Jeramaiya 15:16 - Kriol Baibul

¹⁶ Yu na bin tok langa mi, en aibin lisin langa yu. Mi blanga yu na, YAWEI det Boswan God, wulijim yu wed na meigim mi jidan brabli gudbinji en hepiwan.

Jeramaiya 15:16 Iomraidhean Croise

Niyamaiya 8:12

En afta ola pipul bin gobek langa olabat kemp en deibin sabi wanim det lowa bin tok weya detlot men bin ridim langa olabat. En deibin gudbinji en deibin dagadagat en dringgimbat mijamet en deibin gibit daga en dringk langa detlot najalot pipul du.

Ola Saam 119:111

Detlot lowa blanga yu garra jidan olagijawan garram mi, jis laik mi kipumbat main ronwan ebrijing, en dei oldei meigim mi jidan brabli gudbinji.

Ola Saam 119:16

Mi oldei laigim detlot lowa blanga yu brabliwei. Ai kaan neba fogedabat olabat.

Ola Saam 119:72

Bigmob mani langa dijan wel nomo enijing langa mi. Oni detlot lowa blanga yu na jidan nambawan langa main laif.

Ola Saam 119:97

Trubala mi laigim detlot lowa blanga yu brabliwei. Mi oldei jinggabat detlot lowa blanga yu.

Ola Saam 19:10

Det lowa blanga YAWEI im mowa gudwan langa brabli gudwan gol. Det shugabeig im switwan, Bat det lowa im brabli mowa switwan.

Jeramaiya 14:9

Wotfo yu jidan jis laik sambodi hu gedim shok, en jis laik det solja hu nomo garram eni pawa blanga album? Trubala YAWEI, yu iya garram melabat. Melabat na blanga yu ronwan pipul olabat, wal yu nomo libum melabat.’ ”

Isikiyel 2:8

“Isikiyel, yu garra irrim mi na wanim ai garra dalim yu. Yu nomo meigim miselp laik detlot nogudbala pipul. Yu opinim yu mawus na en dagat wanim ai garra gibit yu.” Lagijat na YAWEI bin tok.

Maika 2:7

YAWEI kaan gitwail langa melabat en dum detkain ting langa melabat, dumaji melabat im ronwan pipul olabat, en im oldei tok gudbalawei langa detlot pipul hu dum gudbala ting.’ Lagijat na yumob oldei tok.