Jeramaiya 22:5 - Kriol Baibul

⁵ Bat if yumob nomo dum wanim aibin dalim yumob, wal ai garra kipum main pramis en dijan speshalwan haus blanga det king garra jidan rabishwan.

Jeramaiya 22:5 Iomraidhean Croise

Jenasis 22:16

“Eibrahem! God dalim yu, ‘Aibin meigim pramis garram main ronwan neim, en ai garra meigim yu brabli gudbinji, dumaji yu nomo bin holdimbek yu ronwan san brom mi.

Sekan Kranakuls 7:19

Bat if yu en yu pipul olabat nomo teiknodis en duwit langa ola lowa aibin gibit yu, en yu weship najalot drimin,

Sekan Kranakuls 7:21

“Dijan Serramoni Pleis im brabli gudwan tudei, bat bambai wen ai libum dijan pleis, ebribodi hu wokpas garra gedim shok en askim, ‘Wotfo YAWEI bin dum dijan langa det Serramoni Pleis en dijan kantri?’

Sekan Kranakuls 7:22

Najalot pipul garra tok, ‘Dumaji deibin gibit bekboun langa YAWEI det trubala God blanga olabat hubin bringimat olabat grengrenfathamob brom Ijip. Deibin bulurrumbat najalot drimin en weshipbat olabat. Blanga tharran na YAWEI bin bringimap ol dislot nogudbala ting langa olabat.’ ” Lagijat na YAWEI bin tok.

Ola Saam 95:11

Aibin gitwail en aibin meigim dijan strongwan pramis langa olabat, ‘Aibin wandi gibit yumob det kantri blanga jidan gudbinjiwei, bat najing. Yumob kaan go deya na.’ ”

Aisaiya 1:20

Bat if yumob gibit mi bekboun, wal blanga yumob enamimob garra kilim yumob ded.’ ” Lagijat na YAWEI bin dalim mi.

Jeramaiya 12:7

Wal YAWEI bin kipgon tok, “Aibin libum detlot Isreil pipul. Aibin tjakidawei main ronwan pipul. Aibin gibit main pipul hu aibin laigim langa detlot enamimob.

Jeramaiya 17:27

Bat olabat garra teiknodis langa mi en olabat garra kipum det Sebathdei seikridwan. Olabat kaan garrimap enijing thru langa detlot geit blanga Jerusalem langa det dei. If olabat garra dum lagijat, wal ai garra barnimap ol detlot geit blanga Jerusalem garram faiya. Det faiya garra barnimap ol detlot speshalwan haus blanga det king langa Jerusalem, en nobodi kaan pudumat det faiya.”

Jeramaiya 26:4

Wal YAWEI bin dalim mi na blanga dalim detlot pipul, “Wal mi na YAWEI, en aibin dalim yumob blanga teiknodis langa mi, en blanga bulurrum det wed weya aibin oldei gibitbat yumob.

Jeramaiya 39:8

Detlot solja blanga Bebalon bin barnimap det bigwan haus blanga det king, en ol detlot najalot haus blanga ola pipul en deibin breigimdan ol detlot wol blanga Jerusalem.

Jeramaiya 44:26

Bat ol yumob Isreil pipul yumob irrim mi na. Mi na, YAWEI det trubala God bin meigim det pramis garram main brabli haibala neim langa ola Isreil pipul hu oldei jidan langa det kantri gulum Ijip. Yumob kaan neba yusumbat main neim blanga meigim pramis. Yumob kaan tok, ‘Trubala langa YAWEI det boswan God neim.’

Eimos 6:8

“YAWEI det brabli boswan God bin gibit dijan strongwan woning. Imbin tok, ‘Ai nomo laigim det praudbalawei blanga ola Isreil pipul. Ai nomo laigim ola brabli gudwan haus blanga olabat. Ai garra gibit det taun en ebrijing langa det taun langa yumob enami.’ Lagijat na YAWEI bin tok.”

Maika 3:12

“Yumob oldei dumbat detlot nogudbala ting lagijat, en blanga tharran na detlot enami blanga yumob garra grajimap det taun blanga yumob jis laik weya sambodi grajim graun blanga meigim gadin. En dei garra nokamdan ola haus en meigim Jerusalem jidan nogud, en ola bushis garra gro ebriweya langa det Serramoni Pleis deya ontop langa det hil gulum Saiyan.” Lagijat na aibin tok.

Methyu 23:38

Wal God garra gowei brom det Serramoni Pleis blanga yumob.

Hibrus 3:18

En God bin tok, “Olabat kaan go langa det gudbala kantri weya aibin wandim meigim olabat jidan gudbalawei.” Blanga hu imbin tok? Blanga ol detlot pipul na hubin gibit bekboun langa God.

Hibrus 6:13

Wal yumob jinggabat na. Longtaim wen God bin meigim det pramis langa Eibrahem, imbin yusum im ronwan neim blanga bekimap miselp langa det pramis, dumaji nobodi bin jidan haibala langa im blanga bekimap im,

Hibrus 6:17

Wal wen God bin meigim im pramis langa ebribodi, imbin bekimap miselp garram im ronwan neim, dumaji imbin wandi shoum wi im kaan neba tjeinjim det plen blanga im.