Jeramaiya 2:17 - Kriol Baibul

¹⁷ Wal yumob Isreil pipul, dijan na blanga yumob ron folt! Yumob bin gibit bekboun langa mi na YAWEI det trubala God blanga yumob, nomeda aibin stil lukaftumbat yumob.

Jeramaiya 2:17 Iomraidhean Croise

Fes Kranakuls 28:9

“En yu na main san Salaman, yu garra oldei weship langa God en duwit langa im en jinggabat langa im garram ol yu hat en main. Im sabi wanim ting yu jinggabat blanga dum, en wanim yu wandim dum. If yu go langa im, im garra album yu, bat if yu gibit bekboun langa im, wal im garra gibit bekboun langa yu olagija.

Sekan Kranakuls 15:2

Streidawei Asaraiya bin go langa King Asa en imbin tok, “Yu irrim mi na King Asa en ol yu pipul olabat blanga Juda en Benjamin. YAWEI det trubala God garra jidan garram yumob en im garra album yumob olataim if yumob duwit langa im en weshipbat im, bat if yumob kaan duwit langa im, wal im garra libum yumob.

Job Wotfo Gudbala Pipul Abum Trabul? 34:27

hu nomo irrim en teiknodis langa im.

Job Wotfo Gudbala Pipul Abum Trabul? 4:8

Langa main taim, oni detlot hubin dumbat nogudbala ting bin abum trabul en det seimwan nogudbala ting bin hepin langa olabat du.

Ola Saam 107:7

Imbin deigim olabat langa streitwan roud langa det bigwan taun blanga jidan.

Ola Saam 136:16

Imbin deigim im pipul thru langa det bush kantri. Trubala, im laigim wi tudei en olagijawan.

Ola Saam 77:20

God, yubin lidim yu pipul olabat jis laiga stakmen wen yubin pikimat Mosis en Eran blanga lidimbat yu pipul olabat.

Prabebs 15:10

Detlot pipul hu nomo dumbat ola rait ting garra git panish, bat detlot pipul hu nomo wandim enibodi blanga streitinimap olabat garra dai.

Aisaiya 1:4

“Wal ol yumob Isreil pipul garra ol binij du, dumaji yumob brabli nogudbala. Yumob oldei dumbat brabli nogudbala ting. Yumob brabli wikitwan en brabli nogudbala. Yumob bin libum det wei blanga God, en yumob bin gibit bekboun langa mi. Mi na YAWEI, det brabli holiwan God blanga ola Isreil pipul.

Aisaiya 59:13

Melabat bin gibit yu bekboun, en melabat nomo bin laigim bulurrumbat yu. Blanga melabat hat, im oldei dalim melabat blanga kipgon dumbat nogudbala ting en melabat oldei dalimbat laiya. En melabat bin oldei dum krulbala ting langa najalot pipul, en melabat bin gibit bekboun langa yu.

Jeramaiya 13:22

Maitbi yumob askim miselp, ‘Wotfo dislot ting bin hepin, en wotfo detlot enami bin breigimap melabat klos en fosim melabat blanga silip garram olabat?’ Wal, dumaji im blanga yumob ronwan nogudbalawei.

Jeramaiya 19:4

Ai garra dum dijan, dumaji detlot pipul bin libum mi, en olabat bin meigim nogud dijan pleis iya na, dumaji deibin gibitbat sekrifais ofring langa olkain god. Olabat en olabat grengrenfathamob en ola king brom Juda nomo bin sabi enijing blanga detlot god. Olabat bin kilim ded loda gudbala pipul iya langa dijan pleis.

Jeramaiya 2:13

dumaji main pipul olabat bin dumbat dubala nogudbala ting. Olabat bin tenim miselp brom mi. Mi na jis laik det springwoda weya gibit laif. Olabat na bin libum det springwoda en bin grajimbat wel langa det graun blanga gajim woda, bat det woda langa det wel nomo jidan longtaim, dumaji im draiyap.”

Jeramaiya 2:19

Blanga yumob ronwan nogudbalawei garra panishim yumob, dumaji yumob bin tenawei brom mi, en tharran na garra jadjim yumob. Yumob garra len im brabli nogudbala ting wanim yubin dum wen yubin gibit bekboun langa mi. Mi na YAWEI det brabli boswan God blanga yumob, en yumob nomo bin jidan trubala langa mi.”

Jeramaiya 4:18

“Ol yumob pipul langa Juda, yumob bin bringimap dijan trabul langa yumob ronselp, dumaji yumob bin oldei jidanbat rongwei. Detlot nogudbalawei weya yumob bin oldei dumbat bin bringimap dijan trabul langa yumob. Im garra kilim yumob ded, jis laik wen sambodi jalk yumob.” Lagijat na YAWEI bin dalim mi blanga tok.

Jeramaiya 44:3

dumaji detlot pipul bin dumbat nogudbala ting en olabat bin meigim mi brabli wail. Olabat bin oldei gibitbat sekrifais ofring langa ola drimin, en deibin oldei weshipbat detlot drimin weya yumob, en yumob grengrenfathamob nomo bin weshipbat bifo.

Jeramaiya 5:25

Bat yumob nogudbalawei bin oldei kipumwei yumob brom ol detlot gudbala ting.

Isikiyel 39:24

Det laif blanga olabat bin brabli wikitwan en olabat bin dum nogudbala ting, en aibin lafta panishim olabat.

Hoseiya 13:9

Ai garra binijimap ol yumob Isreil pipul, en nomo enibodi kaan album yumob.

Maika 1:5

“Wal ol dislot ting garra hepin dumaji ola Isreil pipul bin tenim miselp brom God, en deibin dumbat olkain nogudbala ting. “Wal hubin meigim ola Isreil pipul tenim miselp brom God? Olabat ronwan kantrimen gin hu oldei jidan langa Sameriya. En hubin meigim ola Juda pipul bulurrumbat ola najalot drimin? Olabat ronwan kantrimen gin hu oldei jidan langa Jerusalem.” Lagijat na aibin tok.

Nambas 32:23

Bat if yumob kaan kipum yumob pramis, ai wonim yumob! Dumaji yumob oldei dumbat nogudbala ting langa YAWEI, wal im na garra panishim yumob brabliwei blanga yumob nogudbalawei.

Dyudaranami 32:10

“Imbin faindim yumob wokabat langa deset kantri, det draiwan pleis weya strongbala win bin oldei bloblobat. Imbin deya en imbin lukaftum yumob, jis laik im lukaftumbat imselp.

Dyudaranami 32:19

“Wen YAWEI bin luk tharran imbin brabli wail, en imbin gibit bekboun langa im san en doda olabat.