Jeramaiya 3:20 - Kriol Baibul

²⁰ Bat yumob bin jidan jis laiga waif hu nomo jidan trubala langa im hasbin. Yumob nomo bin brabli trubala langa mi.” Lagijat na YAWEI bin tok.

Jeramaiya 3:20 Iomraidhean Croise

Aisaiya 24:16

En wi garra irrim olabat brom ola longweiwan kantri singsingbat detlot song langa det God hu oldei gibitbat ebribodi feyago. “Bat main hat im jidan brabli hebiwan. Mi brabli nogudbinji. Dumaji nogudbala pipul oldei dumbat trikibala ting langa mi, en dei kipgon dumbat mowes ting langa mi.

Aisaiya 48:8

Yumob nomo bin laigim irrim dislot wed weya aibin tok bifo yumob bin bon. Ai sabi yumob nomo bin laigim irrim wanim aibin tok, en yumob bin gibit mi bekboun.”

Jeramaiya 12:1

Wal aibin tok na, “YAWEI det trubala God, if ai deigim yu langa kothaus, yu garra win. Wal ai wandim yu blanga dalim mi. Wotfo nogudbala pipul meigim miselp brabli ritjwan? Wotfo tufeis pipul oldei gedim ebrijing?

Jeramaiya 5:11

Detlot pipul brom Isreil en detlot pipul brom Juda nomo bin trubala langa mi, en deibin tenawei brom mi olagija na.” Lagijat na YAWEI bin tok.

Hoseiya 3:1

Wal YAWEI det trubala God bin dalim Hoseiya, “Nomeda det waif blanga yu oldei silipsilipbat garram im boifren olabat, bat stil yu garra go en dalim im yu laigim im. Yu garra laigim im jis laik mi laigim ola Isreil pipul. Nomeda dei oldei bulurrumbat ola najalot drimin en laigim dagadagat det seikridwan daga gulum reisankeik, bat stil mi laigim olabat.” Lagijat na YAWEI bin tok.

Hoseiya 5:7

Yumob nomo bin jidan trubala langa mi, en detlot biginini weya yumob bin abumbat nomo blanga main. “Yumob nomo trubala langa mi. En blanga tharran na ai garra binijimap yumob. En ai garra binijimap dijan kantri blanga yumob du.” Lagijat na YAWEI bin tok.

Hoseiya 6:7

“Longtaim wen yumob bin kamat langa dijan kantri deya langa det pleis gulum Edam, streidawei yumob bin breigim det strongbala pramis weya aibin meigim garram yumob.

Melakai 2:11

Detlot Juda pipul bin breigim det strongbala pramis weya deibin meigim langa God. Deibin dum samting weya God nomo bin laigim langa Jerusalem en langa olabat kantri Isreil. Detlot Juda pipul bin meigim det serramoni pleis weya YAWEI laigim, brabli nogudwan. En detlot Juda men bin merrit langa detlot gel brom najalot kantri hu weship ola difrinwan drimin.