Jeramaiya 13:18 - Kriol Baibul

¹⁸ Wal YAWEI bin tok langa mi, “Yu dalim det king en im mami blanga gidap brom dubala speshalwan tjeya, en hendimoba det kantri langa detlot enami.

Jeramaiya 13:18 Iomraidhean Croise

Sekan Kings 24:12

En King Jehoiyakin en im mami en ol im wekinmen en wekingel, en ola boswan wekinmen en wekingel en boswan soljamob bin go langa King Nebakanesa en im soljamob en deibin deigim olabat prisana. Dijan na bin langa det namba 8 yiya weya Nebakanesa bin jidan king en imbin deigim King Jehoiyakin prisana,

Sekan Kings 24:15

Wal King Nebakanesa bin deigim ol dislot Juda pipul na prisana, King Jehoiyakin en im mami, en ol im waifmob en ol im boswan soljamob en ol im boswan lidamob brom Juda.

Sekan Kranakuls 33:12

Wen King Manesa bin jidan prisana deya, imbin askim God blanga larramgo im fri en album im.

Sekan Kranakuls 33:19

Ol dislot ting blanga King Manesa en im preya en det ensa brom God deibin raidimdan langa det buk gulum Ola stori blanga ola speshalwan mesinja. Deibin raidimdan ola nogudbala ting weya King Manesa bin dum bifo imbin tenim miselp langa God igin. En deibin raidimdan ola pleis weya imbin pudum drimin sheip, en weya imbin pudum serramoni pleis blanga weship det gelwan god gulum Eshara.

Sekan Kranakuls 33:23

King Manesa bin kambek langa YAWEI bat King Eman nomo bin dum tharran. Imbin kipgon dum mowes nogudbala ting langa im dedi.

Eksadas 10:3

Wal Mosis en Eran bin go langa det king, en dubala bin dalim im, “Minbala garram wed blanga yu brom YAWEI det God blanga ola Isreil pipul. Im tok, ‘Wotaim yu garra lisin langa mi? Haulong yu garra gibit bekboun langa mi? Yu larramgo main pipul olabat wulijim dei garra go en weship langa mi.’ Lagijat na YAWEI det trubala God tok langa yu.

Eksadas 39:28

en deibin meigim det raunwan het en detlot najalot het en detlot shotwan trasis,

Prabebs 27:24

dumaji yu kaan kipgon jidanabat ritjwan olataim. Seimwei du detlot boswan blanga ola kantri kaan jidan bos olagijawan.

Aisaiya 3:26

En detlot pipul deya langa Jerusalem garra kraikrai nomo lilbit, en dei garra jidan nomo garram enijing.”

Aisaiya 47:1

Wal YAWEI bin kipgon tok, “Yumob pipul langa det taun gulum Bebalon, nobodi bin bidim yumob, bat im garra tjeinj na. Yumob garra gibap yumob speshalwan pawa, en yumob kaan jidan bos enimo. Yumob garra jidan langa det graun.

Jeramaiya 22:24

Wal YAWEI bin tok langa King Jehoiyakin, hubin det san blanga King Jehoiyakim brom Juda. Imbin tok, “Trubala ai dalim yu. Nomeda if yubin det speshalwan ring weya mi oldei werrimon langa main bingga blanga shoum mi na det king, ai garra stil deigimat det ring en gibit langa yu enami.

Jeramaiya 22:26

Ai garra meigim yu en yu mami blanga go en jidan langa najawan kantri. Det enamimob garra deigim yunbala prisana langa det kantri weya yunbala nomo bin bon, en yunbala mijamet garra dai deya na.

Jeramaiya 36:16

Afta wen Baruk bin ridim, olabat bin ol tenim miselp bradinbalawei en olabat bin tok langa Baruk, “Wi garra lafta dalim det king blanga ol dislot.”

Leminteishans 1:6

Ola brabli purdibala ting langa det taun Jerusalem, deibin binij na. Detlot boswan blanga det taun jidan jis laik detlot enimul weya detlot hanta oldei ranimapbat olabat ebriweya. Dei nomo garram seifwan pleis blanga abum spel.

Leminteishans 1:9

“Basdam detlot pipul langa Jerusalem bin dumbat nogudbala ting, bat dei nomo bin wori blanga tharran, en wanim garra hepin langa olabat. En wen detlot enamimob bin kaman en bidim olabat brabliwei, deibin jidan brabli nogudbalawei. Nobodi kaan album olabat. Detlot enami bin bidim olabat, en tudei olabat oldei jingat langa YAWEI, ‘Album melabat, dumaji melabat garram detmatj trabul.’

Leminteishans 2:10

“Wal detlot olmen brom Jerusalem oldei jidanbat langa graun kwaitbalawei, en dei oldei pudumbat graun langa olabat hed en werrimonbat sekbeigwan klos dumaji olabat wori miselp blanga ola dedbala kantrimen. En ola yanggel oldei pudumdanbat olabat hed langa graun dumaji deibin wori miselp du.

Leminteishans 5:16

Melabat kaan jidan praudbalawei blanga enijing. Nomo enijing gudwan iya blanga melabat, dumaji basdam melabat bin dumbat loda nogudbala ting en melabat garram detmatj trabul na.

Isikiyel 21:26

Mi na, YAWEI det boswan God tok, ‘Nomeda det men jidan king, dei garra deigimat det speshalwan het. Nomo enijing kaan jidan seim. Detlot pipul hu nomo garram eni pawa garra jidan bos. Detlot pipul hu jidan haibala garra jidan lobala.

Isikiyel 24:17

Yu nomo krai adbala. Yu garra jis krai lilbit wulijim dei kaan luk langa yu. Yu nomo deigimat det raunwan het brom yu hed, en yu nomo deigimat yu but brom yu fut, en nomo gaburrumap yu feis wen yu fil sori, en nomo dagat det daga yu abum wen sambodi dai.” Lagijat na YAWEI bin tok.

Isikiyel 24:23

Yumob kaan deigimat yumob raunwan het en yumob but du. Yumob kaan kraikraibat en graulgraulbat. Yumob garra go ebriweya en ardimbat detmatj dumaji yumob bin dum brabli nogudbala ting.

Isikiyel 44:18

Detlot raunwan het en trasis weya dei oldei werrimon dei garra jidan gudwan matiriyal wulijim detlot serramonimen kaan swetgidap brom wekwekbat langa det Serramoni Pleis.

Denyul 5:20

Bat dumaji imbin oldei laigim miselp en imbin praudbala en krulbala men, God bin deigimwei det pawa brom im wulijim im kaan jidan king, en pipul nomo bin rispek langa im.

Jona 3:6

Wal wen det king blanga det taun bin irrim det nyus, imbin gidap brom det speshalwan tjeya blanga im, en imbin deigimat im gudwan klos, en imbin werrimon sekbeigwan klos, en imbin go en jidan langa eshis. Imbin dum lagijat blanga shoum God im garra libum det nogudbalawei blanga im.

Methyu 18:4

Yumob kaan meigim miselp haibala blanga jidan garram mi. If yumob wandi jidan haibala garram mi, wal yumob garra meigim miselp lobala jis laik dijan lilwan biginini iya.

Jeims 4:10

en yumob garra meigim miselp lobala langa God, en afta im garra lidimap yumob.

Fes Pida 5:6

Wal yumob garra meigim miselp lobala langa God, dumaji im na garram det pawa blanga album yumob, en im garra lidimap yumob haibala wen im det rait taim.