Jeramaiya 2:22 - Kriol Baibul

²² “Nomeda yumob oldei washim miselp garram brabli strongwan sop, bat ai gin stil luk det nogudbala ting insaid langa yumob.

Jeramaiya 2:22 Iomraidhean Croise

Sekan Semyul 11:12

Wal King Deibid bin dalim Yuraiya, “Wal yu irrim mi na. Yu garra stap iya langa main kemp, en tumorro ai garra jandimbek yu langa det fait.” En Yuraiya bin duwit langa im, en imbin stap deya gin,

Job Wotfo Gudbala Pipul Abum Trabul? 14:17

Yu garra pudumwei olabat en yu garra fogedabat ol main nogudbalawei aibin oldei dumbat.

Ola Saam 130:3

YAWEI, if yu bina raidimdan ol melabat nogudbalawei, ebribodi bina git panish en dai.

Ola Saam 90:8

Yu pudum ola nogudbalawei blanga melabat lida langa yu, en ola nogudbala ting weya melabat bin dum sigridwei yu gin luk.

Jeramaiya 16:17

Mi na gin luk ebrijing wanim yumob oldei dumbat. Nomo enijing kaan blandim miselp brom mi, en ai luk langa yumob nogudbalawei.

Jeramaiya 17:1

Wal YAWEI det trubala God bin kipgon tok, “Pipul brom Juda, blanga yumob nogudbalawei im oldei jidan insaid langa yumob adwan hat en im brabli strongbala. Im jis laik sambodi bin raidimdan langa ston en langa detlot kona blanga detlot teibul blanga ofring.

Jeramaiya 4:14

“Wal Jerusalem, yumob lafta washimwei detlot nogudbala ting brom yumob hat, wulijim yumob garra jidanbat seifwan. Haulong yumob garra kipgon jinggabat en dumbat detlot nogudbala ting?

Isikiyel 24:6

“Wal mi na YAWEI det boswan God, en ai dalim yumob. Ol detlot pipul hu oldei laigim medrimbat enibodi, olabat garra binijap na. Im jis laik det brabli rastiwan sospen weya det rastiwan pat kaan neba gowei en deibin pulumat det bif lilbit lilbit, en nobodi nomo bin teiknodis.

Hoseiya 13:12

“Aibin bukumdan ola nogudbala ting weya yumob bin dumbat, en ai garram det buk iya redibala blanga det taim garra kaman.

Eimos 8:7

“Ola Isreil pipul brabli praudbala blanga YAWEI, dumaji im jidan olabat God, en blanga tharran na, imbin tok strongbalawei. ‘Ai kaan neba foget detlot nogudbala ting weya deibin dumbat.

Dyudaranami 32:34

“Wal YAWEI sabi wanim yumob enamimob bin dum. Im garra weit raidap det rait taim blanga panishim olabat.