Jeramaiya 2:11 - Kriol Baibul

¹¹ Nomo eni pipul eniweya bin tjeinjim olabat drimin, nomeda olabat drimin nomo bin riliwan o laibalawan. Bat main pipul olabat bin libum mi, det God hubin dum ol detlot gudbala ting blanga yumob, en yumob bin bulurrum detlot drimin hu kaan dum enijing blanga yumob.

Jeramaiya 2:11 Iomraidhean Croise

Fes Kings 11:33

Ai garra dum lagijat, dumaji King Salaman bin gibit bekboun langa mi brabliwei, en imbin weshipbat ol detlot drimin. Imbin weshipbat det gelwan drimin gulum Estatei brom Saidan, en det drimin gulum Kemosh brom Moweb, en det drimin gulum Molek brom Eman. King Salaman nomo bin teiknodis langa mi. Imbin oldei dumbat ola nogudwan ting, en im nomo bin kipum main lowa en im nomo bin duwit langa mi laik im dedi Deibid bin oldei dumbat.

Sekan Kings 1:3

Bat wanbala einjul blanga YAWEI det trubala God bin dalim Ilaija det speshalwan mesinja brom Tishbi blanga go en midim detlot mesinja blanga King Eihesaiya en askim olabat, “Wotfo yumob garra go deya blanga askimbat Beilsibab det drimin blanga det taun gulum Ekran wanim garra hepin langa King Eihesaiya? Yumob reken nomo eni God jidan langa Isreil?

Sekan Kranakuls 13:9

Yu nomo garram bigininimob blanga Eran, ol detlot serramonimen blanga YAWEI langa yumob said, dumaji yubin jandimwei ol detlot serramonimen blanga YAWEI en ola Libai pipul du. En deya langa olabat pleis yumob bin meigim odinri pipul jidan serramonimen, jis laik ola najalot kantri dum. Enibodi hu bringimap boiwan buligi en 7 dediwan ship langa det ofring teibul blanga sekrifais gin jidan serramonimen blanga yumob drimin.

Ola Saam 106:20

Deibin libum det pawa en brabli shainiwan lait blanga God, en deibin weshipbat det laiyawan buligi sheip.

Ola Saam 115:4

Ola drimin blanga najalot pipul, olabat bin meigim brom silba en gol. Garram olabat ronwan bingga olabat bin meigim detlot drimin.

Ola Saam 3:3

Bat yu YAWEI, yu stapam ola nogudwan ting brom mi jis laiga shild. Yu meigim mi jidan haibala. Yu meigim mi strongbala igin, wulijim ai kaan bradin.

Aisaiya 37:19

En deibin binijimap detlot drimin sheip weya detlot pipul bin oldei meigimbat brom wud en ston blanga weshipbat.

Jeramaiya 16:20

Yu reken men gin meigim im ronwan drimin? Najing. If im dum lagijat, wal im nomo trubala drimin.’ ”

Jeramaiya 18:13

Wal YAWEI bin kipgon tok, “Detlot Isreil pipul bin dum brabli nogudbala ting. Yu askim ola pipul brom ebri kantri if deibin luk eni pipul bin dum diskain nogudbala ting bifo.

Jeramaiya 2:5

“Wanim nogudbala ting aibin dum langa yu grengrenfathamob? Wotfo deibin gowei brom mi? Olabat bin oldei weshipbat olkainbala nogudwan drimin sheip, en olabat bin meigim miselp nogudbala.

Jeramaiya 2:8

En detlot serramonimen nomo bin askim, ‘Weya YAWEI?’ Detlot lowamen nomo bin sabi mi, najing. En detlot lida bin gibit mi bekboun du. Detlot speshalwan mesinja bin oldei toktokbat garram det neim blanga Beil, en olabat bin oldei weshipbat olkain nogudwan drimin sheip.”

Jeramaiya 5:7

Wal YAWEI bin tok, “Wotfo ai garra larramgo fri main pipul olabat? Olabat bin libum mi en gibit bekboun langa mi. Olabat bin oldei weshipbat ola drimin weya nomo trubala. Aibin oldei fidimbat main pipul raidap olabat bin bulap binji, bat olabat tufeis en oldei silipsilipbat garram naja men waif. En olabat oldei abumbat gudwan taim silipsilipbat garram gel blanga mani.

Isikiyel 14:5

Wen olabat irrim langa main mesij, wal maitbi olabat garra opinimap olabat irriwol en kambek langa mi, en dei garra stap weship detlot drimin sheip.

Isikiyel 5:7

“Yumob pipul langa Jerusalem, yumob irrim wanim mi na YAWEI det boswan God tok langa yu. Wen yumob nomo bin teiknodis en dum wanim main lowa dalimbat yumob, yumob bin mowes blanga detlot najalot pipul hu jidan langa najalot kantri. Yumob bin bulurrum detlot lowa brom najalot pipul na.

Maika 4:5

“Wal nomeda tudei ola pipul langa ebri kantri bulurrumbat olabat ronwan drimin, bat stil wi garra bulurrum YAWEI det trubala God blanga wi olagijawan.” Lagijat na aibin tok.

Romans 1:23

en deibin gibit bekboun langa God hu kaan neba binij. Deibin tenawei brom det shainiwan lait blanga im, en dei bulurrum sheip weya deibin meigim laiga men en bard en enimul en sneik weya garra binij.

Fes Karinthiyans 8:4

Wal wotabat det bif weya deibin gibit jis laiga sekrifais ofring langa detlot drimin? Wi gin dagat detkain bif? Wal yumob jinggabat na. Wi sabi ol detlot drimin nomo enijing, dumaji oni wanbala trubala God im jidan.

Galeishans 4:8

Basdam yumob nomo bin sabi God, en yumob bin jidan wekinmen blanga ol detlot ting weya dei gulum drimin. Bat detlot ting nomo trubalawan.

Dyudaranami 32:16

YAWEI bin brabli jelas wen imbin luk yumob weshipbat olkain drimin sheip. Det nogudbala ting bin meigim im brabli wail.

Dyudaranami 32:21

Garram yumob drimin sheip weya yumob bin meigim, yumob oldei meigim mi jelas en brabli wail. Detlot na nomo brabliwan. Ai garra yusum najalot pipul wulijim dei gin meigim yumob wail. Ai garra meigim yumob jelas blanga detlot pipul hu nomo sabi mi.

Dyudaranami 33:29

Yumob Isreil pipul jidan brabli gudbinji na. Nomo eni pipul jidan laik yumob. YAWEI bin seibum yumob. YAWEI na oldei jidan jis laik det shild en shapwan naif. Im na oldei lukaftumbat yumob en bidim yumob enamimob. Detlot enami garra askim yumob blanga kainbala langa olabat, bat yumob Isreil pipul garra bidim olabat.” Lagijat na Mosis bin tok.

Fes Pida 1:18

en yumob garra oldei teiknodis langa God en rispek langa im, dumaji yumob sabi wanim God bin dum blanga baiyimbek yumob brom det olwan nogudbala laif weya yumob grengrenfatha olabat bin hendimdan langa yumob brom longtaim. Im nomo bin pei garram gol en silba weya oldei binij. Nomo.

Fes Semyul 4:21

Wal det gel bin gulum im san neim Ikabod, en imbin tok, “Det pawa en det shainiwan lait blanga God bin gowei brom wi kantri.” Lagijat na imbin tok, dumaji imbin jinggabat det Seikridwan Boks weya detlot Filastain pipul bin deigidawei, en imbin jinggabat im lambarra en im hasbin weya dubala bin dai.