Jeramaiya 17:5 - Kriol Baibul

⁵ Wal YAWEI bin kipgon tok, “Ai garra panishim enibodi hu oldei gibit bekboun langa mi, en hu oldei trastimbat langa detlot odinri pipul hu garram pawa brom pipul.

Jeramaiya 17:5 Iomraidhean Croise

Sekan Kranakuls 16:12

Langa det namba 39 yiya wen King Asa bin jidan king, imbin abum brabli nogudwan siknis langa im fut, bat imbin oni luk langa dokta blanga album im. Im nomo bin askim YAWEI blanga album im.

Sekan Kranakuls 32:8

dumaji YAWEI det God blanga wi im garra album wi en fait blanga wi. Detlot Asiriya solja oni odinri pipul en deibin kaman garram olabat ronwan pawa.” Ol dislot wed weya det king bin tok bin album detlot Juda pipul na.

Ola Saam 18:21

Aibin oldei duwit langa det lowa blanga YAWEI det trubala God, en ai nomo bin tenim miselp brom main God.

Ola Saam 62:9

Yu kaan trastim pipul tudei. Olabat wulijim det win weya wi blowimbat blanga meigim faiya. Nomeda pipul jidan haibala o lobala, olabat jis najing. If yu meshurum olabat, dei kaan jidan hebiwan o laitwan, najing. Olabat wulijim det win weya wi blowin.

Aisaiya 2:22

“Yumob stap trastimbat langa detlot pipul hu nomo garram eni pawa. Olabat garra ol dai. Wal hau olabat garra album yumob?”

Aisaiya 20:5

Olabat kaan sabi wanim olabat garra dum, en nobodi kaan album detmob na, dumaji olabat bin ol joinin garram detlot Ithiyopiya pipul en olabat bin tok praudbalawei blanga Ijip.’

Aisaiya 36:6

Maitbi King Hesakaiya wandim det king brom Ijip blanga album im, bat im kaan album im. Det king brom Ijip im jis laik det breikinwan wadi weya garra ardim im.

Aisaiya 59:15

Ebribodi oldei dalimbat laiya, en detlot pipul hu oldei gibit bekboun langa det nogudbala ting, olabat abum brabli adtaim na.” Lagijat na detlot pipul bin tok. Wal wen YAWEI bin sabi det trubalawei bin gowei, imbin brabli nogudbinji.

Jeramaiya 11:3

Mi na YAWEI det God blanga ola Isreil pipul. Aibin pudum nogudbala ting langa ebribodi hu nomo bin teiknodis langa det strongwan pramis.

Isikiyel 6:9

weya olabat garra jidan prisana. Deya na olabat garra jinggabat mi na en sabi aibin panishim olabat en meigim olabat brabli sheim miselp, dumaji deibin oldei weshipbat detlot drimin sheip. Olabat garra brabli sheim miselp du, dumaji deibin dumbat detlot brabli nogudbala ting.

Hoseiya 1:2

Wal YAWEI bin gibit wed langa ola Isreil pipul thru langa Hoseiya. Bat bifo imbin gibit det wed, imbin dalim Hoseiya, “Yu garra go en merrit langa det wanbala gel neim Goma hu oldei silipsilipbat garram eni men, en ola biginini blanga yunbala garra jidan jis laik olabat mami. En im seimwei lagijat du garram main pipul olabat. Deibin oldei libum mi en go olabat ronwei.” Lagijat na YAWEI bin tok.