Jeramaiya 15:5 - Kriol Baibul

⁵ “Hu garra fil sori blanga ol yumob pipul langa Jerusalem? En hu garra wori blanga yumob? En hu garra stap en askim yumob if yumob olrait?

Jeramaiya 15:5 Iomraidhean Croise

Job Wotfo Gudbala Pipul Abum Trabul? 19:21

“Main frenmob, ai askim yumob na blanga jidan sori langa mi, dumaji God bin meigim mi im enami na.

Ola Saam 69:20

Det nogudwan wed bin meigim mi nogudbinji en ai kaan dum enijing na. Aibin wandim pipul blanga sori langa mi, bat najing. Aibin wandim pipul blanga kaman langa mi blanga meigim mi gudbinji, bat najing.

Eksadas 18:7

en wen Mosis bin gedim det wed, imbin go en midim olabat hafwei langa roud, en imbin kis langa Jethro blanga shoum rispek langa im, en dubala bin gudbinji gija, en afta dubala bin gowin langa det tent blanga Mosis.

Aisaiya 51:19

Yumob bin abum detmatj trabul brom det wo, en brom weya det enamimob bin binijimap ebrijing langa yumob kantri en yumob nomo bin abum enijing blanga dagat. Ai kaan meigim yumob gudbinji.

Jeramaiya 13:14

Wal jis laik wen detlot jag bin smeshap ai garra bitsimap detlot pipul lagijat na, ola olwan en yangwan du. Ai kaan fil sori blanga enibodi. Nomo enijing kaan stapam mi brom kilimbat olabat.” Lagijat na YAWEI bin tok.

Jeramaiya 16:5

“Yu kaan gowin langa eni haus weya pipul oldei kraikraibat. Yu nomo fil sori blanga enibodi. Dumaji ai nomo gudbinji langa main pipul olabat, en ai kaan larram olabat jidan gudwei en ai kaan dalim olabat mi laigim olabat, en ai kaan album olabat du.

Jeramaiya 21:7

Bat blanga yu, en yu wekinmenmob, en ola pipul hu stil jidan laibala afta det fait, en afta det taim wen yumob nomo bin abum daga, en afta wen pipul bin daidaibat brom det nogudwan siknis, wal ai garra larram King Nebakanesa en ol yumob enami hubin oldei wandim blanga kilim yumob, garra gajim ol yumob. King Nebakanesa garra kilim yumob ded. Im kaan fil sori o kain langa yumob en im kaan larram yumob jidan laibala.” Wal lagijat na YAWEI bin tok.

Leminteishans 1:17

Det speshalwan mesinja im tok na, “Jerusalem oldei jingat garram im bingga langa najalot pipul blanga album im, bat nobodi nomo oldei album im. Wal YAWEI im jingat langa detlot pipul hu jidan langa gulijap kantri langa im en olabat bin kaman en fait langa im. Dei tridimbat im brabli nogudbalawei wulijim dardiwan reig.” Lagijat na det speshalwan mesinja bin tok.

Neiham 3:7

Ebribodi hu garra luk langa yumob garra ranawei, en dei garra tok, ‘Ninaba im binij na, en nobodi kaan sori langa im, en nobodi kaan tok kainbalawei blanga im du.’ ” Lagijat na God bin tok langa ol detlot Ninaba pipul.

Jadjis 18:15

Wal wen deibin tok lagijat, deibin go langa det haus blanga Maika weya det Libai serramonimen bin jidan, en deibin tok gudei langa im.

Fes Semyul 10:4

Dei garra tok gudei langa yu, en dei garra gibit yu dubala damba, en yu garra gajim det dubala damba brom olabat.

Fes Semyul 17:22

Wal Deibid bin libum ola daga garram det men hubin oldei maindimbat ola enijing blanga ola solja, en imbin ran langa im braja olabat weya deibin jandap redi blanga fait, en imbin askim olabat hau olabat.

Fes Semyul 25:5

en imbin dalim tenbala yangmen blanga im, “Yumob garra go langa det pleis en faindim Neibal, en yumob garra sei gudei langa im blanga mi. Lagijat yumob garra tok, ‘Deibid im tok gudbalawei langa yu, en im wandim yu en yu femili olabat blanga jidan gudbalawei nomo garram eni trabul.