Jeramaiya 15:10 - Kriol Baibul

¹⁰ Wal aibin tok, “Wotfo aibin bon? Mi brabli nogudbinji. Ai oldei faitfait en agaminbat langa ebribodi langa dijan kantri. Ai nomo bin gibit eni mani en ai nomo bin askim blanga eni mani, bat stil ebribodi tok nogudbalawei langa mi.

Jeramaiya 15:10 Iomraidhean Croise

Fes Kings 21:20

Wen King Eiheb bin luk Ilaija imbin tok, “O, yu iya na! Main bedfren, yubin faindim mi igin!” Ilaija bin tok, “Yuwai, aibin faindim yu na! Brabliwei yubin oldei jinggabat blanga dumbat ola nogudbala ting en yu nomo bin teiknodis langa ebrijing weya YAWEI bin dalim yu blanga dum.

Fes Kings 22:8

King Eiheb bin tok, “Yuwai. Wanbala mowa speshalwan mesinja im jidan iya. Im Maikaiya, det san blanga Imla. Bat ai nomo laigim im, dumaji im nomo tok gudbala ting blanga mi. Im oldei tok nogud ting blanga mi.” En King Jehashaphat bin tok, “Yu nomo lau tok lagijat!”

Ola Saam 109:28

Dei gin tok nogudbalawei langa mi bat yu na garra oldei dum gudbala ting blanga mi. Nomo larram main enami olabat win, en yu meigim mi, yu wekinmen, jidan gudbinji.

Ola Saam 15:5

Dei nomo gibit mani langa po pipul en dalim olabat, “Yu garra peiyimbek mi det mani en gibit mi mowa igin.” En dei nomo gajim mani snikinwei blanga dalim laiya blanga album najalot pipul. Detlot pipul hu oldei jidan gudwei lagijat, detlot na garra jidan seifwan.

Ola Saam 69:4

Detlot pipul hu nomo laigimbat mi fo najing, olabat jidan detmatj na, mowa den ol main heya langa main hed. Main enami olabat oldei dalimbat laiya stori blanga mi. Olabat strongbala en dei wandi kilim mi ded. Deibin meigim mi gibit ola ebrijing langa olabat weya ai nomo bin stilim.

Eksadas 22:25

If yu gibit mani langa eni powan kantrimen blanga yu, wal yu kaan meigim miselp manimen en fosim im blanga peiyimbek yu mowa mani.

Prabebs 26:2

If sambodi tok brabli nogudbalawei langa yu en detlot wed nomo trubala im kaan ardimbat yu. Detlot wed jis gowei, jis laik det bard wen im flaiwei.

Jeramaiya 15:20

Ai garra meigim yu jidan wulijim det brabli strongbala wol weya deibin meigim brom kopawan en weya jandap brabli haibala. Olabat reken olabat garra fait langa yu, bat olabat kaan bidim yu. Ai garra go garram yu, en ai garra maindim yu en yu garra jidan seifwan na.

Labidakas 25:36

Nomo meigim yumob kantrimen peiyimbek yumob mowa mani ontop langa wanim yumob bin lendimbat im. Yumob garra duwit langa mi en larram yumob kantrimen olabat jidan gulijap langa yumob.

Labidakas 25:37

Nomo meigim im peiyimbek yumob mowa mani ontop langa wanim yumob bin lendimbat im. Nomo meigim im pei yumob tumatj mani wen im baiyimbat daga brom yumob.

Hebakak 1:3

Wotfo yu meigim mi lukinatbat dislot nogudbala ting, en wotfo yu larram diskain ting hepin weya olabat faitfait gija en olabat agamin gija, en olabat breigimap ebrijing du en dumbat krulbala ting? Pipul ebriweya dumbat lagijat.

Methyu 24:9

“Wal wen det trabul garra kaman, ebribodi garra heidim yumob, dumaji yumob laigim mi, en dei garra grebum yumob en hendimoba yumob langa detlot haibala men hu garra dum olkain ting langa yumob en kilim yumob ded.

Methyu 5:44

“Wal tudei ai dalim yumob. Yu garra laigim ola enami blanga yu, en yu garra prei blanga detlot pipul hu dum olkain nogudbala ting langa yu.

Luk Bin Dalim Ola Stori Blanga Jisas Langa Wan Jintail Men 2:34

Brom deya det olmen bin gibit gudbala wed blanga det lilboi mami en dedi, en afta imbin tok langa det lilboi mami, “God bin jandim dijan lilboi blanga album loda Isreil pipul en blanga binijimap loda Isreil pipul du. Im garra shoum ola pipul wotkain God.

Luk Bin Dalim Ola Stori Blanga Jisas Langa Wan Jintail Men 6:22

“Yumob garra gudbinji nomeda pipul heidim yu en andimwei yu en mokimbat yu en tok nogudbalawei langa yu dumaji yu bilib langa mi.

Eks Hau Det Gudnyus Blanga Jisas Krais Bin Spredat Ebriweya 28:22

Bat melabat wandi irrim yu tok, dumaji melabat bin irrim loda pipul tok nogudbalawei blanga det nyubalawei weya yu bulurrumbat.”