Jeramaiya 16:17 - Kriol Baibul

¹⁷ Mi na gin luk ebrijing wanim yumob oldei dumbat. Nomo enijing kaan blandim miselp brom mi, en ai luk langa yumob nogudbalawei.

Jeramaiya 16:17 Iomraidhean Croise

Sekan Kranakuls 16:9

YAWEI im oldei wotjimbat ebribodi, en im meigim strongbala detlot hu oldei duwit trubalawei langa im. Bat yubin dum nogudbala ting, en blanga tharran na yu kantri kaan jidan gudbala igin.”

Job Wotfo Gudbala Pipul Abum Trabul? 10:14

bat yu oldei lukinat langa mi dumbat nogudwan ting, en yu oldei panishim mi.

Job Wotfo Gudbala Pipul Abum Trabul? 31:4

en im oldei wotjimbat mi blanga enijing ai dumbat.

Ola Saam 109:15

YAWEI, yu garra oldei jinggabat ola nogudbalawei blanga olabat, bat meigim olabat binijap, en nobodi garra jinggabat olabat igin.

Ola Saam 139:3

Yu sabi weya mi go en weya mi leidan. Yu sabi ebrijing blanga mi brabliwei.

Ola Saam 33:15

Im na meigim ebribodi hat en main, en im sabi ebrijing dei dum.

Ola Saam 51:9

Jadimap yu ai, wulijim yu kaan luk ol detlot nogudbala ting main, en rabumat ol detlot ting aibin dumbat wen ai nomo bin duwit langa yu.

Ola Saam 90:8

Yu pudum ola nogudbalawei blanga melabat lida langa yu, en ola nogudbala ting weya melabat bin dum sigridwei yu gin luk.

Prabebs 15:3

Wal YAWEI det trubala God oldei lukinatbat ebribodi wanim olabat oldei dumbat. Im oldei luk detlot gudbala en nogudbala ting weya wi oldei dumbat.

Prabebs 5:21

YAWEI det trubala God oldei luk ebrijing yu dumbat en im oldei lukinat weya yu oldei go.

Aisaiya 29:15

“Wal ol yumob pipul garra abum trabul if yumob trai blanga blandim yumob plen brom YAWEI, o if yu reken yu gin dum samting langa dakbala pleis weya nobodi kaan luk langa yu.

Aisaiya 66:18

Ai sabi wanim yumob oldei dumbat, en wanim yumob jinggabat oldei. Wal det taim bin kaman na blanga bringimap ola pipul brom ebri langgus en brom ebri kantri en blanga shoum olabat main strongwan pawa blanga meigim olabat sabi wanim ai gin dum. “Ai garra jandim ol detlot pipul hu stil jidan laibala langa detlot kantri gulum Tashish, Libiya en Lidiya weya detlot pipul jidan klebabala garram bo en erro, en langa Tubal, en langa detlot ailin longweiwan blanga Gris. Ai garra jandim olabat blanga tokabat blanga main shainiwan lait en pawa langa detlot pipul langa najalot kantri hu nomo bin irrim blanga mi.

Jeramaiya 2:22

“Nomeda yumob oldei washim miselp garram brabli strongwan sop, bat ai gin stil luk det nogudbala ting insaid langa yumob.

Jeramaiya 23:24

Nobodi kaan blandim miselp brom mi! Mi jidan ebriweya langa skai en langa graun du.

Jeramaiya 29:23

Dijan na garra hepin langa dubala, dumaji dubala brabli giltiwan brom detlot nogudbala ting deibin oldei dumbat. Dubala bin oldei silipsilip garram naja men waif, en dubala bin oldei dalimbat laiya garram main neim. Ai nomo bin laigim tharran. Ai sabi wanim dubala bin oldei dumbat.’ Lagijat na YAWEI bin tok.”

Jeramaiya 32:19

Yu oldei meigim klebabala plen, en yu oldei dumbat brabli strongbala ting. Yu oldei luk ebrijing wanim ola pipul dumbat, en yu oldei gibit olabat gudbala ting blanga wanim olabat oldei dumbat.

Jeramaiya 7:11

Yumob reken ola stilinbala gin blandim miselp langa main Serramoni Pleis? Najing! Wal ai sabi wanim yumob oldei dumbat.

Isikiyel 8:12

Wal God bin tok langa mi na, “Isikiyel, yu gin luk wanim detlot Isreil lidamob dumbat? Dei oldei weshipbat detlot drimin sheip insaid langa olabat ronwan rum snikinbalawei. En olabat reken, ‘YAWEI kaan luk langa melabat. Maitbi imbin fogedabat dijan kantri.’ ”

Isikiyel 9:9

Wal God bin ensim mi na. Imbin tok, “Detlot pipul langa Isreil en Juda, olabat brabli giltiwan brom olabat nogudbalawei. Deibin medrimbat loda pipul ebriweya langa dijan kantri, en olabat bin dum loda nogudbala ting langa Jerusalem. En olabat tok, ‘YAWEI kaan luk langa melabat. Imbin fogedabat dijan kantri.’

Sefanaiya 1:12

“ ‘Langa det taim bambai ai garra go thru langa Jerusalem lukabat ola pipul langa ebri haus, jis laik pipul lukabat enijing garram lemp. Ai garra panishim detlot pipul hu jidan leisiwan en abumbat isibala laif. Dei tok gija, “Wi rait.” Dei jinggabat miselp lagijat, “YAWEI nomo oldei dum enijing. Im nomo album wi. Im nomo panishim wi.”

Sekaraiya 4:10

Detlot pipul kaan nogudbinji wen imbin bildimap oni lilbit. Dumaji wen dei kipgon bildimap, ola wol garra gowap mowa haiwan en detlot pipul garra luk Serababal, olabat bos garram det streitwan lain langa im bingga blanga kipum detlot wol streitbala, en dei garra gudbinji.” Afta det einjul bin tok langa mi, “Detlot sebenbala lemp yubin luk, olabat detlot sebenbala ai blanga YAWEI weya luk ebrijing langa hebin en langa dijan graun.”

Fes Karinthiyans 4:5

Yu si? Wi nomo wandi kotimbat enibodi en tok im gudwan o nogudwan raidap det taim weya Jisas Krais garra kambek. Wi garra weit blanga im, dumaji im na garra meigim ebrijing kamat langa lait. Ola enijing weya pipul bin blandimbat garra kamat atsaid, en im garra shoum ebribodi wanim bin insaid langa ebribodi. En deya na God garra tok gudbinjiwei langa detlot pipul hubin trubala langa im.

Hibrus 4:13

Wi kaan blandim enijing brom God. Im luk ebrijing, dumaji ebrijing jidan opin langa im, en langa im na wi garra onap en dalim miselp.