Jeramaiya 24:5 - Kriol Baibul

⁵ “Wal mi na YAWEI det God blanga ola Isreil pipul. Ai reken detlot pipul weya deibin deigidawei langa Bebalon, olabat jis laik dislot gudwan fig daga, en ai garra lukaftumbat olabat kainbalawei.

Jeramaiya 24:5 Iomraidhean Croise

Ola Saam 119:67

Basdam aibin oldei dum rong ting, bat yubin streitinimap mi en tudei mi teiknodis langa yu wed na.

Ola Saam 119:71

Wen yubin streitinimap mi blanga main nogudbalawei, tharran na bin brabli gud ting blanga mi. Imbin meigim mi len ola lowa blanga yu.

Jeramaiya 24:4

Wal YAWEI bin tok langa mi,

Jeramaiya 29:11

Oni mi na sabi ola plen ai garra dum blanga yumob. Detlot plen garra meigim yumob jidan brabli gudwei, nomo garram eni trabul. Detlot plen weya ai garra dum blanga yumob bambai garra hepin jis laik yumob wandim.

Jeramaiya 29:20

Wal ol yumob pipul weya aibin jandimwei langa Bebalon, yumob irrim mi.

Jeramaiya 29:4

Det leda bin tok, “YAWEI det boswan God blanga ola Isreil pipul bin tok langa ol detlot pipul weya imbin larram Nebakanesa deigimwei brom Jerusalem en meigim olabat jidan prisana langa Bebalon.

Isikiyel 11:17

“Wal mi na YAWEI det boswan God garra majurrumap yumob brom ola kantri weya aibin jandim yumob, en ai garra gibitbek det Isreil kantri langa yumob.

Isikiyel 11:20

En yumob garra bulurrum main lowa, en teiknodis langa main wed. Yumob garra jidan main ronwan pipul, en ai garra jidan yumob God.

Labidakas 26:44

Bat nomeda yumob garra jidan langa det kantri weya yumob enami jidan, ai kaan gibit bekboun langa yumob en ai kaan binijimap yumob olagijawan. Dumaji ai kaan breigim det strongwan pramis weya aibin meigim garram yumob, en mi na YAWEI det trubala God blanga yumob.

Neiham 1:7

Wal YAWEI im gudbala, en wen im pipul olabat abumbat trabul, im oldei lukaftumbat olabat, en im oldei maindimbat detlot pipul hu trastim langa im.

Sekaraiya 13:9

En ai garra testim olabat garram trabul if dei bulurrum mi brabliwei. En thru det trabul ai garra meigim olabat klin brom ola nogudbala ting, jis laik pipul meigim det silba klinwan garram faiya, en jis laik weya olabat meigim det gol klinwan wen dei barnim blanga deigimat det nogudwan pat. Afta dei garra jingat langa mi en ai garra ensim olabat. Ai garra tok, ‘Yumob main pipul,’ en dei garra tok, ‘YAWEI yu na det God blanga melabat’.” Lagijat na YAWEI bin tok.

Methyu 25:12

Bat det bos bin tok, ‘Nomo! Ai nomo sabi yumob.’ ”

Jon Bin Dalim Det Gudnyus Blanga Jisas Det San Blanga God 10:27

Ai sabi main ship olabat, en dei irrim mi, en dei bulurrum mi,

Romans 8:28

En wi sabi God oldei wekimat ebrijing gudwei blanga album ol detlot pipul hu laigim im. En God bin jingat langa detlot pipul na blanga dum wanim im wandim olabat blanga dum.

Fes Karinthiyans 8:3

Bat God sabi detlot hu laigim im brabliwei.

Galeishans 4:9

Wal tudei yumob sabi God. O maitbi ai tok, God im sabi yumob. En dumaji yumob sabi im, wal wotfo yumob oldei wandi gobek langa ol detlot ting weya kaan album yumob en gibit yumob enijing? Wotfo yumob wandi jidan wekinmen blanga detlot ting weya dei gulum drimin igin?

Dyudaranami 8:16

Langa det deset kantri imbin gibit yumob det daga gulum mena blanga dagat weya wi grengrenfathamob nomo bin dagat bifo. Imbin jandim trabul langa yumob blanga luk hau yumob garra jandap blanga im en blanga meigim yumob jidan lobala. En imbin dum lagijat blanga yumob dumaji imbin wandi gibit yumob olkain gudbala ting.

Sekan Timathi 2:19

Wal nomeda sambala pipul trai en deigidawei ola Kristjan pipul brom det trubalawei, bat stil nobodi kaan breigimdan det brabliwan tjetj weya God bin meigim, dumaji imbin pudum dislot wed na langa det tjetj. Imbin tok, “Jisas Krais det Bos im sabi ol detlot pipul blanga im.” En imbin tok, “Ebribodi hu reken im blanga Jisas Krais garra libum det nogudbalawei olagija.”

Rebaleishan 3:19

Detlot pipul weya mi laigim olabat, mi oldei tok streidat langa olabat, en wen dei dumbat nogudbala ting, mi oldei panishim olabat. “Wal yu garra teiknodis na en tenim miselp brom ola nogudbala ting.