Jeramaiya 13:17 - Kriol Baibul

¹⁷ If yumob kaan lisin langa mi, wal mi garra kraikraibat sigridwei, dumaji yumob oldei jidanbat praudbalawei. Ai garra kraikraibat brabli soribalawei, dumaji detlot enami bin deigimwei detlot pipul blanga YAWEI prisana na.”

Jeramaiya 13:17 Iomraidhean Croise

Ola Saam 119:136

Wen mi krai main tiyas randan jis laik weya riba randan, dumaji ola pipul nomo teiknodis langa ol yu lowa.

Ola Saam 80:1

God, yu stakmen blanga ola Isreil pipul. Yu irrim melabat. Yu na det boswan blanga yu ron pipul olabat. Yu jidan langa yu speshalwan tjeya deya langa midul langa det dubala golwan sheip garram wing.

Aisaiya 63:11

“Bat afta na im pipul olabat bin jinggabat wanim bin hepin longtaim wen Mosis, det wekinmen blanga God bin jidan. En deibin tok na, ‘YAWEI, imbin seibum ol detlot Isreil pipul wen imbin bringimap olabat thru langa det bigbala solwoda, indit? YAWEI bin gibit olabat lidamob im holi spirit du, indit?

Jeramaiya 14:17

Wal YAWEI bin dalim mi blanga dalim detlot pipul blanga main soribala filing, en blanga tok lagijat, “Larram main dubala ai jidan wetwan deitaim en naitaim, dumaji ai kaan neba stap kraikraibat, dumaji blanga main pipul olabat garram sowa ol oba, en olabat ardimbat nomo lilbit.

Jeramaiya 15:17

Ai nomo bin abumbat eni gudbala taim garram najalot pipul hu oldei laflafbat gudbinjiwei. Aibin dum wanim yubin dalim mi blanga dum. Aibin jidan miselp en aibin brabli wail langa olabat.

Jeramaiya 17:16

“Bat YAWEI, ai nomo bin wandim yu blanga jandim nogudbala ting langa olabat. Ai nomo bin wandim trabul garra kaman langa olabat. YAWEI, yu sabi ol dijan. Yu sabi wanim aibin tok.

Jeramaiya 22:5

Bat if yumob nomo dum wanim aibin dalim yumob, wal ai garra kipum main pramis en dijan speshalwan haus blanga det king garra jidan rabishwan.

Jeramaiya 23:1

Wal YAWEI bin tok langa detlot boswan, “Ai garra panishim yumob hubin oldei binijimap en spredimat ol main pipul olabat.

Jeramaiya 23:2

Yumob nomo bin lukaftumbat main pipul olabat. Yumob bin spredimat olabat en yumob bin andimwei olabat. Wal ai garra panishim yumob blanga ol detlot nogudbala ting weya yumob bin oldei dumbat.

Jeramaiya 9:1

Aibin kipgon tok, “Aibin wandim main hed bina jidan jis laik det wel garram loda woda, en main dubala ai bina jidan wulijim det woda weya oldei randanbat, wulijim ai gin kraikraibat ebridei en ebrinait blanga main pipul olabat hubin gitkil.

Leminteishans 1:16

Blanga dijan na mi nogudbinji en mi oldei krai detmatj. Nobodi kaan stapam mi dijan, en nobodi kaan dalim mi wanim blanga dum. Wal detlot enami bin bidim mi, en main pipul olabat nomo garram enijing na.” Lagijat na Jerusalem bin tok.

Leminteishans 1:2

Ebrinait im oldei kraikraibat, nomo abum spel. Nomo eni fren brom najawan kantri bin kaman en meigim im jidan strongbala, najing, dumaji deibin jidan enami blanga im.

Leminteishans 1:9

“Basdam detlot pipul langa Jerusalem bin dumbat nogudbala ting, bat dei nomo bin wori blanga tharran, en wanim garra hepin langa olabat. En wen detlot enamimob bin kaman en bidim olabat brabliwei, deibin jidan brabli nogudbalawei. Nobodi kaan album olabat. Detlot enami bin bidim olabat, en tudei olabat oldei jingat langa YAWEI, ‘Album melabat, dumaji melabat garram detmatj trabul.’

Leminteishans 2:18

“Bobala Jerusalem! Blanga yu wol olabat oldei jinginatbat langa YAWEI! Yu garra krai oldei jis laiga riba randan deitaim en naitaim. Yu garra jidan wikwan brom kraikraibat en wori miselp.

Leminteishans 3:48

“Mi krai binji dumaji main pipul olabat bin daidaibat ebriweya.

Isikiyel 24:16

“Isikiyel, ai garra deigidawei det laif blanga det wanbala wuman hu yu laigim detmatj. Bat ai nomo wandim yu garra graulgraulbat en yu kaan sori miselp.

Isikiyel 34:31

Olabat main ronwan ship, en mi na det God blanga olabat, en mi oldei lukaftumbat olabat.”

Isikiyel 36:38

Detlot taun weya bin jidan rabishwan, dei garra abum bigismob pipul igin, jis laik basdam detlot pipul langa Jerusalem bin gibit bigismob ship blanga sekrifais langa mi wen deibin abum speshalwan serramoni. Lagijat na yumob garra sabi mi na YAWEI det trubala God.’ ”

Isikiyel 9:4

Imbin tok, “Yu garra go thru langa Jerusalem, en yu garra pudum mak langa detlot pipul langa olabat forid hu oldei sorisori miselp en hu oldei jidanbat nogudbinji blanga ol detlot nogudbala ting weya oldei hepin langa Jerusalem.” Lagijat na YAWEI bin tok.

Melakai 2:2

Yumob garra oldei rispek mi gudbinjiwei en yumob garra irrim wanim ai dalim yumob. If yumob nomo dum tharran wal ai garra tok det wed blanga ardim yumob. Ai garra tok nogudwan wed langa ola daga blanga yumob. En aibin dum tharran olredi dumaji yumob nomo rispek mi gudbinjiwei.

Fes Semyul 15:11

“Mi brabli nogudbinji na, dumaji aibin meigim Sol jidan king. Bat imbin gibit mi bekboun, en im nomo bin duwit wanim aibin dalim im blanga dum.” Wal Semyul bin brabli apset, en olnait imbin askimbat YAWEI nomo blanga nogudbinji langa King Sol.

Fes Semyul 15:35

en brom det taim na Semyul nomo bin luk King Sol igin. Bat imbin oldei sori blanga im, en YAWEI bin nogudbinji weya imbin meigim Sol jidan king blanga ola Isreil pipul.