Jeramaiya 2:21 - Kriol Baibul

²¹ Aibin plentimbat yumob jis laik yumob bin brabli gudwan greiptri, bat yumob bin libum mi. Yumob na jis laiga rabishwan greiptri weya nomo garram eni daga.

Jeramaiya 2:21 Iomraidhean Croise

Jenasis 18:19

Mi na bin pikimat Eibrahem blanga shoumbat ola biginini blanga im en ola pipul blanga im hau blanga lisin langa mi en dumbat rait ting en jidan gudbalawei. En if olabat lisin langa mi, wal ai garra dum ebrijing blanga olabat weya aibin pramis langa olabat.” Lagijat na God bin tok miselp.

Jenasis 32:28

En det men bin tok, “Wal det neim blanga yu im nomo jidan Jeikob na. Yubin kipgon fait langa God en langa ola pipul olabat, en yubin win. En blanga tharran na God garra gibit yu najawan neim na. Dei garra gulum yu neim Isreil, dumaji det neim im tok Kipgon Fait Langa God.”

Ola Saam 44:2

Yu na bin andimwei ola najalot pipul brom det kantri, en yubin meigim yu ronwan pipul jidan deya na.

Ola Saam 80:8

Yubin bringimat yu pipul olabat jis laiga greiptri brom det kantri Ijip. Yubin andimwei pipul brom najalot kantri en yubin plentim det tri langa olabat kantri.

Ola Saam 80:9

Yubin klinimap pleis blanga det greiptri blanga growap. Det rutpat bin godan raitdan en det greiptri bin spredimat miselp oloba langa det kantri.

Eksadas 15:17

Wal yu garra deigim melabat langa det kantri, en yu garra pudum melabat langa det hil blanga yu. YAWEI, melabat garra jidan langa det pleis weya yubin pikimat blanga yu kemp. Bos, melabat garra jidan langa det Serramoni Pleis weya yubin meigim garram yu ronwan bingga.

Aisaiya 1:21

Wal aibin kipgon tok, “Yumob pipul langa Jerusalem, yumob jis laik det gel hu nomo rili trubala langa im hasbin. Basdam Jerusalem bin abum bigismob gudbala pipul. Bat tudei na yumob taun garram loda krulbala pipul hu wandi kilimbat pipul oldei.

Aisaiya 27:2

En langa det taim na YAWEI garra tok blanga im gudwan greip fam, “Wi garra singim song blanga detlot brabli gudwan daga langa detlot greiptri.

Aisaiya 41:8

“Ol yumob Isreil pipul, yumob na main wekinmenmob. Aibin pikimat yumob. Yumob femili blanga main fren Eibrahem.

Aisaiya 5:4

Wanim mowa ai bina dum blanga main greiptri olabat? Aibin wandim switwan greip daga blanga gro, bat najing. Oni bitawan greip daga bin gro.

Aisaiya 60:21

Blanga yu pipul olabat garra dumbat ola raitwan ting, en olabat garra abum olabat ronwan kantri olagijawan. Olabat jis laik detlot tri aibin plentim en meigim olabat blanga shoum main strongbala pawa langa najalot pipul.

Aisaiya 61:3

Imbin jandim mi blanga gibit olabat purdiflawa, dumaji olabat bin oldei jidan soribalawei. Imbin jandim mi blanga gibit olabat oliboil blanga meigim olabat jidan hepiwan, dumaji olabat bin oldei kraikraibat. Ai garra meigim olabat sing gudbinjiwei, dumaji olabat bin oldei jidan brabli nogudbinjiwei. Olabat garra jidan jis laik detlot tri weya YAWEI bin plentim wulijim olabat garra oldei preisimbat im neim.

Jeramaiya 11:16

Basdam aibin oldei gulum olabat gudwan olibtri, garram detmatj gudwan frut daga, bat nomo tudei. Ai garra jingat jis laik thanda, en ai garra barnimap detlot lif garram faiya en ai garra breikap ol detlot wadi.

Jeramaiya 11:17

“Wal mi na YAWEI det boswan God. Aibin growimap ola Isreil en Juda pipul, bat nomo dijan taim na. Ai garra rabishim olabat en libum olabat du. Olabat bin bringimap dijan trabul langa olabat ronselp, dumaji olabat bin dumbat nogudbala ting. Olabat bin meigim mi brabli wail wen deibin gibit sekrifais langa Beil.” Lagijat na YAWEI bin tok.

Jeramaiya 5:10

Ai garra jandim detmatj enami blanga binijim ola greip fam blanga main pipul olabat, bat detlot enami kaan kadimdan ola greiptri. Ai garra dalim detlot enami blanga breigimap ola bushis blanga detlot greiptri, dumaji detlot bushis nomo blanga main.

Leminteishans 4:1

Wal det speshalwan mesinja im tok mowa, “Wal det gudwan gol nomo shain brabliwei na, en detlot ston blanga det Serramoni Pleis leidan ebriweya langa ola roud.

Isikiyel 15:2

“Isikiyel, wanim garra hepin langa det lilwan wadi brom det greiptri afta det fama kadimof? Im nomo laik detlot najalot tri.

Methyu 21:33

“Yumob irrim dijan najawan stori na. Wantaim wan men hubin abum loda kantri bin meigim ebrijing redi blanga growimap greip fam. Imbin pudum fens raidaran langa det graun weya imbin wandi growimap detlot greiptri, en imbin bildimap lilwan haus du, en imbin gedim sambala fama blanga rentim det pleis, en afta imbin gowei brom deya.

Mak Bin Dalim Ola Stori Blanga Jisas 12:1

Afta na Jisas bin dalim ol detlot pipul deya langa det Serramoni Pleis wan stori, “Wantaim wan men bin meigim ebrijing redi blanga growimap gadin. Imbin pudum fens raun langa det graun weya imbin wandi growimap det gadin, en imbin bildimap lilwan haiwan haus du, en afta imbin gedim sambala fama blanga rentim det pleis, en imbin gowei brom deya.

Luk Bin Dalim Ola Stori Blanga Jisas Langa Wan Jintail Men 20:9

Afta na Jisas bin dalim ol detlot pipul deya dijan stori, “Wantaim wan men bin meigim ebrijing redi blanga growimap gadin, en afta imbin gajim sambala fama blanga rentim det pleis, en imbin gowei brom deya longtaim.

Jon Bin Dalim Det Gudnyus Blanga Jisas Det San Blanga God 15:1

Wal Jisas bin kipgon tok langa im wekinmen olabat, “Yumob jinggabat na. Mi jis laik det greiptri. Mi na det brabliwan greiptri, en main Dedi im jis laik det fama hu oldei lukaftumbat det tri,

Dyudaranami 32:32

Detlot enami olabat nogudbala, jis laik detlot pipul langa det dubala taun gulum Sadam en Gamora. Olabat jis laik greiptri weya abum jigiwan en poisinwan greip daga,

Dyudaranami 4:37

Dumaji imbin laigim wi grengrenfathamob detmatj imbin pikimat yumob en bringimat yumob brom Ijip en imbin yusum im strongbala pawa.

Joshuwa 24:31

Wal wen Joshuwa bin stil jidan laibala, detlot Isreil pipul bin oldei bulurrum YAWEI brabliwei, en afta wen imbin dai, deibin kipgon bulurrum YAWEI. Wal longtaim detlot boswan blanga detlot pipul bin luk ebrijing wanim YAWEI bin dumbat blanga olabat, en ola pipul bin kipgon bulurrumbat YAWEI raidap ol detlot boswan bin dai.