Jeramaiya 14:22 - Kriol Baibul

²² Nomo eni drimin sheip langa eni kantri garram pawa blanga jandim rein. Det skai kaan meigim rein buldan. Dumaji oni yu na, YAWEI, gin jandim rein wulijim melabat trastimbat yu blanga melabat God.” Lagijat na detlot Juda pipul bin tok.

Jeramaiya 14:22 Iomraidhean Croise

Fes Kings 17:1

Wal Ilaija bin det speshalwan mesinja brom Tishbi det taun deya langa det kantri gulum Giliyad, en imbin dalim King Eiheb, “Nomo eni rein o dyu garra buldan blanga 2 o 3 yiya oni if ai tok. Ai dalim yu dijan, dumaji YAWEI det trubala God blanga Isreil bin dalim mi.” Lagijat na Ilaija bin tok.

Fes Kings 17:14

Dumaji dijan na wanim YAWEI det God blanga ola Isreil pipul bin tok, ‘Det flauwa langa det dish kaan neba ranat, en det oliboil kaan neba ranat du, raidap det taim ai garra jandim rein.’ ” Lagijat na Ilaija bin tok det wed brom YAWEI.

Fes Kings 18:1

Wal langa det namba 3 yiya wen nomo eni rein bin buldan YAWEI det trubala God bin tok langa Ilaija, “Yu garra go en shoum miselp langa King Eiheb en ai garra jandim rein.”

Fes Kings 8:36

yu lisin langa olabat brom det skai. Larramgo fri det king en ola pipul brom Isreil brom olabat nogudbalawei. Titjimbat olabat blanga dumbat ola raitwan ting. Afta na yu jandim rein langa dijan kantri blanga yu, weya yubin gibit langa yu pipul olabat blanga abum olagija.

Job Wotfo Gudbala Pipul Abum Trabul? 28:26

en wen imbin jinggabat blanga jandim rein en laitining,

Job Wotfo Gudbala Pipul Abum Trabul? 5:10

God oldei jandim rein blanga wodarimbat ola fam.

Ola Saam 130:5

Mi weit garram opin hat blanga YAWEI blanga album mi, en mi trastim langa im wed.

Ola Saam 135:7

Im bringimap rein klaud brom olaran langa ebri kantri. Im meigim laitining blanga ola bigwan rein, en im bringimap win brom det pleis weya im jidan.

Ola Saam 147:8

Im pudum ola klaud ebriweya langa skai. Im meigim rein buldan langa dijan kantri, en im meigim gras gro ebriweya langa ola hil.

Ola Saam 25:21

Ai dum ola raitwan ting, en mi trastim yu. Wal yu meigim mi jidan laibalawan.

Ola Saam 25:3

Nobodi gin bidim ol detlot pipul na hu trastimbat yu, Bat yu, YAWEI, garra bidim detlot pipul hu gibit yu bekboun.

Ola Saam 27:14

Trubala, ai dalim yumob, yumob garra trastim YAWEI! Jidan strongbala en nomo bradin! Trastim YAWEI!

Aisaiya 30:18

“Bat YAWEI im weidabat blanga yumob blanga kambek langa im, dumaji im laigim yumob detmatj, en im brabli kainbalawan du en im fil sori blanga yumob. YAWEI na oldei dum ebrijing gudwei, en if yumob trastim im, wal yumob garra jidan brabli gudbinji.”

Aisaiya 30:23

En YAWEI garra jandim rein blanga wodarim detlot sid weya yumob bin plentimbat, en yumob fam garra abum loda sid daga en frut daga, en ola buligi blanga yumob garra dagat dagabat det grinwan gras.

Aisaiya 41:29

Olabat nomo enijing, en olabat kaan dum enijing. Olabat wulijim det lilwan win weya jis gopas.” Lagijat na YAWEI bin tok.

Jeramaiya 10:12

Wal aibin sing dijan song. “YAWEI na bin meigim dijan wel garram im pawa, dumaji im brabli klebabala. Imbin meigim ebrijing langa skai du.

Jeramaiya 10:13

Wen im tok det thanda jingat adbala langa skai, en im bringimap ol detlot klaud. Im meigim det laitining laitlait langa det rein, en im jandim win brom im stowa rum.

Jeramaiya 10:15

Olabat najing, en bambai YAWEI garra binijimap olabat.

Jeramaiya 10:3

Detlot pipul oldei bulurrumbat olkain drimin. Dei nomo gudwan. Deibin kadimdan wanbala tri langa det bush kantri, en meigimbat olkain drimin sheip.

Jeramaiya 16:19

Wal aibin prei, “YAWEI, oni yu na oldei maindimbat mi en yu oldei meigim mi jidan strongbala. Yu oldei albumbat mi olataim wen ai abum trabul. Pipul brom najalot kantri garra kaman langa yu en tok, ‘Melabat grengrenfathamob oni bin abum laiyinbala drimin. Olabat bin nogudwan.

Jeramaiya 5:12

Wal aibin tok na, “Detlot pipul blanga YAWEI bin tok laiyawei. Deibin tok, ‘YAWEI kaan panishim wi, en wi kaan abumbat adtaim. Nomo eni enami garra kaman en fait langa wi, en ola daga blanga wi kaan ranat.

Jeramaiya 5:24

Yumob neba jinggabat blanga weshipbat langa mi na, nomeda aibin jandim gudbala rein, en aibin gibit yumob gudwan gadin en sid daga ebriyiya.

Jeramaiya 51:16

Wen im tok, det thanda jingat adbala langa skai, en im bringimap ol detlot klaud. Im meigim det laitining laitlait langa det rein, en im jandim win brom im stowa rum.

Hoseiya 2:7

Im garra trai ranimap im boifren olabat. Bat im kaan gajimap olabat. Im garra lukabat olabat. Bat im kaan faindim olabat. En afta det gel garra tok, ‘Ai garra gobek langa main ronwan hasbin, dumaji aibin abum ebrijing wanim aibin wandim wen aibin jidan garram im.’ Lagijat na det gel garra tok.

Jowal 2:23

“En ol yumob pipul hu jidan langa Saiyan det speshalwan hil blanga God, yumob garra hepi en gudbinji du, dumaji YAWEI det trubala God blanga yumob bin dum brabli gudbala ting blanga yumob. Imbin jandim det rein langa yumob brabliwan. Rait taim imbin jandim blendibala rein langa yumob.

Eimos 4:7

Aibin stapam ola rein weya yumob bin wandim blanga meigim ola daga langa yumob pedik gro. Aibin jandim rein langa wanbala taun en najing langa najawan taun. Rein bin buldan langa wanbala pedik en najawan pedik bin jidan draiwan.

Maika 5:6

Wal aibin kipgon tok, “Wen detlot Asiriya pipul garra kaman langa wi kantri en fait langa wi, wal wi garra jandim ola strongwan lida blanga wi blanga fait langa olabat, en detlot lida blanga wi garra bidim olabat garram ola wepan weya dei yusum blanga fait, en dei garra seibum wi brom detlot Asiriya pipul wen dei kaman iya langa dijan kantri.

Maika 7:7

“Bat im nomo lagijat blanga mi, dumaji ai sabi blanga hu mi weidabat. Mi weidabat blanga YAWEI det trubala God. Im na mi bulurrumbat. En im na garra seibum mi. En im irrimbat mi du.”

Methyu 5:45

En wen yu dum lagijat langa olabat, yu meigim miselp brabli san blanga det Dedi blanga wi langa hebin, dumaji im laigim ebribodi, en im oldei meigim det san shain mijamet langa ola gudbala en nogudbala pipul, en im oldei jandim det rein mijamet langa ola gudbala en nogudbala pipul du.

Dyudaranami 28:12

Im garra jandim rein langa det raitwan taim brom im ritjwan stowa haus langa top, en im garra album yumob blanga dum det wek blanga yumob, wulijim yumob gin lendim mani langa detlot najalot traib, bat yumob kaan askim najalot blanga mani dumaji yumob garra abum detmatj ebrijing.

Dyudaranami 32:21

Garram yumob drimin sheip weya yumob bin meigim, yumob oldei meigim mi jelas en brabli wail. Detlot na nomo brabliwan. Ai garra yusum najalot pipul wulijim dei gin meigim yumob wail. Ai garra meigim yumob jelas blanga detlot pipul hu nomo sabi mi.