oldei trastimbat langa mi.” Lagijat na YAWEI bin tok.

Jeramaiya 39:18 Iomraidhean Croise

Fes Kranakuls 5:20

Deibin trastimbat langa God, en deibin oldei prei langa im blanga album olabat, en God bin ensim olabat preya, en deibin bidim detlot Heigrait traib en olabat frenmob.

Job Wotfo Gudbala Pipul Abum Trabul? 5:20

Langa det taim wen im wo taim en wen olabat nomo garram eni daga, God garra kipgon maindimbat yu.

Ola Saam 147:11

Bat im jidan gudbinji langa detlot pipul hu gibit im rispek, en hu trastim langa im olagijawan filing blanga laigimbat olataim.

Ola Saam 2:12

Yumob meigim miselp lobala langa im en weship langa im. If yumob nomo dum lagijat, im garra gitwail detmatj en yumob garra ol binij, dumaji im gin gitwail kwikbala. Bat detlot pipul hu trastim im blanga lukaftumbat olabat, wal dei garra gudbinji.

Ola Saam 33:18

YAWEI lukaftumbat ol detlot pipul hu teiknodis langa im, ol detlot na hu trastimbat im olagijawan filing blanga laigimbat.

Ola Saam 34:22

Bat im garra seibum im wekinmen olabat. Im kaan panishim detlot pipul hu trastimbat im blanga kipum olabat seif.

Ola Saam 37:3

Trastim YAWEI en dum gudbala ting, wulijim yumob garra jidan gudbinji en seifwan langa det kantri.

Ola Saam 84:12

YAWEI, Boswan God, ol detlot hu trastimbat yu jidan gudbalawei.

Ola Saam 91:7

Nomeda loda pipul wansaid langa yu mait dai, en bigmob pipul mait binij raidaran langa yu, bat nomo enijing kaan ardim yu.

Aisaiya 26:3

“YAWEI garra kipum detlot pipul brabli gudwei hu oldei jinggabat im, en hu oldei trastimbat oni langa im.

Jeramaiya 21:9

Enibodi hu stil jidanbat langa dijan taun garra gitkil langa wo, o brom jidanbat hanggribala, o brom det brabli nogudwan siknis. Bat detlot pipul hu gibap en libum dijan taun en go langa detlot Bebalon pipul hu olredi faitfaitbat langa dijan taun, olabat kaan gitkil, najing. Olabat garra jidan laibala.

Jeramaiya 38:2

Aibin dalim olabat wanim YAWEI det trubala God bin tok, “If enibodi jidan iya insaid langa dijan taun, dei garra dai brom faitfaitbat o brom jidanbat hanggribala o brom brabli nogudwan siknis. Bat detlot hu go en gibit miselp langa detlot Bebalon pipul kaan gitkil. Olabat garra stil jidan laibala.”

Romans 2:12

Yu si? Detlot Jintail pipul nomo garram det lowa weya God bin gibit langa Mosis, bat stil dei dumbat nogudbala ting, en nomeda dei nomo garram det lowa, bat God garra stil panishim olabat. Detlot Juwish pipul garram det lowa weya God bin gibit langa Mosis, bat stil dei dumbat nogudbala ting, en nomeda dei garram det lowa, bat God garra stil panishim olabat du.

Ifishans 1:12

Wal ol wi Juwish pipul hubin bilib basdam langa Jisas Krais garra preisim God, dumaji im brabli gudbala en im mowa haibala langa enibodi.

Fes Pida 1:21

en God bin meigim im gidap laibala brom dedbala, en imbin meigim im jidan garram det brabli shainiwan lait, en thru im na yumob bilib langa God. Yumob bilib langa Jisas Krais, en blanga tharran na yumob bilib langa God du, en yumob trastim im blanga seibum yumob.