Jeramaiya 33:3 - Kriol Baibul

³ “If yu jingat langa mi, ai garra ensim yu. Ai garra dalim yu brabli gudbala ting yu nomo bin sabi bifo.

Jeramaiya 33:3 Iomraidhean Croise

Ola Saam 145:18

Im oldei jidan gulijap langa ol detlot pipul hu jingat langa im, en langa ol detlot pipul hu prei langa im garram trubalawan hat.

Ola Saam 25:14

Ol detlot pipul hu dum ebrijing weya God wandim olabat blanga dum, wal im gudfren blanga olabat. Im kaan nokambek im strongwan pramis langa olabat.

Ola Saam 50:15

Wen trabul kaman, jingat langa mi. Ai garra seibum yumob, en yumob garra preisim mi.”

Ola Saam 91:15

Wen dei jingat langa mi, ai garra ensim olabat. Ai garra jidan garram olabat wen dei abum trabul. Ai garra seibum olabat, en ai garra lidimap olabat haibala.

Aisaiya 45:3

Ai garra gibit yu ola silba en gol weya bin oldei jidanbat langa sigridwan pleis wulijim yu garra sabi, mi na YAWEI det trubala God blanga ola Isreil pipul, en mi na bin gulum yu neim.

Aisaiya 48:6

“Yumob bin irrim wanim aibin tok, en yumob bin luk imbin hepin. Yumob sabi im brabli trubala. Ai garra shoum yumob sigridwan ting weya yumob nomo bin sabi.

Aisaiya 65:24

Ai garra oldei ensim olabat preya bifo olabat binij preipreibat.

Jeramaiya 23:35

Bat dei garra askim olabat rileishan en frenmob, ‘Wanim YAWEI bin tok langa yu?’

Jeramaiya 29:12

Wen yumob garra jingat en prei langa mi, wal ai garra ensim yumob.

Jeramaiya 32:17

“YAWEI det boswan God, yu na bin meigim dijan graun en det skai garram yu haibala pawa. Nomo enijing im adwan blanga yu.

Jeramaiya 32:27

“Mi na YAWEI det trubala God blanga olkain pipul. Nomo enijing im adwan langa mi.

Denyul 2:18

En Denyul bin dalim olabat blanga prei langa God langa top, en askim im blanga jidan kainbala en album olabat en shoum olabat wanim det drim im min wulijim olabat en detlot najalot klebabala en doktabala kaan dai.

Denyul 2:22

Yu shoum pipul detlot brabli sigridwan ting. Yu sabi wanim jidan langa dakbala pleis, en oni yu na oldei jidan garram lait.

Denyul 2:23

Yu brabli haibala, en yu na God blanga main grengrenfathamob. Yubin gibit mi gudbala main en meigim mi strongbala. Yubin ensim main preya, en bin shoum melabat wanim blanga dalim det king. Ai preisim yu brabliwei en gibit yu theingks.” Lagijat na Denyul bin preisim God.

Jowal 2:32

Bat YAWEI garra seibum ol detlot pipul hu jingat langa im en askimbat im blanga album olabat, dumaji imbin tok, “Sambala pipul deya langa Jerusalem garra jidan laibala. Detlot pipul na weya mi pikimat olabat garra jidan laibala.”

Eimos 3:7

“Lagijat na YAWEI det boswan God oldei dalimbat im wekinmen olabat, detlot speshalwan mesinja, wanim im garra dum bifo det ting garra hepin.

Maika 7:15

“YAWEI, yu na det trubala God, en yu garra dum klebabala ting blanga melabat jis laik yubin dum longtaim wen yubin deigidawei melabat brom Ijip.

Methyu 13:35

Longtaim wan speshalwan mesinja blanga God bin tok langa oltestaman blanga dijan ting. Imbin tok, “Im garra tok langa ola pipul garram stori, en im garra dalimbat olabat olkain ting weya nobodi kaan sabi. Brom det taim wen God bin meigim ebrijing raidap tudei nobodi bin irrim det wed weya im tok.” Lagijat na det speshalwan mesinja bin tok.

Eks Hau Det Gudnyus Blanga Jisas Krais Bin Spredat Ebriweya 2:21

en God garra seibum ol detlot pipul hu jingat langa det Boswan blanga album olabat.’ Lagijat na Jowal bin tok.”

Fes Karinthiyans 1:2

Wal yumob na det tjetj blanga God, dumaji God bin pikimat yumob blanga jidan im ronwan pipul, en yumob blanga im na, dumaji yumob bin joinap garram Jisas Krais. En yumob jidan mijamet garram ol detlot najalot pipul ebriweya hu bilib en weship langa Jisas Krais det Bos blanga wi. Im Bos blanga detlot najalot pipul, en im Bos blanga wi du.

Ifishans 3:20

Wal det pawa blanga God im wek insaid langa wi. Bat wi kaan sabi haumatj God gin dum blanga wi garram im pawa. En wi oldei askim God lilbit.

Dyudaranami 4:29

Deya na yumob garra lukabat blanga YAWEI det trubala God blanga wi, en if yumob lukabat blanga im en tenbek langa im en bulurrum im garram yumob filing holbit, wal yumob garra faindim im.

Dyudaranami 4:7

“Wal nomo eni kantri garram drimin laik wi God. Im na YAWEI en im oldei jidan gulijap langa wi wen wi wandim im, en im oldei irrim wi wen wi jingat langa im blanga album wi.

Rebaleishan 2:17

“Wal yu lisin na garram yu irriwol. Yu lisin langa det Spirit blanga God en langa det wed weya im tok langa ola tjetj, dumaji langa detlot pipul hu garra win, ai garra gibit olabat det speshalwan daga brom top gulum mena. En ai garra gibit olabat waitwan ston du. Aibin raidimdan nyubala neim blanga olabat langa detlot ston. Nobodi kaan sabi detlot neim langa detlot ston. Oni detlot pipul na hu gedim detlot ston gin sabi.” Lagijat na Jisas bin tok.