Jeramaiya 19:9 - Kriol Baibul

⁹ Detlot enami garra jidan raidaran langa det taun en gitredi blanga go insaid en kilim ol detlot pipul. Det taim garra jidan brabli nogudwan. Detlot pipul insaid langa det taun garra stat dagadagatbat gija en olabat bigininimob du.’ Lagijat na YAWEI bin tok.

Jeramaiya 19:9 Iomraidhean Croise

Sekan Kings 25:3

En langa det namba 9 dei blanga det namba 4 manth det seimwan yiya na ola pipul bin ranat blanga daga.

Aisaiya 9:20

Nomeda olabat bin faitfaitbat en stilimbat daga bat stil olabat nomo bin sedisfaid. Olabat bin brabli nogudbala en bin kilimbat olabat ronwan biginini jis laik detlot wail enimul.

Jeramaiya 13:14

Wal jis laik wen detlot jag bin smeshap ai garra bitsimap detlot pipul lagijat na, ola olwan en yangwan du. Ai kaan fil sori blanga enibodi. Nomo enijing kaan stapam mi brom kilimbat olabat.” Lagijat na YAWEI bin tok.

Jeramaiya 38:9

“Haibala bos, wanim dislot men bin dum im nomo rait. Olabat bin pudum Jeramaiya insaid langa det wel weya im garra dai brom jidanbat hanggriwan, dumaji nomo eni daga iya langa dijan taun.”

Leminteishans 2:20

Jerusalem bin tok, “YAWEI, wotfo yu panishim melabat lagijat? Luk! Detlot gel oldei dagadagatbat olabat ron bigininimob na weya dei laigim olabat detmatj. En detlot enamimob bin kilim ded ola serramonimen en speshalwan mesinja du langa det Serramoni Pleis.

Leminteishans 4:10

Im brabli nogudbala ting bin hepin langa main pipul langa Jerusalem. Detlot mamiwan, olabat brabli kainwan bat stil deibin brabli hanggriwan detmatj en deibin dagat olabat ronwan bigininimob. Deibin boilim olabat blanga dagat olabat.

Isikiyel 5:10

Detlot mamiwan en dediwan garra dagadagatbat olabat ronwan biginini en ola biginini garra dagadagatbat dei mami en dedi. Detlot pipul hu stil jidanbat laibala, ai garra spredimat olabat langa ebri kantri.

Labidakas 26:29

Yumob garra jidan brabli hanggribala en yumob garra dagat yumob ronwan biginini.