Jeramaiya 2:30 - Kriol Baibul

³⁰ Aibin panishim yumob, bat stil yumob nomo bin teiknodis. Yumob nomo wandim mi blanga meigim yumob jidan raitwei. Yumob bin jis laik det wailwan laiyan, wen yumob bin medrim detlot speshalwan mesinja blanga yumob.

Jeramaiya 2:30 Iomraidhean Croise

Fes Kings 19:10

En Ilaija bin tok, “YAWEI yu na Boswan God, en aibin oldei wek blanga yu en nomo blanga najalot. Bat detlot Isreil pipul nomo bin kipum det brabli strongwan pramis weya yubin meigim garram olabat, en deibin breigimap detlot teibul blanga ofring, en deibin kilim ola speshalwan mesinja blanga yu, en oni mi na wanbala speshalwan mesinja laibala tudei, en olabat trai blanga kilim mi ded!”

Fes Kings 19:14

Ilaija bin tok, “YAWEI, yu na det Boswan God, en aibin oldei wek oni blanga yu, en nomo blanga najalot, bat detlot Isreil pipul nomo bin kipum olabat brabli strongbala pramis garram yu en deibin breigimap detlot teibul blanga ofring en kilim ola speshalwan mesinja blanga yu en oni mi na wanbala speshalwan mesinja jidan laibala tudei, en olabat trai blanga kilim mi ded!”

Sekan Kranakuls 24:21

Wal King Jowesh bin fogedabat det dedi blanga Sekaraiya bin gudfren langa im. Wen ola pipul blanga Juda bin meigim plen blanga kilim Sekaraiya, King Jowesh bin joinin langa olabat en imbin gibit oda blanga stonim im raidap imbin dai langa det kotyad langa det Serramoni Pleis. Wen Sekaraiya bin gulijap dai imbin jingat, “Ai prei YAWEI garra luk wanim yumob dum en im garra panishim yumob.”

Sekan Kranakuls 28:22

Wal nomeda ol dislot nogudbala ting bin hepin langa King Eihes imbin kipgon dumbat moweswan nogudbala ting langa YAWEI.

Sekan Kranakuls 36:16

Bat detlot pipul bin laf en tok rafwei langa detlot speshalwan mesinja. Dei nomo bin teiknodis wanim YAWEI bin trai dalimbat olabat, en bambai imbin brabli wail detmatj en imbin panishim Juda en Jerusalem brabliwei.

Niyamaiya 9:26

Bat nomeda yubin gud langa olabat detmatj, deibin gibit bekboun langa yu. Deibin tjakidawei det lowa yubin gibit olabat. Wen yubin jandim speshalwan mesinja blanga gibit olabat woning blanga dalim olabat blanga kambek langa yu, deibin oldei kilim olabat ded. En deibin kipgon mokimbat yu blanga meigim yu nogudbinji.

Aisaiya 1:5

Wotaim yumob garra stap dumbat detlot nogudbala ting? Maitbi yumob laigim God garra kipgon panishimbat yumob? Blanga yumob hed im bastapwan na, en yumob garram sikwan hat, en yumob brabli wikwan du.

Aisaiya 59:3

Yumob oldei dalimbat laiya, en yumob oldei wandim kilimbat en faitfaitbat. Yumob jidan brabli giltiwan en yumob bingga oldei jidan garram detmatj blad.

Aisaiya 9:13

“Bat olabat nomo bin teiknodis langa YAWEI det boswan God en olabat nomo bin weship langa im.

Jeramaiya 31:18

“Aibin irrim detlot pipul brom Isreil tok soribalawei, ‘YAWEI, melabat jis laik detlot wailwan enimul, bat yubin shoumbat melabat blanga bulurrum yu brabliwei. Yu bringimbek melabat. Melabat redi blanga kambek langa yu, dumaji yu na blanga melabat God.

Jeramaiya 46:14

“Jeramaiya, yu garra go en dalim dislot pipul langa detlot taun blanga Ijip. Dalim dijan na langa detlot taun gulum Migdal en Mimfas en Teipanes, ‘Meigim miselp redi blanga fait. Bat yumob kaan win. Yumob garra ol binij langa det wo.

Jeramaiya 5:3

YAWEI im oldei lukinatbat blanga trubalawan pipul. Imbin gibitbat yumob adtaim, bat yumob nomo bin teiknodis. Imbin panishim yumob, bat yumob nomo bin teiknodis langa im, najing. Yumob nomo bin len enijing, najing. Bat stil yumob nomo bin tenim miselp brom yumob nogudbalawei.

Jeramaiya 7:28

Yu garra dalimbat detlot pipul weya dei nomo duwit langa mi, blanga olabat ronwan God, en olabat kaan len wen olabat abum panishmen. Det trubalawei, im binij na. En nobodi toktokbat blanga det trubalawei enimo na.”

Leminteishans 4:13

“Bat dijan ting bin hepin lagijat, dumaji detlot speshalwan mesinja blanga Jerusalem deibin brabli nogudbala, en detlot serramonimen bin dumbat loda nogudbala ting du. Deibin kilim ded sambala gudbala pipul.

Isikiyel 22:24

“Isikiyel, yu dalim detlot Isreil pipul det kantri blanga olabat im brabli nogudwan dumaji olabat oldei dumbat ola nogudbala ting. Ai garra panishim olabat, dumaji mi brabli wail langa olabat, en det kantri garra jidan jis laik im nomo bin abum eni rein.

Isikiyel 24:13

“Wal ol yumob pipul langa Jerusalem yumob brabli nogudbala en ai kaan klinim yumob, nomeda hau aibin trai album yumob. Mi brabli wail langa yumob. En yumob garra filim main wailwan filing raidap ai seduldan.

Denyul 9:13

Lagijat na yubin panishim melabat weya yubin tok langa det lowa blanga Mosis. Bat stil tudei melabat nomo bin trai blanga meigim yu gudbinji, en melabat nomo bin libum det nogudbalawei, en melabat nomo bin bulurrum det trubalawei blanga yu.

Sefanaiya 3:2

Wen YAWEI jandim wed langa yumob, yumob nomo teiknodis en wen YAWEI bin panishim yumob blanga titjim yumob, yumob nomo bin teiknodis langa im. Yumob nomo trastim YAWEI, en yumob nomo kaman gulijap blanga weship langa im.

Methyu 23:29

“Im garra brabli nogud blanga ol yumob lowamen en serramonimen, dumaji yumob tufeis. Yumob oldei meigim detlot greib blanga ola speshalwan mesinja en ola gudbala pipul purdibala.

Eks Hau Det Gudnyus Blanga Jisas Krais Bin Spredat Ebriweya 7:52

En nobodi kaan faindim eni speshalwan mesinja brom God tudei, dumaji yumob grengrenfatha olabat bin oldei kilimbat ol detlot speshalwan mesinja hubin dalim olabat blanga det brabli haibala wekinmen blanga God. Det wekinmen na im Jisas. En yumob na bin hendimoba im en kilim im ded.

Fes Thesaloniyans 2:15

en olabat ron kantrimen na bin kilim Jisas det Bos. Brom longtaim deibin oldei kilimbat ol detlot speshalwan mesinja blanga God. En deibin meigim trabul blanga melabat du. Wal ol detlot Juwish pipul hu nomo bilib langa Jisas oldei meigim God nogudbinji, en dei oldei meigim trabul langa enibodi,

Rebaleishan 16:9

Ola pipul bin barnbarn detmatj brom tharran. Bat stil deibin kipgon sweya langa God en mokimbat im neim. Deibin sabi God bin abum pawa blanga meigim trabul blanga olabat. Bat dei nomo bin tenim olabat selp brom olabat nogudbalawei. Dei nomo bin tok gudwei langa God, najing.