Jeramaiya 20:13 - Kriol Baibul

¹³ Ai garra singim song langa YAWEI. Ai garra preisim YAWEI. Im na bin seibum ola pipul hubin abum adtaim brom det pawa blanga ola nogudbala pipul.

Jeramaiya 20:13 Iomraidhean Croise

Ola Saam 34:6

Wen aibin abum trabul, en ai nomo bin sabi wanim mowa blanga dum, aibin jingat langa YAWEI. Imbin irrim mi, en imbin seibum mi brom ol detlot trabul.

Ola Saam 69:33

YAWEI im lisin langa ol detlot pipul hu nomo garram enijing, en im nomo fogedabat im pipul olabat hu oldei jidan prisana.

Ola Saam 72:4

Meigim det king kotim ola powan pipul feyago, en albumbat ola pipul hu nomo abum enijing, en bidim detlot hu oldei gibit olabat adtaim.

Aisaiya 25:4

YAWEI, yu oldei maindimbat ola powan pipul en detlot pipul hu garram trabul. Yu wulijim det shelta brom win en rein blanga olabat. Yu wulijim sheid tri langa hotwan san weya barnimbat pipul. Detlot strongbala en krulbala enami weya kaman blanga faitfait, dei jis laik det brabli strongbala stom weya garra binijap ebrijing. Bat stil oni yu na YAWEI oldei maindimbat olabat.

Jeramaiya 15:21

Ai garra lukaftumbat yu wen detlot granggiwan en nogudbala men garra kaman langa yu.”

Jeramaiya 31:7

Wal YAWEI bin kipgon tok, “Yumob garra sing gudbinjiwei blanga Isreil, dumaji im nambawan langa ola kantri. Yumob sing blanga preisim im, ‘YAWEI bin seibum im pipul olabat. Imbin seibum ol detlot hubin stil jidan laibala.’