Jeramaiya 14:8 - Kriol Baibul

⁸ Oni yu na gin album melabat, en oni yu na gin seibum melabat brom det trabul du. Wotfo yu jidanbat wulijim streinja langa melabat kantri, jis laik det men hubin kaman en jidan iya oni blanga wan nait en im kipgon langa najawan kantri na?

Jeramaiya 14:8 Iomraidhean Croise

Ola Saam 10:1

YAWEI, Wotfo yu jidan brabli longwei brom melabat? Wotfo yu haidim miselp wen melabat garram trabul?

Ola Saam 138:7

Wen detmatj trabul kaman langa mi, yu kipum mi seifwan. Yu seibum mi garram yu pawa brom ol main enami olabat wen dei wail langa mi.

Ola Saam 46:1

God im oldei kipum wi seif, en im na meigim wi brabli strongbala. Im oldei album wi wen wi oldei abum olkain trabul.

Ola Saam 46:2

Wi kaan bradin nomeda if dijan graun im sheiksheik, en nomeda if ol detlot hil buldan insaid langa solwoda.

Ola Saam 50:15

Wen trabul kaman, jingat langa mi. Ai garra seibum yumob, en yumob garra preisim mi.”

Ola Saam 71:5

YAWEI yu det boswan God. Ai libum ebrijing langa yu. Aibin trastimbat yu brom yang taim.

Ola Saam 9:9

Detlot pipul hu abumbat adtaim brom najalot pipul, YAWEI im jidan jis laik det seifwan haus blanga olabat. YAWEI na det brabli strongwan haus weya im lukaftum olabat.

Ola Saam 91:15

Wen dei jingat langa mi, ai garra ensim olabat. Ai garra jidan garram olabat wen dei abum trabul. Ai garra seibum olabat, en ai garra lidimap olabat haibala.

Aisaiya 33:2

“Bat YAWEI, yu det trubala God hu oldei albumbat melabat, en melabat trastimbat oni langa yu. Melabat askim yu blanga jidan kainbala langa melabat, en yu meigim melabat jidan strongbala ebridei. Yu kaman langa melabat wen melabat abumbat trabul.

Aisaiya 43:11

“Oni mi na YAWEI, en oni mi na gin seibum yumob.

Aisaiya 43:3

“Dumaji mi na YAWEI det trubala God blanga yumob, en det brabli holiwan God blanga ola Isreil pipul, en aibin seibum yumob. Aibin larramgo detlot Ijip en Ithiyopiya en Seba pipul blanga seibum yumob.

Aisaiya 45:15

Wal mi na Aisaiya tok, “Ol yumob Isreil pipul, oni melabat God na gin seibum melabat, bat im adwan blanga melabat blanga sabi.

Aisaiya 45:21

Wotfo yumob kaan majurrumap miselp en midim mi langa kothaus? Aibin dalim yumob longtaim wanim garra hepin, indit? Oni mi na wanbala God, en nomo enibodi jidan haibala laik mi. Mi oldei gibitbat yumob feyago, en ai garram det pawa blanga seibum yumob.

Aisaiya 63:8

“YAWEI bin seibum im pipul olabat, en imbin tok, ‘Olabat na main pipul, en olabat kaan neba gowei brom mi en gibit mi bekboun eni mowa.’

Jeramaiya 16:19

Wal aibin prei, “YAWEI, oni yu na oldei maindimbat mi en yu oldei meigim mi jidan strongbala. Yu oldei albumbat mi olataim wen ai abum trabul. Pipul brom najalot kantri garra kaman langa yu en tok, ‘Melabat grengrenfathamob oni bin abum laiyinbala drimin. Olabat bin nogudwan.

Jeramaiya 17:13

“YAWEI, yu na wanbala blanga ola Isreil pipul. Ol detlot pipul hu oldei gowei brom yu garra sheim miselp na. Bambai olabat garra binijap, jis laik det neim weya olabat oldei raidimdan langa das, dumaji olabat bin libum yu YAWEI, en yu na det freshwan springwoda.”

Jeramaiya 30:7

Wal brabli nogudbala dei im kaminap. Nomo eni naja dei kaan jidan seim laik tharran dei. Det taim garra jidan brabli nogudwan blanga main pipul olabat, bat ai garra seibum olabat.

Jeramaiya 50:7

Enibodi hu garra faindim olabat, garra fait langa olabat. Blanga olabat enamimob oldei tok, ‘Olabat bin dum nogudbala ting langa YAWEI, en wanim wi dumbat im nomo rong. Olabat nomo bin oldei trastimbat YAWEI laik olabat grengrenfathamob bin oldei dum.’

Jowal 3:16

Wal det taim na YAWEI garra jingat brabli adbala brom det hil gulum Saiyan. Im garra jingat jis laiga thanda brom Jerusalem, en det graun en det skai garra sheiksheik. Bat God garra maindimbat im pipul olabat en lukaftumbat olabat wen det ting garra hepin.

Sekaraiya 9:12

Kambek yumob pipul hu jidan prisana. Yumob gin gudbinji blanga wanim garra hepin na. Kambek langa yumob kantri weya yumob garra jidan seif. Aibin panishim yumob en yumob bin abum adtaim, bat ai dalim yumob na, ai garra kain langa yumob en ai garra gibit yumob mowa gudbala ting jis laik det dediwan hu gibit im feswan san detmatj enijing.

Eks Hau Det Gudnyus Blanga Jisas Krais Bin Spredat Ebriweya 28:20

Wal blanga tharran na aibin wandi tok langa yumob. Mi taidap garram dijan tjein iya dumaji mi bulurrum det Boswan weya ola Isreil pipul weidabat.” Lagijat na Pol bin tok langa detlot Juwish lida.

Fes Timathi 1:1

Orait, mi na Pol, en mi speshalwan mishanri blanga Jisas Krais, dumaji God en Jisas Krais bin dalim mi blanga jidan speshalwan mishanri. God na bin seibum wi, en wi sabi Jisas Krais garra meigim wi jidan olagija garram det olagijawan laif.