Jeramaiya 32:19 - Kriol Baibul

¹⁹ Yu oldei meigim klebabala plen, en yu oldei dumbat brabli strongbala ting. Yu oldei luk ebrijing wanim ola pipul dumbat, en yu oldei gibit olabat gudbala ting blanga wanim olabat oldei dumbat.

Jeramaiya 32:19 Iomraidhean Croise

Fes Kings 8:32

YAWEI yu lisin brom det skai en yu jadjim det dubala men. Yu panishim det giltiwan, en yu larramgo det najawan fri.

Sekan Kranakuls 16:9

YAWEI im oldei wotjimbat ebribodi, en im meigim strongbala detlot hu oldei duwit trubalawei langa im. Bat yubin dum nogudbala ting, en blanga tharran na yu kantri kaan jidan gudbala igin.”

Job Wotfo Gudbala Pipul Abum Trabul? 34:11

God oldei peiyimbek ebribodi blanga wanim olabat dumbat.

Job Wotfo Gudbala Pipul Abum Trabul? 34:21

Wal Ilaihu bin kipgon tok, “God oldei wotjimbat ebrijing wi oldei dumbat.

Ola Saam 111:2

Trubala! Ola ting weya YAWEI oldei dumbat, olabat brabli gudwan. Ol detlot pipul hu oldei gudbinji blanga detlot gudwan ting, oldei wandim sabi mowa blanga olabat.

Ola Saam 34:15

YAWEI oldei lukaftumbat detlot pipul hu bulurrum im. En wen dei jingat langa im, im oldei irrim.

Ola Saam 62:12

en im filing blanga laigimbat pipul im jidan olagijawan. Yu na Bos en yu jadjim ebribodi raitwei en yu garra peiyimbek ebribodi blanga ola enijing weya deibin dumbat.

Ola Saam 92:6

Siliwan pipul kaan sabi blanga dijan na.

Eksadas 15:11

YAWEI, yu na det trubala God, en nomo eni drimin jidan seim laik yu. Yu brabli difrin brom enibodi. Nobodi garram pawa seim laik yu. Nobodi kaan dum eni klebabala ting seim laik yu. Nobodi kaan dum bigbala wek seim laik yu.

Prabebs 5:21

YAWEI det trubala God oldei luk ebrijing yu dumbat en im oldei lukinat weya yu oldei go.

Prabebs 8:14

Ai meigim ola plen en ai kipum olataim. Ai garram brabli gudbala main en mi brabli strongbala du.

Aklisiyestis 12:14

En dumaji God garra jadjim wi holot blanga wanim wibin oldei dumbat, nomeda wibin gudwan o nogudwan, en nomeda sigridwei wibin oldei dumbat. Binij na.

Aisaiya 28:29

Dijan na wanim detlot fama oldei dumbat en YAWEI det boswan God, hu sabi ebrijing, bin lenim olabat blanga dum lagijat.” Lagijat na aibin tok.

Aisaiya 40:13

Yumob sabi enibodi hubin dalim YAWEI wanim im garra lafta dum? Yumob sabi enibodi bin titjimbat im?

Aisaiya 59:18

Wal YAWEI garra brabli wail en panishim im enamimob blanga wanim olabat bin oldei dumbat langa im pipul olabat. Im garra panishim olabat nomeda olabat jidan gulijap o longwei.

Aisaiya 9:6

“Wal wanbala lilwan boi bin bon blanga wi. Det wanbala san garra jidan Bos blanga wi. Blanga im neim im Brabli Gudbala Titja, en Brabli Haibala God, en Olagijawan Dedi en Bos Blanga Det Gudbinjiwei.

Jeramaiya 16:17

Mi na gin luk ebrijing wanim yumob oldei dumbat. Nomo enijing kaan blandim miselp brom mi, en ai luk langa yumob nogudbalawei.

Jeramaiya 17:10

Bat oni mi na YAWEI sabi. Ai gin luk insaid langa ebribodi, nomeda hu im. Ai luk ebribodi seimwei en gibit ebribodi feyago blanga ebrijing dei dum.” Lagijat na YAWEI bin tok.

Jeramaiya 21:14

Bat ai garra panishim yu blanga wanim yubin oldei dumbat. Ai garra barnimap yu bigwan haus en det faiya na garra barnimap ebrijing olaran langa yu.” Lagijat na YAWEI bin tok.

Jeramaiya 23:24

Nobodi kaan blandim miselp brom mi! Mi jidan ebriweya langa skai en langa graun du.

Jeramaiya 25:14

Ai garra peiyimbek detlot Bebalon pipul blanga wanim olabat bin oldei dumbat, en najalot pipul en detlot king garra meigimbat olabat prisana.’ ” Lagijat na YAWEI bin tok.

Denyul 4:35

Im oldei lukinat ola pipul langa dijan wel. Olabat najing. Im jidan bos langa ola einjul langa top en langa ola pipul langa dijan wel. Nobodi kaan go oba langa im, en nobodi kaan tok, ‘Wotfo yu dum lagijat?’

Sekaraiya 9:1

Wal dijan na det adwan wed brom YAWEI det trubala God. Bambai im garra panishim detlot pipul hu jidan langa nowathwei langa det kantri gulum Heidrak en detlot pipul hu jidan langa det taun gulum Dameskas. En detlot Isreil pipul en ola najalot pipul garra luk wanim im garra dum bambai.

Methyu 16:27

Mi na det Speshalwan Men, en nomo longtaim na ai garra kambek garram det shainiwan lait main garram ola einjul garram detmatj pawa brom main Dedi, en ai garra peiyimbek ebribodi blanga ebrijing weya deibin dumbat.

Jon Bin Dalim Det Gudnyus Blanga Jisas Det San Blanga God 5:29

en dei garra kamat brom olabat greibyad. Detlot pipul hubin oldei dumbat gudbala ting garra gidap laibala en jidan olagijawan. Bat ol detlot pipul hubin oldei dumbat nogudbala ting garra gidap laibala en go langa det pleis weya God garra panishim olabat olagijawan.” Lagijat na Jisas bin tok.

Sekan Karinthiyans 5:10

en im garra jadjim ebribodi, en im garra peiyimbek ebribodi blanga ola nogudbala ting weya deibin dumbat langa dijan laif, en im garra peiyimbek ebribodi blanga ola gudbala ting weya deibin dumbat langa dijan laif du.

Ifishans 1:11

Nomo enijing kaan hepin if im nomo langa God plen, dumaji God sabi wanim im wandim, en imbin pikimat wi blanga joinimap wi langa Jisas Krais en meigim wi jidan im ronwan pipul olabat. Imbin dum lagijat, dumaji imbin wandim lagijat, en imbin jinggabat blanga dum lagijat basdam, bifo imbin meigim dijan wel.

Hibrus 4:13

Wi kaan blandim enijing brom God. Im luk ebrijing, dumaji ebrijing jidan opin langa im, en langa im na wi garra onap en dalim miselp.

Rebaleishan 2:23

Bat ai garra kilim ded ol detlot pipul hu bulurrum det wei blanga det wuman. En afta ola tjetjmob garra sabi nobodi sabi wotkain enibodi insaid. Oni mi na ai sabi. Mi oldei lukinat insaid langa ebribodi hat en main, en ai sabi wanim ebribodi jinggabat blanga dumbat, en ai sabi wanim ebribodi wandi dumbat. En ai garra peiyimbek ebribodi blanga ola enijing weya dei dumbat.

Rebaleishan 22:12

Afta na Jisas bin tok, “Yu irrim mi na! Ai garra kaman dregli. En ai garra bringimap ola gudbala ting en ola nogudbala ting blanga ola pipul. Ai garra gibit ola nogudbala ting langa detlot pipul hubin dumbat nogudbala ting, en ai garra gibit ola gudbala ting langa detlot pipul hubin dumbat gudbala ting. Olawei lagijat na ai garra gibitatbat.