Jeramaiya 17:6 - Kriol Baibul

⁶ Im jidan jis laik det bush langa det deset kantri, weya im gro langa det draiwan rabishwan kantri langa soltiwan graun weya nomo enijing gro. Nomo enijing gudwan oldei hepin langa im.

Jeramaiya 17:6 Iomraidhean Croise

Sekan Kings 7:2

Wal det wekinmen blanga det king bin tok langa Ilaisha, “Dijan ting kaan hepin, nomeda YAWEI jandim sid daga streidawei.” En Ilaisha bin tok, “Yu garra luk wanim garra hepin, bat yu kaan dagat detlot daga.” Lagijat na Ilaisha bin tok.

Job Wotfo Gudbala Pipul Abum Trabul? 20:17

Olabat kaan jidanbat brabli hepiwan langa det kantri weya dei garram detmatj oliboil en milk en shugabeig. Im jis laik detlot riba oldei randan garram oliboil en milk en shugabeig.

Job Wotfo Gudbala Pipul Abum Trabul? 39:6

Oni mi na bin album olabat blanga jidan gudwei langa det soltiwan sengraun kantri.

Ola Saam 1:4

Bat detlot nogudbala pipul nomo jidan lagijat. Dei jis laik det draiwan gras, weya nomo gudwan blanga enijing, en det win jis blowimwei im.

Ola Saam 107:34

Imbin meigim ola gudwan graun jidan garram solt, dumaji ol detlot hubin jidan langa det kantri bin dumbat ola brabli nogudwan ting.

Ola Saam 92:7

Wulijim bindiyai weya im gro isibalawei en spredat ebriweya, lagijat du nogudbala pipul nomo abum eni trabul en gajimbat detmatj ebrijing isibalawei tudei, bat bambai yu na YAWEI garra binijimap olabat olagijawan,

Aisaiya 1:30

Yumob garra jidan wulijim detlot ouktri weya gulijap dai, en jis laik det gadin weya nomo garram eni woda.

Jeramaiya 48:6

Olabat jinginat adbala, ‘Ranawei kwikbala wulijim yumob kaan gitkil. Ran wulijim det wailwan dongki wen im ran langa deset kantri.’

Isikiyel 47:11

Bat det soltiwan graun weya im jidan olawei wansaid langa det woda garra oldei jidan soltiwan wulijim detlot pipul garra yusumbat det solt.

Sefanaiya 2:9

Wal trubala ai dalim yumob. Mi na YAWEI det boswan God blanga ola Isreil pipul, en bambai ai garra binijimap yumob kantri gulum Moweb jis laik weya aibin binijimap det taun gulum Sadam. Ai garra binijimap yumob kantri gulum Eman, jis laik weya aibin binijimap det taun gulum Gamora. Ola bindiyai gras garra gaburrumap det dubala kantri blanga yumob, en soltiwan graun garra jidan deya weya gudwan graun bin jidan bifo. No daga garra gro deya olagijawan. En main pipul hu nomo gitkil garra kaman en deigidawei ola gudbala ting blanga yumob, en dei garra teikoba Moweb en Eman.” Lagijat na YAWEI bin tok.

Dyudaranami 29:23

Det kantri garra brabli powan en nomo garram eni plent blanga gro, en im garra gaburrumap garram yelawan ston en solt, en nomo enijing garra gro, en rabishwan gras kaan gro deya du. En yumob kantri garra jidan laik detlot taun gulum Sadam en Gamora en Edma en Seboiyim weya YAWEI bin binijim wen imbin brabli wail.

Jadjis 9:45

en deibin faitfait ol dei, en deibin kilim ola pipul langa det taun ded, en deibin rudimat ola haus, en deibin tjakam solt ebriweya langa det graun blanga meigim det graun nogud.