Jeramaiya 19:2 - Kriol Baibul

² en go langa det Hinam Beli atsaid langa det Potishad Geit. Imbin dalim mi blanga dalim dijan mesij na langa detlot pipul.

Jeramaiya 19:2 Iomraidhean Croise

Sekan Kings 23:10

Wal King Josaiya bin bitsimap det weship pleis blanga Topheth langa det beli gulum Hinam, wulijim olabat kaan gibit olabat bigininimob laiga barnapwan ofring langa det drimin gulum Molek.

Sekan Kranakuls 28:3

en imbin barnim gudsmelwan medisin langa Hinam Beli, en imbin sekrifais im ronwan sanmob laik deibin gibit barnapwan ofring langa detlot drimin sheip. Imbin dum detlot seimwan nogudbala ting weya ola pipul bin dum basdam weya YAWEI bin andimwei wen det Isreil ami bin kaminap.

Sekan Kranakuls 33:6

En imbin pudumap purdiwan ston blanga najalot drimin langa det Serramoni Pleis. King Manesa bin dumbat detlot klebabala trik en najalot nogudwan ting en imbin askim detlot klebabalamen blanga dalim im wanim blanga dum. En imbin sekrifais im ronwan san olabat deya langa det pleis gulum Hinam Beli. Imbin dum bigismob nogudbala ting en imbin meigim YAWEI brabli wail. Longtaim God bin dalim King Deibid en im san Salaman, “Jerusalem im det pleis weya aibin pikimat brom eni najawan pleis deya langa Isreil. Im blanga main, en deya langa det serramoni pleis dei garra oni weshipbat mi olagijawan.

Niyamaiya 3:29

Seidok bin det san blanga Ime, en imbin bildimbek det pat lida langa im ronwan haus. Shemaiya bin det san blanga Shekanaiya, det blijiman blanga det Sanrais Geit, en imbin bildimbek det najawan pat blanga det wol.

Jeramaiya 1:7

Bat YAWEI bin tok langa mi, “Yu nomo tok lagijat. Mi jis laik yangboi, dumaji ai garra jandim yu deya langa detlot pipul en yu garra dalim olabat ebrijing wanim aibin dalim yu blanga tok.

Jeramaiya 11:6

Wal YAWEI bin tok, “Jeramaiya, yu garra go langa detlot taun blanga Juda, en langa detlot strit blanga Jerusalem. Yu garra dalim main mesij deya na, en yu garra dalim olabat blanga lisin langa detlot lowa blanga det speshalwan pramis en olabat garra teiknodis en duwit.

Jeramaiya 18:2

“Jeramaiya, yu garra godan langa det haus blanga det men hu oldei meigimbat detlot pot brom det klei, en ai garra dalim yu det mesij deya na.”

Jeramaiya 26:2

YAWEI det trubala God bin dalim mi, “Yu garra jandap rait langa det yad langa det Serramoni Pleis en yu garra tok wanim aibin dalim yu blanga tok langa ola pipul hu oldei kaman brom detlot taun blanga Juda blanga weshipbat deya. Yu nomo misdim eni wed. Yu garra dalim enijing.

Jeramaiya 3:12

“Wal Jeramaiya, yu jingat en dalim detlot Isreil pipul dijan na, ‘Nomeda yumob bin gibit bekboun langa mi, kambek langa mi na. Ai kaan wail langa yumob na. Dumaji mi brabli kainbalawan, en ai kaan wailwail langa yumob olataim.

Jeramaiya 32:35

Detlot Juda pipul bin oldei dumbat nogudbala ting. Olabat bin bildimap teibul blanga ofring blanga Beil langa det pleis gulum Hinam Beli blanga meigim olabat ronwan san en doda blanga sekrifais langa det drimin gulum Molek. Ai nomo bin dalim olabat blanga dum tharran nogudbala ting, en im nomo bin kamat brom mi.” Lagijat na YAWEI bin tok langa mi.

Jona 3:2

“Yu garra go langa det taun gulum Ninaba, en yu garra gibit woning langa ola pipul deya. Yu garra dalim olabat wanim aibin dalim yu basdam.”

Methyu 10:27

en ebrijing ai dalim yumob naitaim kwaitbalawei, yumob garra dalimbat ola pipul deitaim adbalawei. En ebrijing ai dalim yumob insaid langa haus, yumob garra dalimbat ola pipul atsaid langa det haus.

Eks Hau Det Gudnyus Blanga Jisas Krais Bin Spredat Ebriweya 20:27

If enibodi brom yumob garra go langa det helfaiya, wal im nomo main folt tharran, dumaji aibin dalimbat yumob ebrijing blanga det nyubalawei blanga God. Ai nomo bin blandim enijing brom yumob.

Eks Hau Det Gudnyus Blanga Jisas Krais Bin Spredat Ebriweya 5:20

“Yumob gobek langa det Serramoni Pleis, en deya na yumob garra dalimbat ola pipul det gudnyus blanga det nyubalawei blanga laif.”

Joshuwa 15:8

en brom deya imbin go thru langa det pleis gulum Hinam Beli deya sauthsaid langa det hil weya det taun gulum Jerusalem bin jidan. Detlot pipul gulum Jebusait bin oldei jidan langa det taun. En brom deya det boda bin go ontop langa det hil sangodansaid brom det Hinam Beli raidap nowathsaid langa det pleis gulum Refait Beli,