Jeramaiya 12:6 - Kriol Baibul

⁶ Blanga yu ronwan rileishanmob, en blanga yu ronwan femili, bin trikim yu en gibit yu bekboun na. Olabat bin joinin blanga kilim yu. Yu kaan trastimbat olabat, nomeda olabat tok switbalawei langa yu.”

Jeramaiya 12:6 Iomraidhean Croise

Job Wotfo Gudbala Pipul Abum Trabul? 6:15

Aibin reken yumob na main gudfren hu garra albumbat langa mi, bat najing. Yumob nomo eni gudbala. Yumob jis laik det lilwan krik weya nomo garram eni woda. Wen im stat rein im abum loda woda,

Ola Saam 12:2

Detlot nogudbala pipul dalim gija laiya. En wen dei tok gija blanga enijing dei bilib gija du.

Ola Saam 12:3

YAWEI yu meigim jidan kwait detlot pipul hu oldei tok laiyawei. Yu jadimap mawus blanga ol detlot pipul hu tok praudwei.

Ola Saam 69:8

Mi wulijim streinja langa main femilimob. Langa main femilimob mi jis laik brom najawan kantri.

Prabebs 23:8

Wal yu garra baku det daga weya yubin dagat en yu garra weistim ol yu kainwan wed.

Prabebs 26:25

wal yu kaan bilib langa im wed en yu kaan kaundimap ol detlot nogudwan plen im garram.

Aisaiya 31:4

“Wal YAWEI det boswan God bin dalim mi, ‘Ai garra jinginat en fait jis laiga laiyan. Wen det laiyan kilim det ship, im kaan teiknodis langa detlot men hu oldei maindimbat detlot ship, en wen detlot men jinginat adbala langa det laiyan, im kipgon dumbat det seimwan ting. Wal lagijat na, ai garra kaman en fait ontop langa det bigwan hil gulum Saiyan.

Jeramaiya 11:19

Aibin jidan jis laik det lilwan ship weya im jidan brabli kwaitwan langa im bos, en im nomo sabi det bos bin redi blanga deigimwei im blanga kilim im, en ai nomo bin sabi olabat bin meigimbat nogudwan plen blanga ardim mi. Olabat bin toktok, “Wi lafta kadimdan det tri wen im stil gudwan. Wi lafta kilim im wulijim nobodi kaan jinggabat langa im enimo.”

Jeramaiya 11:21

Wal aibin tok na, “Detlot men brom Einathoth bin wandim mi blanga gitkil, en olabat bin dalim mi olabat garra kilim mi if ai kipgon dalimbat olabat det mesij blanga YAWEI.”

Jeramaiya 20:10

Ai oldei irrimbat ebribodi toktokbat kwaitbalawei, ‘Pipul ebriweya bradin nomo lilbit. Wal wi garra dalim detlot haibala bosmob blanga im.’ Nomeda olabat blanga main ronwan frenmob, bat stil olabat weidabat wotaim ai garra meigim misteik. Olabat oldei tok, ‘Maitbi wi gin trikim im wulijim wi gin grebum im en kilim im.’

Jeramaiya 9:2

Ai wandim abum pleis langa det deset kantri blanga jidan deya wulijim ai gin gidawei brom main pipul olabat, dumaji olabat nomo jidan trubalawan, en olabat jidan brabli trikibala.

Jeramaiya 9:3

Olabat oldei redi blanga dalimbat laiya, en olabat laiyinbalawei jidan bos langa dijan kantri.” Lagijat na aibin tok. Wal YAWEI det trubala God bin tok na, “Main pipul olabat kipgon dumbat nogudbala ting, en olabat nomo sabi mi blanga olabat God.

Jeramaiya 9:4

“Nomo enibodi kaan trastim im fren, en nomo enibodi kaan trastimbat langa im rileishanmob du. Blanga ebribodi rileishanmob brabli trikibala jis laik Jeikob, en ebriwan tok nogudbalawei blanga im frenmob.

Jeramaiya 9:5

Yumob dalimbat laiya langa yumob fren, en nobodi nomo tok trubala wed, dumaji yumob mawus oldei dalimbat laiya, en yumob kaan neba stap dumbat det nogudbala ting. Yumob oldei ardimbat pipul olataim, en yumob oldei dum trikibala ting olataim du. Yumob oldei gibitbat mi bekboun.

Methyu 10:21

“Wen det taim garra kaman, sambala men garra hendimoba olabat ron braja langa ola haibala men blanga kilim olabat dumaji olabat laigim mi, en sambala dediwan garra hendimoba olabat ron biginini langa ola haibala men du blanga kilim olabat dumaji dei laigim mi, en sambala biginini garra dum lagijat du langa olabat ron mami en dedi,

Mak Bin Dalim Ola Stori Blanga Jisas 12:12

Wal detlot serramonimen en lowamen bin wandi grebum Jisas en lokimap im, dumaji deibin sabi imbin tokin blanga olabat langa det dubala stori en imbin dalimof olabat. Bat deibin bradin blanga ol detlot pipul hubin lisin langa im, en deibin lafta libum im deya gin, en deibin gowei.

Jon Bin Dalim Det Gudnyus Blanga Jisas Det San Blanga God 7:5

Lagijat na detlot braja blanga Jisas bin tok langa im, dumaji dei nomo bin bilib langa im.

Eks Hau Det Gudnyus Blanga Jisas Krais Bin Spredat Ebriweya 16:22

Wal wen detlot bos blanga det wekingel bin tok lagijat, ola najalot pipul bin stat toktok nogudbalawei blanga Pol en Sailas du, en detlot Roman bos bin breigim detlot klos blanga dubala, en deibin dalim blijiman blanga beldim dubala garram wip.

Eks Hau Det Gudnyus Blanga Jisas Krais Bin Spredat Ebriweya 18:12

Bambai na nyubala gabman bos neim Geliyo bin deigim pleis blanga det olwan bos blanga det kantri gulum Akeiya weya det taun gulum Korinth bin jidan, en afta detlot Juwish pipul bin midap, en deibin grebum Pol, en deibin deigim im langa det nyubala bos blanga kotim im,