Jeramaiya 20:18 - Kriol Baibul

¹⁸ Wotfo aibin bon? Aibin bon blanga abumbat trabul en fil sori olataim, en jidan brabli sheimwan?”

Jeramaiya 20:18 Iomraidhean Croise

Fes Kings 19:4

Langa det wandei Ilaija bin wok langa det draiwan kantri. En imbin stap en jidan andanith langa wanbala tri en imbin jinggabat blanga dai. Ilaija bin tok, “YAWEI, mi nogudbinji. Larram mi dai iya na.”

Job Wotfo Gudbala Pipul Abum Trabul? 14:1

“Ola pipul hu jidan laibala garram shotwan laif en dei jidan brabli soriwan.

Job Wotfo Gudbala Pipul Abum Trabul? 14:13

Ai wandim yu blanga haidim mi langa greibyad weya detlot dedwan pipul oldei jidan, en if yu nomo wail langa mi enimo, yu garra jinggabat langa mi en yu garra seibum mi.

Job Wotfo Gudbala Pipul Abum Trabul? 3:20

Wal Job bin kipgon tok, “Wal wotfo God bin wandim pipul blanga jidan laibala langa dijan kantri garram loda trabul?

Job Wotfo Gudbala Pipul Abum Trabul? 5:7

Wen pipul bon, trabul garra kaman langa olabat. Im jis laik det spak weya kamat brom det bush faiya en gowap langa skai.

Ola Saam 102:3

Main laif im gulijap binij jis laik det smok. Main bodi im barnbarn jis laik faiya.

Ola Saam 69:19

Yu sabi hau ai oldei abum adtaim, en hau mi jidan garram sheim, en nomo garram eni rispek. Yu gin luk ol main enami olabat.

Aisaiya 1:6

Brom yumob hed raitdan langa yumob fut, yumob nomo garram eni gudwan pleis, najing. Yumob garram detmatj sowa en ol detlot sowa jidan opinwan. Nobodi kaan klinimbat en taiyimapbat detlot sowa garram bendij, en pudumbat medisin blanga meigim detlot sowa jidan klinbala, najing.

Aisaiya 51:7

“Yumob irrim mi na! If yumob wandim dum wanim im rait, en duwit langa main wed, en pudum ebrijing langa yumob hat, wal yumob lafta teiknodis langa mi. Yumob nomo nogudbinji wen najalot pipul tok nogudbalawei blanga yumob, en dei trai ardimbat yumob.

Jeramaiya 15:10

Wal aibin tok, “Wotfo aibin bon? Mi brabli nogudbinji. Ai oldei faitfait en agaminbat langa ebribodi langa dijan kantri. Ai nomo bin gibit eni mani en ai nomo bin askim blanga eni mani, bat stil ebribodi tok nogudbalawei langa mi.

Jeramaiya 15:18

Wotfo mi kipgon abumbat adtaim? Wotfo main sowa nomo gitbeda? Wotfo ai kaan jidan gudwei? Yu garra album mi o najing? If yu nomo album mi, im jis laik wen ai go langa det riba weya jidan draiwan hotwethataim.”

Jeramaiya 3:25

Melabat garra leidan langa graun, dumaji melabat sheim miselp na, en det nogudbala ting garra gaburrumap langa melabat. Melabat en melabat grengrenfathamob bin oldei dumbat nogudbala ting langa YAWEI, en melabat neba bin duwit langa im lowa.” Lagijat na deibin tok.

Jeramaiya 8:18

Wal aibin tok, “Ai fil rili sori blanga main pipul olabat. Mi jidan brabli nogudbinji.

Leminteishans 1:12

Mi oldei jingat langa enibodi bat nobodi jinggabat langa mi. Mi tok, ‘Yumob luk langa mi!’ Nobodi nomo bin brabli nogudbinji laik mi. Wal det trabul na YAWEI bin gibit langa mi wen imbin brabli gitwail langa mi.

Leminteishans 3:1

“Wal mi sabi weya God bin jandim loda panishmen langa mi.

Hebakak 1:3

Wotfo yu meigim mi lukinatbat dislot nogudbala ting, en wotfo yu larram diskain ting hepin weya olabat faitfait gija en olabat agamin gija, en olabat breigimap ebrijing du en dumbat krulbala ting? Pipul ebriweya dumbat lagijat.

Jon Bin Dalim Det Gudnyus Blanga Jisas Det San Blanga God 16:20

“Wal yumob jinggabat det gel weya garra abum beibi. Im nogudbinji, dumaji det taim blanga im blanga abum det pein bin kaman na. Bat afta wen im abum det beibi, im nomo jinggabat det pein, dumaji im gudbinji blanga det beibi weya imbin abum. “Wal im lagijat du langa yumob. Trubala ai dalim yumob. Yumob garra nogudbinji en kraikrai detmatj. Bat ola pipul langa dijan wel garra gudbinji. En det taim weya yumob garra nogudbinji bin kaman na. Bat afta yumob garra jidan gudbinji, dumaji ai garra kambek en luk yumob igin. En det taim na yumob garra jidan brabli gudbinji, en nobodi kaan meigim yumob nogudbinji enimo.

Eks Hau Det Gudnyus Blanga Jisas Krais Bin Spredat Ebriweya 5:41

Wal wen detlot speshalwan mishanri bin gowei brom det haibala kotkeis, deibin gudbinji, dumaji God bin sabi deibin bilib langa im strongbalawei, en imbin pikimat olabat blanga abum det trabul.

Sekan Timathi 1:12

en aibin dum ol detlot ting weya imbin pikimat mi blanga dum, en blanga tharran na deibin pudum mi langa dijan jeil. Wal nomeda mi abumbat dijan trabul, bat stil ai kaan sheim, dumaji ai sabi hu ai bilib. Ai bilib langa Jisas Krais, en aibin libum ebrijing langa im, en ai sabi im garra maindimbat mi raidap det dei wen im garra kambek.

Hibrus 10:36

Yumob garra kipgon lagijat en dumbat wanim God wandim, en afta yumob garra gedim ol detlot ting weya imbin pramis langa wi.

Hibrus 11:36

En detlot nogudbala pipul bin oldei mokimbat sambala bilibamob en beldimbat olabat garram wip. En deibin oldei taiyimapbat sambala bilibamob garram tjein en tjakam olabat langa jeil,

Hibrus 12:2

en wi garra kipgon lukinatbat oni langa Jisas, dumaji im na bin meigim wi bilib basdam, en im na meigim wi bilib olagijawan du. Wi garra bulurrum im, dumaji im nomo bin gibap wen imbin luk det trabul langa det kros, en im nomo bin sheim blanga dai deya, dumaji imbin sabi im garra gudbinji wen im binij det reis, en tudei im jidan langa raidensaid langa det speshalwan tjeya blanga God.

Hibrus 13:13

Wal wi garra go langa Jisas deya atsaid brom det kemp. Wi garra libum det olbalawei, en wi garra joinin garram det trabul weya Jisas bin abum.