Jeramaiya 39:1 - Kriol Baibul1 Wal langa det namba 10 manth langa det namba 9 yiya wen Sedakaiya bin jidan king langa Juda, King Nebakanesa brom Bebalon bin kaman garram im ami blanga fait langa Jerusalem. Deibin kemp raidaran langa det taun blanga teikoba en deibin fait deya longtaim. Faic an caibideil |
Jeramaiya 39:1
16 Iomraidhean Croise
“ ‘Mi brabli wail, en jis laik wen aibin jandim det nogudbala ting langa detlot pipul langa Jerusalem, ai garra panishim yumob if yumob go langa Ijip. Yumob garra abum brabli nogudbala taim. Ola pipul garra meigim fan langa yumob en olabat garra toktokbat nogudbalawei garram yumob neim. Yumob kaan neba luk dijan pleis igin.’ Lagijat na YAWEI bin tok.”
“Wal YAWEI det boswan God bin kipgon tok langa ol dislot king blanga kadimdan ola tri, en hipimap ola graun blanga meigim haiwan hil raidap langa top langa det wol raidaran langa Jerusalem blanga teikoba det pleis. En yumob pipul langa Jerusalem, ai garra panishim dijan taun, dumaji detlot ritjwan pipul bin tridimbat detlot po pipul brabli krulbalawei.
Wal wandei wen imbin gulijap sangodantaim YAWEI det trubala God bin kaman langa mi. Ailibala neksdei YAWEI bin gibitbek mi det pawa blanga tok. Afta na wan men bin kaman langa mi en imbin dalim mi det enamimob bin bidim detlot pipul langa Jerusalem en bin binijimap det taun du. Dijan na bin hepin langa det namba 12 yiya brom det taim na wen wibin jidan prisana iya langa Bebalon, en langa det namba 5 dei blanga det namba 10 manth.
Wal langa det namba 14 yiya brom wen detlot Bebalon pipul bin teikoba Jerusalem en langa det namba 25 yiya brom det taim na wen wibin jidan prisana iya langa Bebalon, en langa det namba 10 dei blanga det feswan manth, aibin filim det pawa blanga YAWEI det trubala God kaman langa mi. YAWEI bin gibit mi drim, en langa det drim imbin lidimap mi en imbin deigim mi ontop langa wanbala haibala hil langa Jerusalem. Aibin luk wanbala taun bin jidan langa sauthwei garram bigismob haus.
Det feswan pat yu garra gajim en yu garra deigim en barnim rait langa midul langa det brik weya yubin drowim det pitja blanga Jerusalem. Det sekanwan pat yu garra kadimap garram yu naif en larram im buldan raidaran langa det brik. Det najawan pat yu garra tjakam langa det win, en lagijat na ai garra andimwei detlot pipul brom Jerusalem garram main bigwan naif.
“Bifo yumob pipul bin jidan nomo dagat daga langa det namba 4 manth, en det namba 5 manth, en det namba 7 manth en det namba 10 manth, dumaji yumob bin shoum yumob bin jidan soribala, bat bambai langa detlot manth yumob garra abum gudbinji taim blanga dagat daga en dringgimbat, en yumob Juda pipul garra laigim det trubalawei en jidan gudbalawei.”
Sanasan