Jeramaiya 14:2 - Kriol Baibul

² “Detlot pipul langa Juda en Jerusalem jidan brabli soribala na. Detlot pipul langa ola taun, olabat daidaibat. Olabat leidanbat langa det graun en kraikraibat. Detlot pipul jinginatbat langa sambodi blanga seibum olabat.

Jeramaiya 14:2 Iomraidhean Croise

Job Wotfo Gudbala Pipul Abum Trabul? 34:28

Deibin tridimbat po pipul nogudbalawei en detlot po pipul bin oldei askimbat God blanga album olabat, en imbin irrim olabat en imbin album olabat.

Ola Saam 144:14

Larram ola buligi blanga melabat abum detmatj gabigabi gudwei en nomo lujimbat. Nomo larram enibodi jidan soribala en kraikrai langa ola roud blanga melabat.

Eksadas 2:24

Wal God bin irrim detlot Isreil pipul jinginat langa im, en imbin jinggabat det strongwan pramis weya imbin meigim garram Eibrahem, Aisik en Jeikob basdam.

Aisaiya 15:5

“Wal mi rili sori blanga detlot Moweb pipul. Olabat holot bin ol ranaweibat langa det kantri gulum Sowa en langa Iglashelishiya. Olabat bin kraikraibat olawei langa det roud, sambala raidap langa det taun gulum Luwith, en sambala raidap langa det taun gulum Horonaiyim. Olabat bin kraikraibat blanga wanim bin hepin.

Aisaiya 24:11

Bigismob pipul garra majurrumap miselp langa detlot strit, en dei garra kraikraibat dumaji dei nomo garram wain. Ola gudbala taim garra ol binijap na langa dijan wel.

Aisaiya 24:4

“Dijan wel garra jidan brabli draiwan en brabli wikwan du. Ola lidamob garra jidan nomo enijing du.

Aisaiya 24:7

Ol detlot greip fam kaan abum enimo greip daga, en ola wain gulijap binij du. Detlot pipul hubin oldei jidan hepiwan jidan sedwan na.

Aisaiya 3:26

En detlot pipul deya langa Jerusalem garra kraikrai nomo lilbit, en dei garra jidan nomo garram enijing.”

Aisaiya 33:9

Detlot fam jidan nomo garram enijing en olabat brabli draiwan. Ol detlot tri langa det bigwan hil gulum Lebanan deibin binijap, en det hil kantri langa Sheran im jidan wulijim det deset kantri, en detlot tri langa Beishan en Kamul jidan nomo garram eni bushis na.” Lagijat na aibin tok.

Aisaiya 5:7

“Mi na YAWEI, det boswan God blanga ola Isreil pipul langa Juda. Dumaji yumob na det greip fam weya mi oldei maindimbat gudwei. Aibin wandim yumob blanga jidan trubala en gibit yumob feyago, bat yumob nomo bin jidan raitwei. Yumob medra, en detlot pipul weya yumob bin medrimbat, dei jingat langa mi na.” Lagijat na YAWEI bin tok.

Jeramaiya 11:11

Wal mi na, YAWEI, ai gibit woning langa olabat. Ai garra jandim brabli nogudbala ting langa olabat, en olabat kaan ranawei. En wen olabat garra jingat langa mi blanga album olabat, ai kaan irrim olabat.

Jeramaiya 12:11

Olabat bin meigimbat det kantri brabli rabishwan. Im jidanbat nomo garram enijing na. Holot det kantri im jidan jis laik deset kantri, en nobodi iya nomo wori blanga tharran, najing.

Jeramaiya 12:4

Ola gras langa ebri fam bin binij. Haulong melabat kantri garra jidan draiwan? Ola enimul en ola bard bin dai du, dumaji det nogudbalawei blanga melabat. Detlot pipul oldei tok, ‘God nomo lukinatbat melabat wanim melabat oldei dumbat.’ ” Lagijat na aibin tok.

Jeramaiya 18:22

Yu garra jandim bigismob men blanga pulumatbat olabat haus nomo garram eni woning. Yu meigim olabat jingat bradinbalawei brabli adbala. Olabat bin grajim hol wulijim ai garra buldan insaid langa det hol, dumaji olabat wandim trepam mi blanga gajim mi.

Jeramaiya 4:28

Dijan graun garra jidan brabli soribala, en det skai garra jidan dakbala. Lagijat na YAWEI bin tok, en im kaan neba tjeinjim im main igin, dumaji imbin tok lagijat, en im kaan tenbek na.

Jeramaiya 46:12

Pipul langa ebri kantri bin irrim yumob jidan sheimwan na, en ebribodi bin irrim yumob kraikraibat. Wanbala solja bin buldan ontop langa najawan solja, en dubala bin buldan mijamet langa graun.

Jeramaiya 8:21

“Dumaji main pipul olabat kraikraibat, mi kraikraibat du, en mi fil rili soribala, en mi jidan brabli nogudbinji.

Leminteishans 2:8

“Wal YAWEI na bin meigim detlot wol langa Jerusalem ol buldan. Imbin pulumdan detlot wol lilbitlilbit raidap detlot wol bin ol binijap, en ola haiwan haus du.

Leminteishans 2:9

Detlot geit blanga Jerusalem bin leidan breikinwan langa graun, dumaji detlot enami bin bitsimap detlot pos. Det king en ol detlot boswan lidamob en ola femili blanga olabat dei oldei jidan laiga prisana langa najawan kantri na. Detlot serramonimen nomo titjimbat det lowa na, en detlot speshalwan mesinja nomo oldei gedimbat eni wed brom YAWEI enimo na.

Leminteishans 5:10

Melabat jidan brabli hanggriwan en tharran meigim melabat bodi barnbarn detmatj.

Hoseiya 4:3

En blanga tharran na dijan kantri garra jidan nogudwan, en ebribodi hu jidan langa dijan kantri garra binijap. En ola enimul en ola bard en ola fish garra binijap du.” Lagijat na YAWEI bin tok.

Jowal 1:10

“Wal ola gadin blanga wi nomo garram enijing na, en ola graun bin draiyap jis laiga deset kantri. Ola sid daga bin binij, en ola greiptri daga bin binij, en ola olibtri daga bin binij du.

Jowal 1:11

“Wal ol yumob fama hu oldei lukaftumbat ola gadin, yumob garra kraikrai brabliwei, dumaji ola sid daga en ola najalot daga bin ol binij na.

Jowal 1:14

“Yumob serramonimen garra jingat langa ola pipul en dalim olabat nomo blanga dagat eni daga, en yumob garra majurrumap olabat garram olabat lida deya langa det Serramoni Pleis blanga YAWEI det trubala God blanga wi,

Jowal 2:6

En wen dei kamat gulijap, ebribodi garra bradin, en ebri feis garra tjeinj brabliwei.

Hegai 1:11

Mi na bin meigim dijan kantri jidan brabli draiwan. Ai nomo bin larram eni rein buldan langa ola kantri en langa ola gadin en langa ola daga weya yumob bin trai growimap. En ol yumob pipul en ola enimul blanga yumob nomo garram naf daga en woda na. “Wal dijan na yumob garra dum. Yumob garra go langa det hil kantri en gajim ola timba, en yumob garra bildimap det Serramoni Pleis blanga mi, en yumob garra weship langa mi brabliwei, en afta ai garra gudbinji brabliwei langa yumob.” Lagijat na YAWEI bin tok.

Sekaraiya 7:13

Dumaji dei nomo bin irrim mi wen aibin tok langa olabat, wal ai nomo bin irrim olabat wen deibin tok langa mi.

Fes Semyul 5:12

Ebribodi bin abum det siknis, en detlot pipul hu nomo bin dai bin jinginatbat langa olabat drimin blanga album olabat.

Fes Semyul 9:16

Imbin tok, “Tumorro lagijat taim ai garra jandim wan men brom det Benjamin klen langa yu, en yu garra spilim det speshalwan oil ontop langa im hed blanga meigim im jidan bos blanga ola pipul main. Im na garra seibum olabat brom ola Filastain pipul, dumaji aibin luk ola trabul weya main pipul oldei abumbat, en aibin irrim olabat jinginatbat langa mi blanga album olabat.” Lagijat na God bin tok.