Jeramaiya 17:18 - Kriol Baibul

¹⁸ Yu meigim ol detlot hu oldei ardimbat mi jidan sheimwan, bat yu sori langa mi en album mi YAWEI. Yu meigim olabat jidan bradinwan, bat yu nomo bradinim mi. Yu jandim detlot nogudbala ting langa olabat, en yu binijimap olabat brabliwei.” Wal lagijat na aibin tok.

Jeramaiya 17:18 Iomraidhean Croise

Job Wotfo Gudbala Pipul Abum Trabul? 16:14

Lagijat na God nomo stap kilimbat langa mi,

Ola Saam 35:4

Detlot hu wandi kilim mi ded, meigim olabat jidan garram sheim en nomo win. Detlot hu toktokbat sigridwei blanga kilim mi ded, tenimbek olabat en meigim olabat jinggabat olkainabawei.

Ola Saam 35:8

Bat bifo dei dum lagijat, det deinja garra kaman langa olabat jis lagijat. Olabat garra jidan langa olabat ron trep, en buldan langa olabat ron dipwan hol en binijap.

Ola Saam 40:14

Yu bidim detlot enami hu wandi kilim mi. Yu meigim olabat nomo sabi wanim olabat jinggabat. Meigim detlot pipul hu wandi ardim mi gowei sheimwei.

Ola Saam 70:2

Detlot hu trai blanga kilim mi, nomo larram olabat win, en yu meigim olabat grangran hed. Stapam detlot hu jidan gudbinji langa ol main trabul, en meigim olabat gobek garram sheim.

Ola Saam 71:1

YAWEI, ai kaman langa yu blanga kipum mi seifwan. Nomo larram enibodi meigim mi sheim.

Jeramaiya 1:17

Wal yu garra gitredi Jeramaiya, dumaji yu garra go en dalim olabat ebrijing wanim aibin dalim yu blanga tok. Yu nomo bradin blanga olabat tudei, o ai garra meigim yu jidan brabli bradinbala wen olabat garra luk yu.

Jeramaiya 11:20

Wal aibin prei na, “YAWEI det brabli haibala boswan God, yu na oldei tridimbat ola pipul gudwei, en yu sabi wanim olabat oldei jinggabat en wotkain filing dei oldei abum. Ai garra libum ebrijing langa yu bingga, wulijim ai garra luk yu garra panishim dislot pipul.” Lagijat na aibin prei.

Jeramaiya 12:3

Bat YAWEI, oni yu na sabi wotkain mi. Yu oldei luk langa mi wanim aibin dum, en hau ai laigim yu brabliwei. Yu garra deigimwei ol dislot nogudwan men brom iya, jis laik det ship weya dei redi blanga kilim im en kadimap im. Yu kipum olabat raidap olabat garra gitkil.

Jeramaiya 14:17

Wal YAWEI bin dalim mi blanga dalim detlot pipul blanga main soribala filing, en blanga tok lagijat, “Larram main dubala ai jidan wetwan deitaim en naitaim, dumaji ai kaan neba stap kraikraibat, dumaji blanga main pipul olabat garram sowa ol oba, en olabat ardimbat nomo lilbit.

Jeramaiya 16:18

Ai garra meigim yumob peiyimbek dubala taim blanga yumob nogudbalawei en blanga yumob brabli nogudbala ting weya yumob bin oldei dum, dumaji yumob bin meigim main kantri jidan brabli nogudwan garram detlot drimin sheip. Detlot drimin sheip nomo laibalawan. Olabat dedwan, en olabat nomo trubalawan. Olabat laiyawan drimin.” Lagijat na YAWEI bin tok.

Jeramaiya 17:13

“YAWEI, yu na wanbala blanga ola Isreil pipul. Ol detlot pipul hu oldei gowei brom yu garra sheim miselp na. Bambai olabat garra binijap, jis laik det neim weya olabat oldei raidimdan langa das, dumaji olabat bin libum yu YAWEI, en yu na det freshwan springwoda.”

Jeramaiya 17:16

“Bat YAWEI, ai nomo bin wandim yu blanga jandim nogudbala ting langa olabat. Ai nomo bin wandim trabul garra kaman langa olabat. YAWEI, yu sabi ol dijan. Yu sabi wanim aibin tok.

Jeramaiya 17:19

Wal YAWEI bin tok, “Jeramaiya, yu go en dalim main mesij langa ol detlot pipul langa det geit gulum Pipul Geit. Im det geit weya detlot king blanga Juda oldei gowin en gowei brom det taun. Afta tharran yu garra go langa ol detlot najalot geit blanga Jerusalem.

Jeramaiya 20:11

Bat yu, YAWEI, yu oldei jidan langa main said. Yu brabli strongbala en brabli haibala garram pawa, en detlot hu oldei ardimbat mi kaan dum enijing langa mi. Olabat garra jidan sheimwan olagija dumaji olabat kaan dum enijing langa mi. Olabat garra sheim miselp, en nobodi kaan neba foget.

Dyudaranami 33:11

YAWEI, yu garra album dijan klen en meigim olabat jidan strongbala. Yu gudbinji langa olabat wen olabat oldei dum det speshalwan wek blanga yu. YAWEI yu garra oldei fait langa ola enami blanga olabat, en nomo larram detlot enami bidim olabat.”

Rebaleishan 18:6

“Wal dei garra peiyimbek Bebalon blanga ol detlot nogudbala ting. Dei garra peiyimbek det taun garram detmatj trabul. Dei garra panishim det pleis tutaim.