Jeramaiya 3:11 - Kriol Baibul

¹¹ Bat detlot pipul langa Isreil nomo bin dum tharran, najing. Dei nomo bin gemanwan laik detlot pipul langa Juda.

Jeramaiya 3:11 Iomraidhean Croise

Jeramaiya 11:10

Olabat bin gobek en dumbat nogudbala ting jis laik olabat grengrenfathamob bin oldei dumbat. Olabat nomo bin duwit wanim aibin dalim olabat. Olabat bin oldei weshipbat detlot drimin sheip. Detlot Isreil en Juda pipul bin breigim det strongwan pramis weya aibin meigim garram olabat grengrenfathamob.

Jeramaiya 3:22

Wal YAWEI bin tok langa detlot Isreil pipul na, “Yumob garra lafta kambek langa mi na, ol yumob hubin gibit bekboun langa mi, wulijim ai garra meigim yumob jidan brabli klinbala brom det nogudbalawei blanga yumob.” Wal detlot Isreil pipul bin tok, “Yuwai, melabat garra kambek langa yu na, YAWEI, dumaji yu na blanga melabat God.

Jeramaiya 3:7

Ai sabi detlot pipul langa Isreil bin gibit mi bekboun en dum loda nogudbala ting, bat aibin stil reken olabat garra kambek langa mi. Bat olabat nomo bin kambek langa mi, najing. Wal aibin lafta libum olabat, en aibin jandimwei olabat na. En detlot pipul langa Juda bin jidan jis laiga geman sista blanga olabat. Deibin luk wanim bin hepin langa olabat, bat dei nomo bin wori blanga tharran, najing. Deibin gibit mi bekboun wulijim detlot Isreil pipul. Olabat holot bin jis laik det gel weya oldei selimbat miselp langa eni men.

Isikiyel 16:47

Yubin bulurrumbat det nogudbalawei blanga yu dubala sista, bat nomo longtaim yubin dum mowa nogudbala ting brom yu dubala sista.

Isikiyel 23:11

“Wal nomeda im sista Oholiba bin luk wanim bin hepin langa Ohola, bat stil Oholiba bin dum mowa nogudbala ting langa im sista en imbin laigim silipsilipbat garram bigismob men du.

Hoseiya 11:7

Dei nomo wandi kaman langa mi. En wen det trabul garra kaman brabli strongwan, dei garra jingat langa detlot drimin. Bat im kaan deigidawei det trabul brom olabat.

Hoseiya 4:16

“Ola Isreil pipul meigim miselp admen jis laiga granggibala buligi. Dei kaan larram mi lukaftumbat olabat en fidimbat olabat jis laiga stakmen weya im fidimbat ola lilwan ship langa pedik.