Jeramaiya 33:8 - Kriol Baibul

⁸ Ai garra meigim olabat jidan klinbala brom detlot nogudbalawei wen olabat bin oldei dumbat langa mi, en ai garra larramgo olabat fri brom det nogudbalawei wen olabat bin gibit mi bekboun.

Jeramaiya 33:8 Iomraidhean Croise

Ola Saam 130:4

Bat yu nomo bin peiyimbek melabat blanga melabat nogudbalawei, wulijim melabat gin shoum rispek langa yu.

Ola Saam 130:8

Oni im na garra seibum ol yumob Isreil pipul brom ol yumob nogudbalawei.

Ola Saam 51:2

Washim mi brabliwei brom ol detlot nogudbala ting. Klinim mi brabliwei.

Ola Saam 65:3

Ola nogudbala ting melabat oldei dumbat jidan bos blanga melabat, bat yu na oldei sori en larramgo melabat fri.

Aisaiya 4:2

Wal aibin tok, “Wal det taim im kaminap na wen YAWEI det trubala God garra meigim dijan kantri brabli gudwan igin en abum loda daga, en detlot Isreil pipul hu stil jidan laibala garra jidan brabli gudbinji wen olabat kantri garra abum loda frut daga en sid daga.

Aisaiya 44:22

Yumob lafta kambek langa mi na. Dumaji mi na bin seibum yumob en aibin tjakidawei det nogudbalawei brom yumob en aibin larramgo yumob fri jis laik det win weya tjakambat det klaud ebriweya.” Lagijat na YAWEI bin tok.

Aisaiya 56:7

Ai garra bringimap olabat langa main seikridwan hil, en deya na olabat garra preisimbat mi langa main haus weya olabat oldei weshipbat langa mi. Wen olabat garra gibit mi sekrifais en ofring langa main teibul blanga ofring, ai garra jidan brabli gudbinji. En olabat garra sabi det Serramoni Pleis blanga main garra jidan blanga ola pipul brom ebri kantri blanga prei langa mi.

Jeramaiya 31:34

Nomo enibodi garra titjimbat im ronwan kantrimen hau blanga sabi YAWEI, dumaji ebribodi garra sabi mi, nomeda olabat lobala o powan o boswan. Ai garra larramgo olabat fri brom olabat nogudbalawei, en ai kaan jinggabat ol detlot nogudwan ting weya olabat bin oldei dumbat. Mi na YAWEI bin tok dijan.”

Jeramaiya 50:20

Wen det taim garra kaman bambai, nomo enibodi kaan dumbat nogudbala ting enimo langa Isreil en nomo enibodi kaan dumbat wikitwan ting enimo langa Juda igin, dumaji ai garra larramgo fri detlot pipul weya stil jidan laibala.”

Leminteishans 4:22

Yumob pipul brom Jerusalem bin pei blanga olabat nogudbalawei. YAWEI det trubala God nomo wandim yumob blanga jidan langa najawan kantri enimo. Im wandim jandimbek yumob langa yumob ronwan kantri. Bat yumob Idam pipul, YAWEI det trubala God garra panishim yumob. Im garra shoum ola najalot pipul yumob bin dumbat nogudbala ting.” Lagijat na det speshalwan mesinja bin tok.

Isikiyel 36:25

Ai garra washim yumob garram klinwan woda, en yumob garra jidan brabli klinbala blanga mi. Ai garra washimwei ebrijing brom yumob weya nomo meigim yumob jidan klinbala blanga serramoni, en ai garra tjakidawei detlot brabli nogudwan drimin sheip.

Isikiyel 36:33

“ ‘Afta na wen ai garra meigim yumob jidan klinbala blanga serramoni, ai garra larram yumob bildimap ola taun blanga yumob igin, en yumob gin gobek en jidan langa detlot haus.

Labidakas 16:30

En langa det dei na dei garra dum det serramoni blanga meigim miselp fri brom olabat nogudbalawei, wulijim olabat garra jidan klinbala blanga serramoni.

Sekaraiya 13:1

Wal YAWEI det boswan God bin tok, “Langa det dei bambai ai garra opinimap nyuwan wel garram springwoda blanga detlot pipul blanga det femili lain blanga Deibid en blanga det najalot pipul hu jidan langa Jerusalem. Dei garra washim miselp langa det springwoda blanga meigim miselp klin brom olabat nogudbalawei en ebrijing weya meigim olabat brabli nogud blanga mi.

Rebaleishan 1:5

En Jisas Krais im gudbinji langa yumob du, en im garra album yumob jidan gudbalawei du. Wal Jisas Krais na bin gidap laibala brom det greibyad basdam. En im tok trubalawei blanga God, en im na det Boswan blanga ola bos langa ebri kantri. En im laigim wi, en imbin weistim im blad blanga wi blanga meigim wi fri brom ol wi nogudbalawei.