Jeramaiya 23:36 - Kriol Baibul

³⁶ Wal olabat kaan yusum detlot wed, ‘Ai garram wed brom YAWEI’ enimo. Wen dei tok lagijat dei jis twistimran main wed en meigim im jidan laiyawan. Dei garra jinggabat tharran, dumaji mi na yumob ronwan God. Mi na YAWEI det brabli haibala boswan God.

Jeramaiya 23:36 Iomraidhean Croise

Sekan Kings 19:4

Det boswan king blanga Asiriya bin jandim detlot haibala wekinmen blanga im blanga tok nogudwei langa det laibalawan God. Maitbi YAWEI bin lisin detlot nogudwan wed weya deibin tok, wal larram im panishim olabat. Mi askim yu blanga prei langa God blanga melabat hu stil jidan laibala.”

Ola Saam 12:3

YAWEI yu meigim jidan kwait detlot pipul hu oldei tok laiyawei. Yu jadimap mawus blanga ol detlot pipul hu tok praudwei.

Ola Saam 120:3

Yumob ola laiyawan pipul, wanim God garra dum langa yumob? Hau im garra panishim yumob?

Ola Saam 149:9

Olabat garra panishim detlot pipul langa najalot kantri jis laik weya God bin tok. Lagijat na ola pipul blanga God garra win. Preisim YAWEI det trubala God!

Ola Saam 64:8

Im garra binijimap olabat blanga detlot nogud wed deibin tok. Detlot nogudbala wed weya deibin oldei toktok garra binijimap olabat. Ebribodi hu garra luk olabat garra sheikim olabat hed blanga mokimbat langa olabat.

Prabebs 17:20

Detlot pipul hu oldei jinggabat en tok nogudbalawei garra meigim trabul.

Aisaiya 28:22

“Wal yumob lafta stap toktokbat jigibalawei langa mi, bambai yumob abum mowa trabul. Aibin irrim YAWEI det boswan God tok strongbalawei blanga binijimap ol dijan kantri.”

Aisaiya 3:8

“Yumob pipul langa Jerusalem en Juda, yumob wed en ekshan nomo eni gudwan en yumob bin gibit bekboun langa YAWEI.

Jeramaiya 10:10

Bat yu, YAWEI, yu na det brabli trubalawan God. Yu na det brabli laibalawan God, en yu na det olagijawan king. Wen yu wail brabliwei yu meigim dijan wel sheiksheik nomo lilbit, en ola pipul hu jidan langa dijan wel oldei bradin wen yu wail.

Jeramaiya 23:37

Jeramaiya, yu go en askim ol detlot mesinja, ‘Wanim ensa YAWEI bin gibit langa yumob? Wanim YAWEI bin tok?’

Leminteishans 2:14

Detlot speshalwan mesinja blanga yumob bin tok olkain laiyinbala wed. Deibin trikim yumob wulijim yumob kaan sabi det nogudbalawei blanga yumob, en yumob kaan libum det nogudbalawei. Deibin reken yumob gudbala wen yumob bin jidan nogudbala.

Methyu 12:36

“Trubala ai dalim yumob. Wen det taim garra kaman weya God garra jadjim ebribodi, ebri nogudbala wed weya yumob bin tok eniwei, yumob garra dalim God wotfo yumob bin tok detlot wed.

Luk Bin Dalim Ola Stori Blanga Jisas Langa Wan Jintail Men 19:22

“Wal det haibala men bin tok, ‘Yu nogudbala wekinmen. Yu ronwan wed pudum bleim langa yu. Yu sabi mi admen en ai meigim najalot pipul dum ola wek en ai gajim ola mani.

Eks Hau Det Gudnyus Blanga Jisas Krais Bin Spredat Ebriweya 14:15

Dubala bin tok, “Wotfo yumob wandi dum det ting? Minbala nomo drimin! Minbala men seim laik yumob! Minbala bin kaman iya blanga dalimbat yumob det gudnyus en blanga meigim yumob libum diskain nogudbala ting en go langa det laibalawan God. Im na bin meigim skai en graun en solwoda en ebrijing weya jidan langa dijan wel.

Dyudaranami 5:26

Wen det laibalawan God im tok langa enibodi brom faiya, im gin kipgon jidan laibalawan? Nomo.

Fes Thesaloniyans 1:9

Ebriweya melabat oldei go, ola pipul oldei dalimbat melabat wanim bin hepin langa yumob wen melabat bin deya garram yumob. Dei oldei dalimbat melabat hau yumob bin tenim miselp brom ol detlot drimin blanga yumob en hau yumob bin gibit miselp langa det trubala God. En dei oldei dalimbat melabat hau yumob bulurrum det brabliwan God trubalawei.

Sekan Pida 3:16

Imbin raidimbat bigmob leda, en imbin oldei tok det seimwan wed blanga God weya im wandi seibum yumob langa ol detlot leda weya imbin raidimbat. Bat sambala wed deya weya imbin raidimdan olabat lilbit rafwan blanga bulurrum, en detlot pipul hu nomo sabi enijing en nomo bilib brabliwei olabat oldei tenimran detlot wed weya Pol bin raidimdan. Wulijim dei oldei tenimran ola wed langa baibul, en blanga tharran na dei meigimbat trabul kaman langa olabat ronselp.

Fes Semyul 17:26

Wal Deibid bin askim detlot men deya gulijap langa im, “Det Filastain men im bringimap bigbala sheim langa ola Isreil pipul. Wal wanim det king garra gibit langa det men hu garra kilim det Filastain men ded en deigidawei dis bigbala sheim? Det Filastain men im nomo enijing. Nobodi bin meigim im men. Im kaan tok nogudbalawei lagijat langa ola solja blanga det trubala God.” Lagijat na Deibid bin tok,

Fes Semyul 17:36

Loda taim aibin kilim laiyan en beya ded, en ai garra kilim det Filastain men ded lagijat du, dumaji im oldei tok nogudbalawei langa ola solja blanga det trubala God.