Biblia Todo Logo
Bìoball air-loidhne

- Sanasan -




Jeramaiya 31:3 - Kriol Baibul

3 aibin shoum miselp langa olabat. Pipul brom Isreil aibin oldei laigim yumob brabliwei, en ai garra kipgon shoumbat yumob mi laigim yumob detmatj.

Faic an caibideil Dèan lethbhreac




Jeramaiya 31:3
28 Iomraidhean Croise  

Wal ai preisimbat YAWEI det trubala God blanga yu. Imbin shoum im brabli gudbinji garram yu, dumaji imbin meigim yu jidan det king blanga Isreil. Dumaji im laigim detlot pipul blanga Isreil olagijawan, imbin meigim yu jidan king wulijim yu gin oldei kipum det lowa en gibit ola pipul feyago.” Lagijat na det kwin brom Shiba bin tok.


Bat wen YAWEI laigim im pipul, im laigim olabat olagijawan. Im kipgon laigimbat olagijawan, detlot pipul hu oldei rispek im, en hu oldei teiknodis langa im strongwan pramis weya imbin meigim. Im dum rait ting blanga olabat biginini, en blanga olabat biginini weya garra kaman bambai.


YAWEI, jinggabat ol dislot ting na. Brom longtaim yubin oldei jidan kainbalawan, en yubin oldei kipgon laigimbat pipul.


Yu garra deigim mi na, en yunmi garra ranawei. Yu garra jidan main king, en yu garra abum mi langa yu kemp. Yunmi garra jidan hepiwan na, en yunmi garra abumbat gudbala taim mijamet. Dumaji ai sabi ol detlot najalot gel oldei wandimbat yu du.


Aibin larramgo detlot pipul brom najalot kantri blanga seibum yumob. Yumob brabli speshalwan langa mi, en ai laigim yumob detmatj.


Bat YAWEI garra kipum melabat ola Isreil pipul seifwan, en melabat kaan neba sheim.”


Bat detlot pipul brom Jerusalem bin tok, “YAWEI bin gibit wi bekboun en imbin fogedabat wi.”


Wal YAWEI det trubala God bin tok, “Longtaim wen ola Isreil pipul bin jidan langa Ijip, deibin jis laiga lilboi, en aibin laigim olabat detmatj, en aibin jingat langa olabat jis laik aibin det dediwan weya im jingat langa im san, en aibin deigidawei olabat brom det kantri.


Aibin growimap olabat gudbalawei dumaji aibin laigim olabat, en aibin oldei lukaftumbat olabat olataim. En wen olabat bin abum trabul, aibin oldei album olabat. En wen olabat bin hanggri, aibin oldei gibit olabat daga.


Wal YAWEI bin tok langa im pipul olabat, “Aibin oldei laigim yumob.” Bat olabat tok, “Hau yubin shoum yu laigim melabat?” YAWEI im ensim olabat, “Isau en Jeikob bin braja gija, indit? Bat aibin laigim Jeikob en aibin pikimat im en im biginini olabat,


En blanga tharran na God bin jingat langa detlot pipul weya imbin pikimat, en imbin meigim olabat jidan raitwei langa im, en im garra meigim olabat jidan garram det shainiwan lait blanga im.


En blanga tharran na langa oltestaman God bin tok, “Aibin pikimat Jeikob, dumaji aibin laigim im. En aibin kadimat Isau, dumaji ai nomo bin laigim im.”


Bat YAWEI bin laigim wi grengrenfathamob detmatj, im nomo bin pikimat najalot pipul. Najing! Imbin pikimat wi grengrenfathamob, en raidap tudei yumob stil im ronwan pipul.


Wal Mosis bin kipgon tok, “Yumob Isreil pipul, nomo eni drimin laik yumob God. Im oldei wotjimbat yumob brom top, en im oldei kamdan brom top en album yumob.


YAWEI laigim im pipul olabat, en im oldei maindimbat ola pipul blanga im. Olabat weship im, en olabat oldei dum wanim imbin tok.


Dumaji imbin laigim wi grengrenfathamob detmatj imbin pikimat yumob en bringimat yumob brom Ijip en imbin yusum im strongbala pawa.


Yu si? God bin seibum yunmi, en imbin pikimat yunmi blanga jidan blanga im. Im nomo bin pikimat yunmi dumaji yunmi bin dum gudbala ting blanga im. Nomo. God bin pikimat yunmi dumaji imbin meigim im ronwan plen blanga kain langa yunmi. En imbin brabli kainbala langa yunmi thru Jisas Krais det San blanga im. Wal God bin meigim det plen blanga im longtaim bifo imbin meigim dijan wel.


Wal wen wibin lisin langa det trubala wed, God bin gibit wi nyubala laif. Imbin gibit det gudbala laif langa wi. Nomeda imbin meigim ebribodi, bat stil imbin wandi meigim wi det feswan speshal pipul blanga im.


Wal wi garra gibit theingks langa God det dedi blanga Jisas Krais det Bos blanga wi, dumaji imbin brabli kain langa wi, en imbin gibit wi nyubala laif wen imbin meigim Jisas Krais gidap laibala brom dedbala, en blanga tharran na wi sabi trubala wi garra gedim ol detlot ting weya God garram deya langa hebin blanga im pipul olabat, en wi sabi detlot ting kaan go nogudwan en binij. Dei garra jidan olagijawan. Praise


Wal wi laigim God dumaji imbin laigim wi basdam.


Lean sinn:

Sanasan


Sanasan