Jeramaiya 14:9 - Kriol Baibul

⁹ Wotfo yu jidan jis laik sambodi hu gedim shok, en jis laik det solja hu nomo garram eni pawa blanga album? Trubala YAWEI, yu iya garram melabat. Melabat na blanga yu ronwan pipul olabat, wal yu nomo libum melabat.’ ”

Jeramaiya 14:9 Iomraidhean Croise

Sekan Kranakuls 7:14

if dei prei langa mi en sori miselp en stap dumbat ola nogudbala ting, wal ai garra irrim brom top, en ai garra larramgo olabat fri brom olabat nogudbalawei, en meigim det kantri blanga olabat abum loda gudwan ebrijing igin.

Ola Saam 10:1

YAWEI, Wotfo yu jidan brabli longwei brom melabat? Wotfo yu haidim miselp wen melabat garram trabul?

Ola Saam 27:9

YAWEI, nomo blandim miselp brom mi. Yu kipgon lisinbat langa mi. Nomo wail langa mi, yu wekinmen. Yubin albumbat mi bifo. Nomo libum mi. Nomo fogedabat mi. Yu na det God hubin seibum mi.

Ola Saam 46:5

God oldei jidan langa det taun. Nomo enijing kaan binijimap det taun. God garra oldei album det taun.

Aisaiya 12:6

Singim song yumob brom Saiyan, en preisim YAWEI det brabli holiwan God blanga Isreil pipul. God im jidan iya blanga album im pipul olabat.”

Aisaiya 43:7

Olabat main ronwan pipul. Aibin meigim olabat holot blanga gibitbat mi theingks en preisimbat main neim.’ ”

Aisaiya 51:9

Wal aibin tok na, “YAWEI, yu kaman na, en dum samting. Yu jidan strongbala en yu oldei jidan redibala. Yu kaman na en dum wanim yubin dum longtaim blanga melabat pipul olabat wen yubin bidim Ijip, det pleis sambala pipul gulum Reiheb.

Aisaiya 59:1

Wal aibin tok na, “Yumob irrim mi na. YAWEI det trubala God nomo bin lujim im brabli strongbala pawa en im nomo bin jadimap im irriwol. Im gin irrim yumob wen yumob oldei askimbat im en im gin ensim yumob preya.

Aisaiya 63:19

Melabat jidan jis laik yu nomo bin jidan bos blanga melabat, en yu nomo bin gulum melabat yu ronwan pipul olabat.”

Jeramaiya 15:16

Yu na bin tok langa mi, en aibin lisin langa yu. Mi blanga yu na, YAWEI det Boswan God, wulijim yu wed na meigim mi jidan brabli gudbinji en hepiwan.

Jeramaiya 51:5

Dumaji mi na YAWEI det Boswan God, ai nomo bin libum detlot pipul blanga Isreil en Juda, nomeda olabat bin dumbat nogudbala ting langa mi, det holiwan blanga ola Isreil pipul.

Jeramaiya 8:19

Ai gin irrim main pipul olabat kraikraibat brom longweiwan kantri. Dei tok, ‘Maitbi YAWEI nomo deya langa Jerusalem, en maitbi det king blanga Jerusalem nomo deya du.’ Wal YAWEI, blanga yumob king na, bin tok, ‘Wotfo yumob bin meigimbat mi wail langa yumob? Wotfo yumob oldei weshipbat detlot drimin sheip, en yumob oldei pudumdan yumob hed langa detlot drimin sheip? Detlot drimin sheip nomo enijing. Olabat kaan album yumob. Olabat blanga najalot pipul.’

Leminteishans 5:20

Wotfo yubin libum melabat longtaim na? Yu garra jinggabat melabat igin, indit?

Isikiyel 48:35

En holot det wol garra jidan 10 kilomita. Det taun garra abum nyuwan neim gulum YAWEI Im Jidan Iya.” Lagijat na YAWEI bin tok. Binij na.

Hebakak 1:2

Wal aibin tok langa YAWEI, “YAWEI, yu na det trubala God. Haulong ai garra weidabat blanga yu? Wotaim yu garra irrim mi? En haulong bifo yu garra seibum melabat brom dijan trabul?

Sekaraiya 2:5

En mi na garra jidan faiyawan wol raidaran langa Jerusalem blanga maindimbat det pleis, en ai garra jidan deya garram main brabli shainiwan lait blanga lukaftum main pipul.’ ”

Sekaraiya 8:3

Bambai ai garra kambek en jidan langa Jerusalem. Langa det taim na main pipul garra dum wandim ai wandim trubalawei en dei garra gulum det pleis ‘Trubala Taun’ en dei garra gulum det bigwan hil gulum Saiyan det seikridwan hil blanga YAWEI.

Nambas 11:23

Wal YAWEI bin tok langa Mosis, “Yu reken ai kaan dum tharran? Yu garra luk dregli wanim aibin tok garra hepin!”

Eks Hau Det Gudnyus Blanga Jisas Krais Bin Spredat Ebriweya 15:17

en loda Jintail pipul garra kaman langa det Boswan du. Ol detlot Jintail pipul weya imbin pikimat olabat garra kaman langa im, en im garra gibit olabat im ronwan neim en meigim olabat blanga im.

Sekan Karinthiyans 6:16

En det seikridwan pleis blanga God kaan jidan garram detlot drimin. Wal yumob jinggabat na. Wi na det seikridwan pleis blanga det laibalawan God, dumaji weya God jidan, tharran na det seikridwan pleis blanga im. En langa oltestaman im tok, “God im jidan garram im pipul olabat, en im jidan God blanga olabat, en olabat jidan pipul blanga im.”

Dyudaranami 23:14

Kipum yumob kemp klin blanga serramoni, dumaji YAWEI im deya garram yumob langa yumob kemp. Im maindimbat yumob en album yumob. Yumob kaan dum eni brabli nogudwan ting, dumaji im meigim YAWEI tenim im bek langa yumob.”

Dyudaranami 28:10

En ola pipul langa ebri kantri garra luk YAWEI bin pikimat yumob blanga meigim yumob im ronwan pipul, en olabat garra bradin langa yumob.

Hibrus 13:5

En yumob garra sedisfaid garram detlot ting weya yumob garram en nomo laigim mani detmatj, dumaji God bin tok, “Ai kaan libum yumob. Ai kaan gowei brom yumob.”

Rebaleishan 21:3

Brom deya aibin lisin sambodi bin jingat adbala brom det speshalwan tjeya, “God garra jidanbat rait langa midul langa ola pipul na. Im garra jidan garram olabat, dumaji im Bos blanga olabat, en olabat blanga im. God imselp garra jidan garram olabat,

Fes Semyul 12:22

YAWEI bin meigim brabliwan pramis langa yumob, en im kaan libum yumob, dumaji im na bin jinggabat blanga meigim yumob im ronwan pipul olabat.