Jeramaiya 32:2 - Kriol Baibul

² Langa det taim na, det ami blanga det king brom Bebalon bin faitfaitbat blanga teikoba Jerusalem, en aibin jidanbat prisana insaid langa det yad langa det speshalwan haus blanga det king.

Jeramaiya 32:2 Iomraidhean Croise

Sekan Kings 25:1

Wal King Sedakaiya nomo bin wandim lisin en teiknodis langa Nebakanesa det king blanga Bebalon. En King Nebakanesa bin go langa Jerusalem blanga King Sedakaiya garram ol im soljamob. Dis ting bin hepin langa det namba 9 yiya wen King Sedakaiya bin jidan det king en langa det namba 10 dei blanga det namba 10 manth. Wal deya na langa Jerusalem, King Nebakanesa en ol im soljamob bin meigim kemp raidaran langa det wol blanga teikoba det taun, en deibin pudumbat ola ebrijing deya blanga fait langa olabat.

Niyamaiya 3:25

Palal bin det san blanga Yusai, en imbin bildimbek det najawan pat blanga det wol brom det kona. Imbin wek gulijap langa det haiwan pat blanga det king haus deya langa det haibala graun, gulijap langa det opin pleis blanga ola solja. Pedaiya bin det san blanga Parosh, en imbin bildimbek det najawan pat blanga det wol raidap langa det pleis gulijap langa det Woda Geit deya sanraisaid langa det bigwan haiwan pat langa det wol gulum Ofel, en deibin wek olawei langa det pleis na weya detlot wekinmen blanga det Serramoni Pleis bin oldei jidan.

Ola Saam 88:8

Yubin meigim main frenmob tenawei en bradin brom mi en deibin libum mi miselp. Mi trep na en ai kaan ranawei.

Jeramaiya 32:3

King Sedakaiya bin meigim mi jidan prisana deya, en imbin pudum bleim langa mi, dumaji aibin dalimbat olabat wanim YAWEI bin tok, “Ai garra larram det king brom Bebalon teikoba dijan taun,

Jeramaiya 32:8

Wal jis laik YAWEI bin tok, Henamel bin kaman langa mi deya langa det yad en imbin askim mi blanga baiyim im fam. Wal aibin sabi YAWEI bin tok langa mi trubalawei.

Jeramaiya 33:1

Wen aibin stil jidanbat insaid langa det jeil langa det yad, wal YAWEI det trubala God bin tok langa mi.

Jeramaiya 34:1

Wal YAWEI det trubala God bin tok langa mi wen King Nebakanesa brom Bebalon en im amimob en ola ami brom ola najalot kantri hubin wek blanga im, bin faitfaitbat langa Jerusalem en langa detlot lilwan taun weya jidan raidaran langa Jerusalem.

Jeramaiya 36:5

Afta tharran aibin gibit Baruk det najalot wed. Aibin tok, “Ai nomo lau go insaid langa det Serramoni Pleis enimo.

Jeramaiya 37:15

Deibin brabli wail langa mi en deibin beldim mi en lokimap mi langa det haus weya deibin meigim jeil. Det haus bin blanga Jonathan, det men hu oldei raidimdan ebrijing blanga det king.

Jeramaiya 37:21

Wal King Sedakaiya bin gibit oda langa im soljamob blanga lokimap mi langa det yad langa im haus. Aibin stap deya na, en ebridei olabat bin oldei gibitbat mi damba brom det pleis weya olabat oldei gugumbat daga raidap ola damba langa det taun bin ol ranat.

Jeramaiya 37:4

Wal langa det taim na aibin stil goran ebriweya langa ola pipul dumaji olabat nomo bin pudum mi langa jeil yet.

Jeramaiya 38:13

en deibin pulumap mi brom det wel. Afta tharran aibin jidanbat langa det yad langa det speshalwan haus blanga det king.

Jeramaiya 38:6

Wal olabat bin gajim mi, en olabat bin pudumdan mi garram longwan roup insaid langa det wel blanga Melkaiya det san blanga det king. Det wel bin langa det yad blanga det king haus. Nomo eni woda bin deya langa det wel, oni mad, en aibin buldan deya na langa det mad.

Methyu 5:12

En wen detkain ting garra hepin langa yumob, wal yumob garra hepi en gudbinji, dumaji God garram det prais redi blanga yumob langa hebin.”