Jeramaiya 28:13 - Kriol Baibul

¹³ blanga go en dalim Henanaiya wanim imbin tok, “Maitbi yu gin breigim det yok yubin meigim garram wadi en letha, bat ai garra gibit yu aiyanwan yok.

Jeramaiya 28:13 Iomraidhean Croise

Sekan Kranakuls 10:11

Main dedi bin meigim yumob wek adbala, bat ai garra meigim yumob wek mowa adbala. Main dedi bin yusum wip langa yumob, bat ai garra yusum stokwip langa yumob.’ ”

Ola Saam 107:16

Im oldei breigimap ola kopawan geit blanga olabat enamimob, en im smeshimap ola aiyanwan ba blanga larram im pipul jidan fri.

Ola Saam 149:8

en blanga taiyimap ola king en detlot lidamob garram tjein.

Aisaiya 45:2

Ai garra go lida langa yu en meigim detlot hil kantri jidan lebulwan, en if eni taun abum aiyanwan en kopawan geit, wal ai garra breigimdan det geit.

Jeramaiya 27:15

YAWEI na bin tok im nomo bin jandim olabat en olabat dalimbat laiya en dei reken dei tok garram im neim. Wal im garra jandimwei yu, en yu garra ol gitkil, yu en detlot speshalwan mesinjamob hu oldei dalimbat yu laiyawan wed.” Lagijat na aibin tok.

Jeramaiya 27:2

“Yu garra gajim wadi en letha blanga meigim yok, en pudum langa yu ronwan nek. Dijan shoum main pipul olabat dei garra abum adwan bos.

Leminteishans 1:14

En im jis laik imbin taiyimap ol detlot nogudbala ting weya aibin dumbat langa main nek en aibin go brabli wikwan na, nomo garram eni munda. En main bos bin hendimoba mi langa main strongwan enamimob hubin bidim mi.

Leminteishans 2:14

Detlot speshalwan mesinja blanga yumob bin tok olkain laiyinbala wed. Deibin trikim yumob wulijim yumob kaan sabi det nogudbalawei blanga yumob, en yumob kaan libum det nogudbalawei. Deibin reken yumob gudbala wen yumob bin jidan nogudbala.

Isikiyel 30:18

Yumob bin brabli laigim miselp, dumaji yumob bin brabli strongbala en yumob bin abum detmatj pawa, bat ai garra deigidawei det pawa brom yumob en binijimap det praudbalawei blanga yumob du. Det taun gulum Teipanes garra jidan brabli dakbala. En det dakbala klaud garra jidan langa Ijip wen dei deigimwei yumob prisana.

Dyudaranami 28:48

“Wal yumob garra jidan wekinmen en wekingel blanga detlot enami na weya YAWEI garra jandim langa yumob, en yumob garra jidan brabli hanggribala en thestibala en neigidbala nomo garram enijing, en YAWEI garra panishim yumob brabli strongbalawei raidap yumob garra dai.