Jeramaiya 33:2 - Kriol Baibul

² Imbin YAWEI na hubin meigim dijan wel en bin pudum ebrijing langa im rait pleis, hubin tok langa mi. Im neim YAWEI, en imbin tok,

Jeramaiya 33:2 Iomraidhean Croise

Ola Saam 102:16

Wen YAWEI garra bildimap Jerusalem igin, im pipul olabat garra luk im strongwan pawa.

Ola Saam 87:5

God, det Brabli Boswan, garra meigim Jerusalem jidan strongbala, en ola pipul ebriweya garra tok, “Melabat bin bon deya du.”

Eksadas 15:3

Im oldei win wen im fait. En im neim YAWEI.

Eksadas 6:3

en aibin shoum miselp langa Eibrahem en langa Aisik en langa Jeikob. Aibin shoum olabat mi na det boswan God. Bat ai nomo bin dalim olabat main brabliwan neim. Main neim YAWEI.

Aisaiya 14:32

“Wal if eni mesinja kaman brom Filastain, yumob garra tok, ‘YAWEI na bin bildimap Jerusalem. Nomeda im pipul olabat bin jidan brabli powan, olabat garra jidan seifwei deya na.’ ”

Aisaiya 37:26

‘Wal King Senakerib, yu irrim mi na. Mi na YAWEI. Aibin meigim dijan plen blanga ol dislot ting longtaim. En yu nomo sabi mi na, det wanbala hubin meigim dijan plen wulijim yu gin dum ol dislot ting. Aibin larram yu blanga go en meigim detlot strongbala taun jidan rabishwan.

Aisaiya 42:8

Main neim im YAWEI. Ai kaan neba larram eni drimin sheip, o enibodi sherimbat main brabli gudbala neim en det preis ola pipul gibitbat mi.

Aisaiya 43:1

Wal YAWEI det trubala God bin tok na, “Ol yumob Isreil pipul, mi na YAWEI bin meigim yumob. Yumob nomo bradin. Mi na bin seibum yumob. Mi na bin gulum yumob neim. Yumob na main ronwan pipul olabat.

Aisaiya 43:21

Aibin meigim olabat jidan main ronwan pipul olabat wulijim dei garra preisimbat mi.

Aisaiya 62:7

En dei kaan larram im silip du, raidap im garra meigim Jerusalem brabli strongbala en brabli haibala ebriweya.

Jeramaiya 10:16

Det God blanga Jeikob im nomo laik detlot. Oni im na wanbala bin meigim ebrijing. Im na bin pikimat ola Isreil pipul blanga jidan im ronwan pipul olabat. Im neim YAWEI det boswan God.”

Jeramaiya 16:21

Wal YAWEI bin tok, “Ai garra meigim ola kantri en pipul sabi det mi garram pawa en mi brabli strongbala, en olabat garra sabi mi na YAWEI det trubala God.”

Jeramaiya 32:18

Yubin shoum bigismob yu kipgon laigim olabat detmatj, bat yu panishim ola pipul blanga ola nogudbalawei weya olabat mami en dedi bin dum. Yu brabli haibala God garram detmatj pawa. Yu neim na YAWEI det boswan God.

Jeramaiya 51:19

Det God blanga Jeikob im nomo laik olabat. Oni im na wanbala bin meigim ebrijing. Im na bin pikimat ola Isreil pipul blanga jidan im ronwan pipul olabat. Im neim YAWEI det boswan God.

Eimos 5:8

“YAWEI garram detmatj pawa. Imbin meigim ola sta en imbin meigim detlot najalot sta du gulum Sebensista en Sospen. Im na tenim naitaim en meigim deitaim. Im tenim deitaim en meigim brabli dakbala. Im na gajim woda brom solwoda en spilim eniweya langa dijan wel. Im neim YAWEI det trubala God.

Eimos 9:6

“YAWEI bin bildimap im kemp deya ontop langa hebin. Imbin gaburrumap dijan graun garram det skai. Imbin gajim woda brom solwoda en spilim eniweya langa dijan graun. Im neim YAWEI det trubala God.”

Hibrus 11:16

Yu si? Deibin lukabat det mobedawan kantri deya langa hebin, en God im nomo sheim wen dei gulum im God, dumaji imbin meigim det brabliwan taun redi blanga olabat.

Rebaleishan 21:10

Brom deya det Spirit blanga God bin teikoba langa mi, en det einjul bin deigim mi ontop langa brabli haibala hil, en deya na imbin shoum mi det Holi Taun Jerusalem. Aibin luk det taun bin kamdan brom top brom God.

Rebaleishan 21:2

En aibin luk det nyubala kemp gulum Holi Taun. Tharran na det nyubala Jerusalem, en imbin kamdan brom God deya langa top. Imbin jis laiga yanggel wen im redi blanga midim im pramis.