Jeramaiya 13:16 - Kriol Baibul

¹⁶ Yumob shoum rispek langa YAWEI det God blanga yumob, bifo im jandim dakbala wen yumob reken lait garra kaman, en det dakbala garra meigim yumob buldan langa det hil kantri.

Jeramaiya 13:16 Iomraidhean Croise

Job Wotfo Gudbala Pipul Abum Trabul? 3:5

Yu jandim brabli hebiwan klaud blanga meigim det dei jidan nogud en dakbala.

Ola Saam 107:10

Sambala bin jidan nogudbinjiwei langa brabli dakbala pleis. Deibin prisana garram tjein en deibin ardimbat,

Ola Saam 107:14

Imbin deigimat olabat brom det dakbala pleis, en imbin breigimap hafenhaf ol detlot tjein blanga olabat.

Ola Saam 29:2

Preisim det haibalawan neim blanga YAWEI. Nildan lida langa YAWEI, det brabli holiwan God.

Ola Saam 44:19

Bat yubin jis libum melabat langa ola wailwan enimul. Yubin libum melabat langa brabli dakbala pleis.

Eksadas 10:21

Brom deya YAWEI bin dalim Mosis, “Yu garra lidimap yu bingga ontop, en wen yu dum lagijat, det kantri Ijip garra go brabli dakbala.”

Prabebs 4:19

Bat det wei blanga ola nogudbala pipul im jis laik wen olabat wokwok langa det dakbala roud naitaim en dei kaan luk wanim bin meigim olabat buldan.

Aklisiyestis 11:8

Wal yu garra gudbinji blanga ebriyiya yu jidan langa dijan wel. Nomeda haulong yu jidan laibala, yu garra jinggabat yu garra jidan dedbala mowa langa ol detlot yiya weya yubin jidan laibala. Ai nomo sabi wotfo im lagijat.

Aisaiya 5:30

“Wal langa det dei na wen olabat garra faitfaitbat, olabat garra jinginatbat adbala jis laik det bigwan solwoda weya im meigimbat bigbala nois. En wen yumob garra lukinatbat langa det kantri, yumob garra lukinat oni dakbala pleis en trabul, dumaji det dei na im garra jidan garram brabli hebiwan klaud en im garra jidan brabli dakbala.”

Aisaiya 59:10

Melabat oldei wokwokbat jis laik melabat blainwan, en melabat oldei buldan eniweya wen det san im stil langa top, jis laik im stil naitaim. Melabat kaan luk enijing. Melabat jis laik dedbala men.

Aisaiya 59:9

Wal detlot pipul bin tok, “Nobodi bin kaman blanga album melabat en gibit melabat feyago. Melabat bin wandim luk det san weya im oldei shain, bat melabat bin oldei lukinatbat det dakbala.

Aisaiya 60:2

Ola pipul langa najalot kantri langa dijan wel oldei jidan langa dakbala, bat det brabli braitwan lait en pawa blanga mi na YAWEI garra oldei shain langa yumob.

Aisaiya 8:22

en langa dijan wel, bat olabat garra faindim oni bigiswan trabul en brabli dakbala pleis.”

Jeramaiya 14:19

Wal detlot pipul blanga Juda bin tok, “YAWEI, yubin gibit bekboun langa Juda? En yu nomo laigim ola pipul langa Jerusalem, indit? En wotfo yubin ardimbat melabat brabliwei wulijim melabat kaan gitbeda? Melabat bin wandim jidan kwaitbalawei, bat najing, en nomo eni gudbala ting bin hepin. Melabat bin wandim yu blanga meigim melabat jidan gudwei, bat brabli nogudbala ting bin hepin langa melabat.

Jeramaiya 2:6

En olabat nomo bin jinggabat langa mi, najing, nomeda aibin deigimwei olabat brom Ijip, en aibin lidim olabat thru langa det deset kantri garram loda sengraun, langa det brabli draiwan en deinjawan kantri weya nomo enibodi jidan, en nomo enibodi trebul thru langa det pleis.

Jeramaiya 23:12

Detlot roud weya olabat oldei bulurrumbat dei jidan brabli slipriwan en dakbala. Ai garra meigim olabat buldanbat, en ai garra bringimap nogudbala ting langa olabat. En det taim blanga olabat panishmen im kaminap na.

Jeramaiya 4:23

Wal aibin luk dijan garra hepin bambai. Aibin luk dijan graun nomo bin abum enijing, en aibin lukap langa det skai en im nomo bin abum eni lait, najing.

Jeramaiya 50:6

“Blanga main pipul olabat jis laik detlot ship weya detlot stakmen larram olabat gowei en gitbush langa hil kantri. Olabat bin goweigoweibat, jis laik detlot ship weya bin oldei gowei brom wanbala hil en langa najawan hil, en olabat nomo sabi enimo hau blanga gobek langa olabat ronwan kemp.

Jeramaiya 6:21

Ai garra binijimap dislot pipul. En ola dediwan en mamiwan en ola biginini garra dai, en olabat fren en kantrimen garra dai du.”

Jeramaiya 8:15

Melabat bin reken melabat garra jidan gudbinjiwei en tharran bingga blanga yu garra meigim melabat jidan gudwei igin, bat najing. Brabli nogudbala ting bin hepin langa melabat, en melabat bin sheiksheik nomo lilbit.

Leminteishans 4:17

“Wibin weidabat oldei en lukinatbat blanga enibodi garra kaman en album wi brom naja kantri, bat nobodi nomo bin kaman en album wi, najing.

Isikiyel 21:15

Olabat garra jidan brabli wikwan en olabat garra buldan ebriweya en dei garra bradin nomo lilbit. Det bigbala naif garra weidabat blanga olabat langa ebri geit. Im garra laitlaitbat wulijim laitining, en ebriweya det naif mub im garra kilim olabat.

Isikiyel 34:12

jis laik det stakmen weya im go en lukaran blanga det ship wen im gitbush. Ol main ship bin los brom det taim wen najalot bin deigimwei olabat prisana. Bat ai garra seibum olabat na,

Jowal 2:2

en det dei garra jidan brabli nogud, en im garra go brabli dakbala, en im garra meigim ebribodi nogudbinji. “Wal ol detlot grashopa garra kaman langa wi jis laik detmatj solja, en dei garra jadimap det skai jis laik wen im naitaim, en det dakbala garra jadimap detlot bigwan hil. Diskain ting nomo bin hepin lagijat bifo, en im kaan hepin lagijat enimo igin.

Eimos 4:13

Aibin tok na, “God na bin meigim ola bigwan hil en imbin meigim ola win du. Im na shoum ola pipul wanim im jinggabat. Im tjeinjim deitaim en meigim naitaim. Im pudum im fut ontop langa ola haibala pleis langa dijan graun. Im neim YAWEI det Boswan God.” Lagijat na aibin tok.

Eimos 5:18

Wal aibin tok, “Yumob oldei wandim det dei blanga YAWEI garra kaman kwikbala, bat det dei garra brabli nogud blanga yumob. Yumob reken det dei garra gudwan, bat najing. Det dei garra jidan brabli dakbala nomo garram eni lait blanga yumob.

Melakai 2:2

Yumob garra oldei rispek mi gudbinjiwei en yumob garra irrim wanim ai dalim yumob. If yumob nomo dum tharran wal ai garra tok det wed blanga ardim yumob. Ai garra tok nogudwan wed langa ola daga blanga yumob. En aibin dum tharran olredi dumaji yumob nomo rispek mi gudbinjiwei.

Jon Bin Dalim Det Gudnyus Blanga Jisas Det San Blanga God 12:35

Wal Jisas bin tok, “Det lait kaan jidan garram yumob longtaim. En yumob garra wok wen yumob stil garram det lait bifo det dakbala gajimap yumob, dumaji detlot pipul hu wok langa dakbala nomo sabi weya olabat go.

Joshuwa 7:19

Wal Joshuwa bin dalim Ekan, “Main san, yu garra tok trubalawei na, dumaji YAWEI im iya garram wi. Yu garra tok streitbalawei blanga wanim yubin dum. Yu nomo dalim mi laiya.”

Fes Pida 2:8

En langa najawan pleis langa oltestaman im tok, “Det ston na garra meigim loda pipul buldan en ardim miselp.” Yumob sabi? Detlot pipul nomo bin bilib langa det wed weya God bin gibit langa olabat, en blanga tharran na dei nomo bin bilib langa Jisas Krais. En dei nomo bin bilib langa det wed, dumaji God bin abum im ronwan plen blanga nomo meigim olabat bilib.

Fes Semyul 6:5

Ol detlot sheip na yumob garra meigim, en yumob garra shoum rispek langa det drimin blanga ola Isreil pipul. Maitbi im garra stap panishimbat wi en ola drimin blanga wi en ola kantri blanga wi.