Jeramaiya 2:36 - Kriol Baibul

³⁶ Yumob bin rabishim yumob ronselp wen yumob bin bulurrum ol detlot drimin blanga najalot kantri. Yumob garra nogudbinji dregli langa Ijip, jis laik yumob bin nogudbinji langa Asiriya.

Jeramaiya 2:36 Iomraidhean Croise

Sekan Kranakuls 28:16

Bambai na det Idamait ami bin fait langa Juda sanraiswei en deibin deigidawei sambala prisana. Langa det seim dei detlot Filastain pipul bin bitsimap sambala taun langa det hil kantri sangodanwei en langa det deset sauthwei. Deibin teikoba detlot taun gulum Bethshemesh, Ejalan, Gedaroth, Sako, Timna en Gimso en ol detlot lilwan taun raidaran en sambala Filastain pipul bin go en jidan langa detlot pleis. Wal King Eihes bin jandim wed langa King Tiglathpalisa brom Asiriya blanga album im.

Aisaiya 20:5

Olabat kaan sabi wanim olabat garra dum, en nobodi kaan album detmob na, dumaji olabat bin ol joinin garram detlot Ithiyopiya pipul en olabat bin tok praudbalawei blanga Ijip.’

Jeramaiya 2:18

Wotfo yumob bin go langa Ijip? Maitbi yumob bin reken olabat strongbala en olabat gin album yumob bat im jis laik yumob bin go deya blanga dringgimbat det woda langa det Nail Riba. Wotfo yumob bin go langa Asiriya? Maitbi yumob bin reken olabat strongbala en olabat gin album yumob bat im jis laik yumob bin go deya blanga gedimbat woda brom det Yufreitis Riba.

Jeramaiya 2:23

Wotfo yumob tok yumob jidan klinbala blanga serramoni, en yumob nomo bin weshipbat Beil? Yumob luk ol detlot nogudbala ting yumob bin dumbat langa det hil kantri. Yumob brabli wailwan, jis laik det yangwan kemul wen im ran olaran ebriweya.

Jeramaiya 2:33

Yumob jidan jis laik gel hu sabi hau blanga faindimbat detlot men. En det brabli nogudbala gel du, im gin stil len brom yumob na.

Jeramaiya 22:20

Wal YAWEI bin tok dijan, “Pipul brom Jerusalem, yumob garra go langa Lebanan, en yumob garra jinginat. Yumob garra go deya langa det kantri gulum Beshan en yumob garra jinginat, en jingat du brom det bigwan hil langa Moweb, dumaji detlot solja brom det najawan kantri hu oldei jidan gudfren blanga yumob, dei nomo bin win, najing.

Jeramaiya 22:22

Blanga yumob lidamob, det win garra blowimwei olabat. Detlot solja brom najawan kantri hu oldei jidan gudfren blanga yumob, detlot enami bin deigimwei olabat prisana, en det taun blanga yumob garra jidan brabli sheimwan en brabli nogudwan du, dumaji yumob bin oldei dumbat brabli nogudbala ting.

Jeramaiya 31:22

Haulong yumob garra weidabat en nomo trastim mi? Ai garra meigim nyuwei, en im difrinwan. Im brabli difrinwan. Main pipul olabat garra kambek langa mi.” Lagijat na YAWEI bin tok.

Jeramaiya 37:7

blanga dalim Sedakaiya, “Detlot Ijip ami kaminap na blanga album yu, bat olabat garra gobek langa olabat ronwan kantri.

Jeramaiya 46:12

Pipul langa ebri kantri bin irrim yumob jidan sheimwan na, en ebribodi bin irrim yumob kraikraibat. Wanbala solja bin buldan ontop langa najawan solja, en dubala bin buldan mijamet langa graun.

Leminteishans 4:17

“Wibin weidabat oldei en lukinatbat blanga enibodi garra kaman en album wi brom naja kantri, bat nobodi nomo bin kaman en album wi, najing.

Leminteishans 5:6

Melabat bin brabli hanggri blanga daga, en melabat bin selim miselp langa Ijip en Asiriya blanga gibit melabat daga.

Isikiyel 16:28

“Dumaji yu nomo bin gajim naf enijing brom detlot najalot pipul, yubin go lukaran langa detlot Asiriya pipul. Yubin gibitbat miselp langa olabat, bat dei nomo bin meigim yu sedisfaid.

Isikiyel 29:7

Wen deibin oldei askim yumob blanga album olabat, yumob bin jidan jis laik det brabli wikwan wadi weya bin breikhaf wen olabat bin trai yusum, en deibin ardim miselp am en bin buldan.

Hoseiya 10:6

dumaji detlot solja garra deigimbek det drimin sheip langa olabat ronwan kantri, en deya na dei garra gibit det drimin sheip langa det haibala king blanga olabat, dumaji im garra bidim detlot Isreil pipul, en im garra meigim olabat peiyim im garram det drimin sheip na, en ola Isreil pipul garra sheim miselp, dumaji deibin bulurrum nogudbala wed.

Hoseiya 12:1

“Wal ol detlot Isreil pipul reken dei dum gudbala ting. Bat najing. Dei oni weistimbat taim, dumaji dei oldei dalimbat laiya en trikimbat olabat ronwan kantrimen en kilimbat olabat du, en dei oldei go en meigim pramis langa detlot pipul hu jidan longwei brom olabat deya langa det kantri Asiriya, en dei oldei selimbat ola daga en enijing langa detlot najalot pipul langa Ijip.” Lagijat na YAWEI bin tok.

Hoseiya 14:3

Det kantri Asiriya kaan seibum melabat, en melabat ronwan hosis en ola wepan kaan album melabat. Wal melabat kaan tok langa detlot drimin sheip igin en gulum olabat God blanga melabat. Detlot drimin sheip nomo God. Oni yu na YAWEI det trubala God, en yu na oldei kain langa detlot pipul hu nomo garram enibodi blanga album olabat.’ ” Lagijat na Hoseiya bin tok.

Hoseiya 5:13

Wen ol yumob Isreil pipul bin luk yumob kantri bin jidan rabishwan, en wen ola Juda pipul bin luk det kantri blanga olabat bin jidan rabishwan du, yumob Isreil pipul bin go langa det kantri gulum Asiriya, en yumob bin askim det haibala king blanga album yumob. Bat im nomo bin abum pawa blanga album yumob en meigim yumob gudbala.

Hoseiya 7:11

Ol detlot Isreil pipul bin go en askim ola Ijip pipul blanga album olabat, en afta deibin go en askim ola Asiriya pipul blanga album olabat du. Olabat jidan jis laiga lilwan bard weya im flaiflai eniwei, dumaji dei go eniwei lukabat sambodi blanga album olabat. Bat dei nomo kaman langa mi.