Jeramaiya 18:21 - Kriol Baibul

²¹ Bat yu na YAWEI, yu gin larram olabat bigininimob jidan hanggribala raidap olabat dai, en larram olabat gitkil brom faitfaitbat. Larram ol detlot wuman lujim olabat hasbin en bigininimob. Larram ola men dai brom nogudwan siknis, en detlot yangmen gin gitkil brom faitfaitbat.

Jeramaiya 18:21 Iomraidhean Croise

Sekan Kranakuls 36:17

Wal YAWEI bin jandim King Nebakanesa brom Bebalon blanga fait langa Jerusalem. King Nebakanesa bin kilim ola yangmen hubin jidan langa det Serramoni Pleis, en im nomo bin sori langa enibodi, nomeda olabat bin men o wuman, yang o ol. God bin larram im binijimap ebriwan langa det taun.

Ola Saam 63:10

Olabat garra gitkil langa wofait, en ola wailwan dog garra dagadagat olabat bodi.

Ola Saam 63:11

Dumaji God album det king blanga win, det king garra jidan gudbinjiwan. Detlot hu meigim pramis garram God neim garra preisim im, bat God garra jadimap ola mawus blanga laiyinbala pipul.

Eksadas 22:24

en im garra gitwail langa yu en kilim yu wen yu abum fait, en im garra meigim yu waif jidan widogel en yu biginini jidan nomo garram dedi.

Aisaiya 13:18

Blanga olabat bo en erro garra kilim ol detlot yangmen en olabat kaan neba fil sori blanga detlot lilwan beibi, en ola biginini.

Aisaiya 9:16

Deibin oldei lidimbat olabat langa det rong roud, en olabat nomo bin sabi wanim blanga dum.

Aisaiya 9:17

Wal YAWEI bin stil wail langa olabat, en im garra kipgon panishimbat olabat, dumaji olabat bin gibit bekboun langa im. Olabat bin brabli nogudbala, en bin oldei toktokbat nogudbala ting. God bin brabli wail en im nomo bin fil sori blanga ola yang pipul, widogel en biginini hu nomo garram mami en dedi.

Jeramaiya 12:3

Bat YAWEI, oni yu na sabi wotkain mi. Yu oldei luk langa mi wanim aibin dum, en hau ai laigim yu brabliwei. Yu garra deigimwei ol dislot nogudwan men brom iya, jis laik det ship weya dei redi blanga kilim im en kadimap im. Yu kipum olabat raidap olabat garra gitkil.

Jeramaiya 14:16

Detlot pipul hubin irrimbat olabat toktok lagijat, detlot du garra gitkil seimwei. Dijan na garra hepin langa olabat. Olabat waif, en olabat san, en olabat doda garra gitkil du. Detlot dedwan bodi garra jidan ebriweya langa detlot strit langa Jerusalem. Dumaji ai garra meigim olabat pei blanga olabat nogudbalawei.”

Jeramaiya 15:7

Langa ebri taun langa dijan kantri aibin tjakidawei yumob jis laik det win wen im blowimwei det rabishwan gras brom det sid daga. Ai garra binijimap main ronwan pipul olabat, en ai garra kilim yumob bigininimob du, dumaji yumob neba stap dumbat detlot nogudbala ting.

Jeramaiya 15:8

Detlot widogel langa yumob kantri garra jidan mowa den detlot sengraun weya jidan wansaid langa det solwoda. En ai garra kilim ded ola yangwan men blanga yumob, en ai garra meigim olabat mamimob ardimbat nomo lilbit. Kwikbala ai garra kaman en ol detlot mami garra fil sori en bradin.

Jeramaiya 50:30

Ola yangmen garra gitkil langa det taun langa strit, en ola solja du garra ol binijap langa det dei na, dumaji mi na YAWEI bin tok blanga dijan.

Jeramaiya 9:21

Wal deth bin kaman snikinwei langa wi haus. Imbin kaman langa wi speshalwan haus. Imbin kilim ded wi bigininimob ebriweya langa detlot strit, en ol detlot yangmen bin dai deya langa detlot pleis weya olabat oldei baiyimbat en selimbat olkainaba ting.

Leminteishans 1:15

Main bos nomo bin teiknodis langa ol main brabli strongbala soljamob. Imbin jandim ami blanga binijimap ol main boi. En imbin smeshimap main pipul olabat laik ola greip daga weya dei oldei meigim wain.

Leminteishans 5:3

Melabat nomo garram melabat dedimob na dumaji ola enamimob bin kilim olabat ded, en blanga melabat mamimob olabat nomo garram hasbin na.

Isikiyel 16:38

Ai garra jadjim yu jis laik aibin jadjim detlot gel hubin silipsilipbat garram naja gel hasbin en detlot hu oldei medrimbat enibodi dumaji mi brabli wail, en ai garra panishim yu garram deth.

Isikiyel 22:25

Detlot lida blanga olabat, dei jis laik detlot laiyan weya dei jinginat brabli adbala wen dei kilimbat ola enimul. Detlot lida oldei kilimbat ola pipul en dei pulumat ola ebrijing blanga olabat. En wen dei medrim ola men dei libum olabat widogel ebriweya.

Eimos 4:10

“Aibin jandim brabli nogudwan siknis langa yumob jis laik det siknis weya aibin jandim longtaim langa detlot pipul langa Ijip. Aibin kilim ded ol detlot yangbala men blanga yumob langa bigbala fait en aibin deigidawei ola hosis blanga yumob. En aibin meigim det nogudwan smel blanga ola dedwan bodi go ebriweya langa yumob kemp. Bat stil yumob nomo bin kambek langa mi.

Dyudaranami 32:25

Langa roud ai garra jandim loda enami blanga kilimbat yumob. Olkain ting garra kamat langa yumob kemp en bradinim yumob. Ola yangboi en ola yanggel garra dai, en ola beibi en ol pipul garra dai du.

Sekan Timathi 4:14

Wal Timathi, yu garra wotjim miselp blanga det men neim Eliksenda hu oldei meigimbat olkain ting garram aiyan, dumaji imbin trai en stapam det wed weya wibin oldei dalimbat ola pipul, en imbin meigim bigis trabul blanga mi. Bat Jisas Krais det Bos blanga wi garra peiyimbek im blanga det trabul weya imbin meigim blanga mi.

Fes Semyul 15:33

Wal Semyul bin dalim det king, “Det bigwan naif blanga yu bin meigim loda mami jidan nomo garram eni biginini. En tudei na yu mami garra jidan nomo garram san du.” Wal wen Semyul bin tok lagijat, imbin gajim bigwan naif, en deya lida langa det teibul blanga ofring langa det serramoni pleis langa Gilgel, imbin kilim det king ded.