Jeramaiya 31:2 - Kriol Baibul

² Basdam aibin kain langa detlot pipul langa det deset kantri hu nomo bin dai. Wen detlot pipul brom Isreil bin wandim abum gudwan spel,

Jeramaiya 31:2 Iomraidhean Croise

Ola Saam 78:52

Brom deya imbin deigim im pipul olabat jis laiga stakmen en imbin deigim olabat thru det deset kantri.

Ola Saam 95:11

Aibin gitwail en aibin meigim dijan strongwan pramis langa olabat, ‘Aibin wandi gibit yumob det kantri blanga jidan gudbinjiwei, bat najing. Yumob kaan go deya na.’ ”

Eksadas 1:16

en det king bin dalim dubala, “Wen yunbala album eni Isreil gel abum beibi, en det beibi im boiwan, wal yunbala garra kilim im ded. Bat if det beibi im gelwan, wal yunbala garra larram im jidan laibala.” Lagijat na det king bin tok.

Eksadas 1:22

Bambai na det king bin gibit oda langa ola pipul langa det kantri. Imbin tok, “Wen eni Isreil gel abum boiwan beibi, yumob garra tjakam det beibi langa det Nail Riba en larram im dai deya. Bat yumob garra larram ola gelwan beibi jidan laibala.”

Eksadas 12:37

Wal wen ola Isreil men en gel en biginini olabat bin gowei brom det kantri, deibin deigim ola ship en nenigout en buligi blanga olabat. Bigmob deibin deigim, en loda najalot pipul bin go garram olabat du. Det namba blanga ola men bin 600,000, en deibin gowei brom det taun gulum Remasis weya deibin oldei wek. Deibin gowei futwok, en deibin go langa det najawan taun gulum Sukait.

Eksadas 2:23

Bambai na longtaim afta wen Mosis bin ranawei brom Ijip, det king blanga det kantri bin dai. Bat detlot Ijip pipul bin stil fosim detlot Isreil pipul blanga jidan jis laiga prisana en dumbat ola adwek, en detlot Isreil pipul bin oldei askimbat God blanga album olabat.

Eksadas 33:14

Wal YAWEI bin tok, “Mi na garra go garram yu, en mi na garra meigim yu jidan gudwei langa det kantri.”

Eksadas 5:21

en olabat bin gitwail langa dubala, en deibin tok, “YAWEI det trubala God bin luk wanim yunbala bin dum, en im garra panishim yunbala, dumaji yunbala bin meigim det king en ola boswan nomo laigim melabat, en yunbala bin meigim olabat wandi kilim melabat.”

Isikiyel 20:35

Ai garra bringimbek yumob langa det deset kantri en deya na ai garra jadjim yumob holot.

Hoseiya 11:4

Aibin growimap olabat gudbalawei dumaji aibin laigim olabat, en aibin oldei lukaftumbat olabat olataim. En wen olabat bin abum trabul, aibin oldei album olabat. En wen olabat bin hanggri, aibin oldei gibit olabat daga.

Nambas 10:33

Wen detlot Isreil pipul bin gowei brom Sainai, det seikridwan hil, deibin wokwokbat blanga thridei. Det Libai klen bin oldei garrimap det Seikridwan Boks blanga YAWEI deibin oldei go lida langa olabat blanga faindim pleis blanga kemp.

Nambas 14:20

Wal YAWEI bin ensim im, “Ai garra larramgo olabat fri dumaji yubin askim mi.

Methyu 11:28

“If enibodi garram loda wori, en im nokap brom det wori jis laiga men weya im garrimap hebiwan loud, wal im garra kaman langa mi, en ai garra deigidawei det wori, en meigim im jidan gudwei.

Dyudaranami 1:30

YAWEI garra go lida langa yumob en im garra album yumob. Yumob sabi hau imbin album yumob wen imbin larramgo yumob fri brom Ijip,

Dyudaranami 1:33

Yumob sabi imbin oldei go lida blanga faindim gudwan pleis blanga yumob blanga meigim kemp. Im na bin shoum yumob wujei blanga go. Naitaim imbin jandim bigwan faiya blanga go lida langa yumob en deitaim imbin jandim longwan klaud.”

Dyudaranami 2:7

“Wal yumob garra jinggabat na weya YAWEI bin album yumob garram ebrijing weya yumob bin dumbat, en imbin lukaftumbat yumob langa dijan bigwan deset kantri. Imbin deya garram yumob langa det 40 yiya na, en imbin gibit yumob ola ebrijing weya yumob bin wandim.

Dyudaranami 8:16

Langa det deset kantri imbin gibit yumob det daga gulum mena blanga dagat weya wi grengrenfathamob nomo bin dagat bifo. Imbin jandim trabul langa yumob blanga luk hau yumob garra jandap blanga im en blanga meigim yumob jidan lobala. En imbin dum lagijat blanga yumob dumaji imbin wandi gibit yumob olkain gudbala ting.

Joshuwa 1:13

“Yumob jinggabat na wanim Mosis det wekinmen blanga God bin dalim yumob, YAWEI garra gibit yumob det kantri disaid langa det Jodan Riba, en iya na yumob garra jidan.