Jeramaiya 2:10 - Kriol Baibul

¹⁰ If yumob go lukaran sangodanwei raidap langa det ailin gulum Saipras, en if yumob garra jandim sambodi sanraiswei raidap langa det kantri gulum Keda, yumob kaan faindim enijing bin hepin lagijat bifo.

Jeramaiya 2:10 Iomraidhean Croise

Jenasis 25:13

en wen Ishmeil bin merrit, im waif bin abum twelbala boi blanga im. Olabat neim bin Neibayoth, Keda, Edbiyel, Mibsam, Mishma, Duma, Mesa,

Fes Kings 9:9

En pipul garra ensa, ‘Im lagijat dumaji dei nomo bin teiknodis langa YAWEI det trubala God blanga olabat, hubin bringimat olabat grengrenfathamob brom Ijip. Deibin gibit olabat selp langa najalot drimin en deibin weship langa olabat du. Blanga tharran na YAWEI bin gitwail langa olabat en imbin rudimat detlot ebrijing.’ ” Lagijat na YAWEI bin tok.

Fes Kranakuls 1:7

En det femili lain blanga Jeiban bin detlot pipul langa Ilaisha, Tashis, Saipras en Rouds.

Fes Kranakuls 23:1

Wal wen King Deibid bin brabli olmen na, imbin meigim im san Salaman jidan king blanga ol detlot Isreil pipul.

Fes Kranakuls 23:12

Wal Kohath imbin abum fobala san neim Emrem, Isa, Hebran en Yusiyel.

Ola Saam 120:5

Mi jidanabat garram yumob, en im nogudwan. Im seim laik mi jidan garram detlot krulbala pipul brom det dubala kantri gulum Mishek en Keda.

Aisaiya 21:16

“Wal YAWEI bin tok langa mi na, ‘Dregli, langa wanbala yiya, ola gudbala ting blanga Keda garra ol binijap.

Aisaiya 23:1

“Wal dijan na det mesij bin kaman langa mi brom YAWEI det trubala God blanga det taun gulum Taya. Ol yumob Taya men deya langa yumob bout redibala blanga bringimbek ola ebrijing, kraikrai nomo lilbit dumaji yumob bin irrim bednyus langa Saipras blanga yumob ronwan taun. Yumob taun en det seifwan pleis blanga ola bout bin binijap na.

Aisaiya 23:12

Wal YAWEI bin tok langa detlot pipul langa Saidan na, ‘Wal yumob pipul langa Saidan, ol detlot gudbala taim weya yumob bin oldei abumbat, im binij na. Yumob taun im binij du. Nomeda yumob ranawei langa det kantri gulum Saipras, bat stil yumob kaan jidan kwaitbalawei en gudbinjiwei deya, najing.’

Jeramaiya 49:28

Dijan na wanim YAWEI bin tok blanga det Keda traib, en ola lilwan taun raidaran langa det bigwan taun gulum Heisowa weya King Nebakanesa brom Bebalon bin bidim olabat. Imbin tok, “Fait det Keda traib, en kilim detlot pipul langa Heisowa en detlot pipul brom sanraiswei.

Isikiyel 16:16

En yubin oldei yusum yu ronwan klos blanga meigim det pleis luk purdiwan weya yubin oldei weshipbat detlot drimin sheip, en yubin silipsilipbat garram eni men langa det seimwan pleis.

Isikiyel 27:21

En detlot pipul brom Areibiya en detlot boswan brom Keda bin selim langa yu ola lilwan en bigwan ship en nenigout.

Isikiyel 27:6

Deibin gajimbat detlot ouktri brom Beishan blanga meigim pedul. Deibin gajimbat detlot paintri brom Saipras blanga meigim det flopat blanga det bout, en deibin meigim im purdiwan garram shainiwan elafen boun gulum aibri.

Isikiyel 5:7

“Yumob pipul langa Jerusalem, yumob irrim wanim mi na YAWEI det boswan God tok langa yu. Wen yumob nomo bin teiknodis en dum wanim main lowa dalimbat yumob, yumob bin mowes blanga detlot najalot pipul hu jidan langa najalot kantri. Yumob bin bulurrum detlot lowa brom najalot pipul na.

Denyul 11:18

“Bambai na det king brom Siriya garra fait langa ola kantri solwodasaid en im garra bidim olabat. Bat wanbala boswan blanga det amimob brom najawan kantri garra bidim im en stapam im praudbalawei. Im garra bidim det king brom Siriya, en im kaan jidan praudbala enimo.

Denyul 11:30

Detlot Roman soljamob garra kaman garram bout en olabat garra fait langa im en im garra bradin nomo lilbit. “Afta, det king brom Siriya garra gitwail en im garra trai blanga stapam detlot pipul blanga God brom weshipbat langa God. Im garra dum wanim detlot pipul tok hubin gibit bekboun langa God.

Nambas 24:24

Detlot enami garra kaman brom solwodasaid brom Saipras. Olabat garra bidim Asiriya en Iba, bat bambai detmob brom Saipras garra binijap olagijawan.” Lagijat na Beilam bin tok.

Fes Karinthiyans 5:1

Wal aibin irrim brabli nogudwan stori blanga yumob Kristjan pipul deya langa Korinth. Ola odinri pipul nomo dum detkain nogudbala ting weya aibin irrim hepin langa yumob. Aibin irrim wan men deya bin merrit langa det sekan waif blanga im ronwan dedi.

Jadjis 19:30

Wal wen ebribodi bin luk det gel bodi lagijat, deibin ol tok, “Wi nomo bin luk diskain ting bifo, en wi nomo bin irrim enijing du. Brom det taim weya wi grengrenfatha olabat bin gowei brom Ijip raidap tudei wi nomo bin luk enijing lagijat bifo. Najing. Wal wi garra jinggabat dijan nogudbala ting weya bin hepin, en wi garra lafta dum samting blanga tharran.”