Jeramaiya 38:4 - Kriol Baibul

⁴ Afta na detlot boswan wekinmen bin go langa det king. Deibin tok, “Jeramaiya garra lafta dai, dumaji im oldei toktokbat en im oldei meigimbat dislot solja blanga dijan taun gibap, en im oldei dumbat det seimwan ting langa ebribodi hu stil jidan iya langa dijan taun. Im nomo trai blanga album dislot pipul. Im oni wandim ardimbat olabat.” Lagijat na detlot wekinmen bin tok.

Jeramaiya 38:4 Iomraidhean Croise

Fes Kings 21:20

Wen King Eiheb bin luk Ilaija imbin tok, “O, yu iya na! Main bedfren, yubin faindim mi igin!” Ilaija bin tok, “Yuwai, aibin faindim yu na! Brabliwei yubin oldei jinggabat blanga dumbat ola nogudbala ting en yu nomo bin teiknodis langa ebrijing weya YAWEI bin dalim yu blanga dum.

Sekan Kranakuls 24:21

Wal King Jowesh bin fogedabat det dedi blanga Sekaraiya bin gudfren langa im. Wen ola pipul blanga Juda bin meigim plen blanga kilim Sekaraiya, King Jowesh bin joinin langa olabat en imbin gibit oda blanga stonim im raidap imbin dai langa det kotyad langa det Serramoni Pleis. Wen Sekaraiya bin gulijap dai imbin jingat, “Ai prei YAWEI garra luk wanim yumob dum en im garra panishim yumob.”

Esra 4:12

“Haibala bos, melabat wandim yu garra sabi detlot Juwish pipul hubin kambek iya brom detlot najalot kantri blanga yu, bin go en jidan langa Jerusalem, en deibin stat bildimapbat det brabli nogudbala taun. Brom longtaim detlot pipul langa det taun nomo bin duwit langa olabat king. En tudei na dei bildimap ola wol en dei garra binijim dregli.

Niyamaiya 6:9

Wal deibin wandi bradinim melabat. Deibin wandi melabat blanga stap wek. Aibin prei, “God, yu meigim mi strongbala en nomo bradin.”

Eksadas 5:4

Wal det king bin tok, “Hu yunbala reken yunbala? Yunbala kaan meigim ola wekinmen libum olabat wek. Yunbala dalim olabat blanga gobek langa wek na.

Jeramaiya 11:21

Wal aibin tok na, “Detlot men brom Einathoth bin wandim mi blanga gitkil, en olabat bin dalim mi olabat garra kilim mi if ai kipgon dalimbat olabat det mesij blanga YAWEI.”

Jeramaiya 18:23

Bat YAWEI, yu sabi ol detlot plen weya olabat wandim kilim mi. Yu nomo larramgo olabat fri brom olabat nogudbalawei. Yu tjakamdan olabat langa olabat enami, en yu panishim olabat wen yu stil wail langa olabat.” Lagijat na aibin prei.

Jeramaiya 26:11

Afta na detlot serramonimen en ol detlot speshalwan mesinja bin tok langa detlot lidamob, en langa ola pipul, “Dijan men garra gitkil dumaji imbin tok nogudbala ting garra hepin langa wi taun. Yumob bin irrim im garram yumob ronwan irriwol, indit?”

Jeramaiya 29:7

Blanga detlot taun weya aibin jandim yumob blanga jidan prisana yumob garra wek brabli adbala en meigim detlot taun jidan gudwei. Yumob garra prei langa mi blanga olabat, dumaji if olabat jidan gudbalawei, wal yumob garra jidan gudbalawei du.

Jeramaiya 38:16

Wal King Sedakaiya bin meigim pramis langa mi sigridwei. Imbin tok, “Trubala ai dalim yu langa det neim blanga God hubin gibit melabat laif. Ai kaan kilim yu ded, en ai kaan hendimoba yu langa detlot men hu wandim blanga kilim yu ded.”

Jeramaiya 38:25

If detlot wekinmen blanga main irrim aibin toktokbat garram yu, wal olabat garra kaman en olabat garra askim yu wanim wibin toktokbat. Olabat garra pramis dei kaan kilim yu if yu dalimbat olabat enijing.

Jeramaiya 43:3

Baruk det san blanga Neraiya bin dalim yu blanga dum dijan langa melabat, dumaji Baruk wandim detlot Bebalon pipul garra kaman en bidim melabat. Maitbi dei garra kilim melabat o deigimwei melabat langa Bebalon.” Lagijat na deibin tok.

Isikiyel 22:27

Detlot gabman bos jidan jis laik det wailwan dog weya oldei go en bitsimap ola enimul afta deibin kilim. Olabat oldei go en medrimbat enibodi blanga meigim miselp ritjwan.

Eimos 7:10

Det serramoni men neim Amasaiya brom det taun gulum Bethel bin jandim wed langa Jerabowam det king blanga Isreil. Imbin tok, “Eimos, im meigimbat plen blanga sterrimap detlot pipul blanga kilim yu ded. Wal yu lafta stapam im, dumaji im wed mait meigim bigwan trabul blanga dijan kantri.

Luk Bin Dalim Ola Stori Blanga Jisas Langa Wan Jintail Men 23:2

en deibin meigimap yan, en deibin dalim Pailat, “Melabat bin luk dijan men bin trai en meigim rong langa ola pipul. Imbin dalim olabat nomo blanga gibit det teks mani langa det king blanga dijan kantri, en imbin dalim olabat im na garra jidan king, en imbin gulum miselp det Masaiya.”

Eks Hau Det Gudnyus Blanga Jisas Krais Bin Spredat Ebriweya 16:20

En deya na deibin meigim dubala jandap lida langa detlot Roman bos, en deibin tok, “Dijan dubala men iya, dubala Juwish, en dubala meigimbat trabul iya langa wi taun.

Eks Hau Det Gudnyus Blanga Jisas Krais Bin Spredat Ebriweya 17:6

en deibin lafta grebum Jeisan en sambala najalot bilibamob, en deibin deigim olabat langa ola boswan blanga det taun, en deibin dalim olabat, “Det dubala men hubin meigimbat trabul ebriweya bin kaman iya langa wi taun na,

Eks Hau Det Gudnyus Blanga Jisas Krais Bin Spredat Ebriweya 24:5

Im oldei stadim fait langa ola Juwish pipul ebriweya langa ola kantri. Imbin meigim miselp bos blanga detlot nogudbala pipul brom Nesareth,

Eks Hau Det Gudnyus Blanga Jisas Krais Bin Spredat Ebriweya 28:22

Bat melabat wandi irrim yu tok, dumaji melabat bin irrim loda pipul tok nogudbalawei blanga det nyubalawei weya yu bulurrumbat.”