Jeramaiya 20:11 - Kriol Baibul

¹¹ Bat yu, YAWEI, yu oldei jidan langa main said. Yu brabli strongbala en brabli haibala garram pawa, en detlot hu oldei ardimbat mi kaan dum enijing langa mi. Olabat garra jidan sheimwan olagija dumaji olabat kaan dum enijing langa mi. Olabat garra sheim miselp, en nobodi kaan neba foget.

Jeramaiya 20:11 Iomraidhean Croise

Ola Saam 129:2

En detlot Isreil pipul bin sing, “Brom wen wibin yang wi enami olabat bin oldei gibitbat wi adtaim, bat dei nomo bin bidim wi, najing.

Ola Saam 35:26

Yu bidim ol detlot pipul hu tridim mi nogudwei blanga main trabul. Meigim olabat jinggabat olkainabawei. Larram ol detlot pipul hu oldei reken miselp blanga ebrijing garra sheim miselp nomo lilbit en jidan nomo garram eni rispek.

Ola Saam 40:14

Yu bidim detlot enami hu wandi kilim mi. Yu meigim olabat nomo sabi wanim olabat jinggabat. Meigim detlot pipul hu wandi ardim mi gowei sheimwei.

Ola Saam 47:2

YAWEI na det brabli haibalawan God en wi garra rispek oni langa im. Im na det brabli nambawan king, en im jidan bos blanga ebrijing langa dijan wel.

Ola Saam 6:10

Im garra bidim main enami olabat, en dei garra fil nogudbinji. Dei garra bradin en tenbek, dumaji streidawei dei garra sheim miselp.

Ola Saam 65:5

God, wen yu irrim melabat preya yu oldei dum ola brabli gudbala ting en seibum melabat. Pipul langa ebri kantri en brom najasaid langa solwoda du trastimbat yu, God.

Ola Saam 66:5

Kaman en luk wanim God bin dum. Imbin dum ola brabli gudwan ting blanga pipul.

Aisaiya 41:10

Yumob nomo bradin blanga enijing. Mi oldei jidan garram yumob. Yumob nomo sheiksheik en bradin blanga enijing. Mi na yumob God. Ai garra meigim yumob brabli strongbala, en ai garra oldei maindimbat yumob garram main pawa en ai garra meigim yumob win wen yumob go langa wo.

Aisaiya 41:14

“ ‘Ol yumob Isreil pipul, yumob nomo wori nomeda najalot pipul reken yumob wikwan jis laik detlot wem. Mi na det brabli holiwan God blanga ola Isreil pipul hu seibum yumob, en hu oldei maindimbat yumob.

Aisaiya 45:16

Detlot pipul hu oldei meigimbat detlot drimin sheip, kaan sabi enijing, en bambai na olabat garra sheim nomo lilbit.

Jeramaiya 1:18

En yu irrim mi Jeramaiya! Ebribodi langa dijan kantri Juda, garra fait langa yu. Detlot king, detlot boswan, detlot serramonimen, en detlot pipul holot garra gibit yu bekboun. Bat tudei na ai garra meigim yu brabli strongbala en olabat kaan bidim yu. Yu garra jidan brabli strongbala jis laiga strongwan taun, en laik det strongwan aiyanwan pol en kopawan wol. Wal olabat kaan bidim yu, dumaji ai garra jidan garram yu blanga album yu.” Lagijat na YAWEI bin tok.

Jeramaiya 1:8

Yu nomo bradin langa olabat, dumaji ai garra go garram yu blanga maindimbat yu.” Lagijat na YAWEI bin tok.

Jeramaiya 15:15

Afta na aibin tok, “YAWEI, yu sabi. Yu jinggabat mi en yu album mi. Yu larram mi fait langa detlot pipul hu oldei ardimbat mi. Yu nomo jidan kwaitbala, en larram olabat kilim mi. Yu sabi ol dislot ting bin hepin langa mi, dumaji mi na wekinmen blanga yu.

Jeramaiya 15:20

Ai garra meigim yu jidan wulijim det brabli strongbala wol weya deibin meigim brom kopawan en weya jandap brabli haibala. Olabat reken olabat garra fait langa yu, bat olabat kaan bidim yu. Ai garra go garram yu, en ai garra maindim yu en yu garra jidan seifwan na.

Jeramaiya 17:18

Yu meigim ol detlot hu oldei ardimbat mi jidan sheimwan, bat yu sori langa mi en album mi YAWEI. Yu meigim olabat jidan bradinwan, bat yu nomo bradinim mi. Yu jandim detlot nogudbala ting langa olabat, en yu binijimap olabat brabliwei.” Wal lagijat na aibin tok.

Jeramaiya 22:22

Blanga yumob lidamob, det win garra blowimwei olabat. Detlot solja brom najawan kantri hu oldei jidan gudfren blanga yumob, detlot enami bin deigimwei olabat prisana, en det taun blanga yumob garra jidan brabli sheimwan en brabli nogudwan du, dumaji yumob bin oldei dumbat brabli nogudbala ting.

Jeramaiya 23:40

Ai garra meigim olabat jidan brabli sheimwan olagijawan en nobodi kaan fogedabat tharran.’ ” Lagijat na YAWEI bin tok.

Jeramaiya 32:18

Yubin shoum bigismob yu kipgon laigim olabat detmatj, bat yu panishim ola pipul blanga ola nogudbalawei weya olabat mami en dedi bin dum. Yu brabli haibala God garram detmatj pawa. Yu neim na YAWEI det boswan God.

Denyul 12:2

Loda pipul hubin dai basdam garra gidap laibala igin. Sambala garra jidan brabli gudbinji olagijawan, en sambala garra sheim miselp na olagijawan.

Romans 8:31

Wal yumob jinggabat ol detlot ting weya aibin dalimbat yumob, en yumob dalim mi na. If God im blanga wi, wal hu garra bidim wi?

Sekan Timathi 4:17

Imbin deya garram mi olataim, en imbin meigim mi jandap strongbala, en imbin meigim mi dalimbat det gudnyus brabliwei langa ol detlot Jintail pipul deya, en im nomo bin larram olabat kilim mi ded wen deibin jadjim mi.