Jeramaiya 11:20 - Kriol Baibul

²⁰ Wal aibin prei na, “YAWEI det brabli haibala boswan God, yu na oldei tridimbat ola pipul gudwei, en yu sabi wanim olabat oldei jinggabat en wotkain filing dei oldei abum. Ai garra libum ebrijing langa yu bingga, wulijim ai garra luk yu garra panishim dislot pipul.” Lagijat na aibin prei.

Jeramaiya 11:20 Iomraidhean Croise

Jenasis 18:25

Yu na garra jadjim ola pipul langa ebri kantri, en yu garra gibit olabat feyago. Yu kaan panishim ola gudbala pipul garram ola nogudbala pipul. Im nomo rait.”

Sekan Kings 19:14

Wal King Hesakaiya bin gajim det leda brom det wekinmen en imbin ridim. Brom deya imbin go langa det Serramoni Pleis en deya na imbin pudum det leda lida langa YAWEI.

Fes Kranakuls 28:9

“En yu na main san Salaman, yu garra oldei weship langa God en duwit langa im en jinggabat langa im garram ol yu hat en main. Im sabi wanim ting yu jinggabat blanga dum, en wanim yu wandim dum. If yu go langa im, im garra album yu, bat if yu gibit bekboun langa im, wal im garra gibit bekboun langa yu olagija.

Fes Kranakuls 29:17

Ai sabi yu testimbat ebribodi hat insaidwei, en yu brabli gudbinji langa pipul wen dei onap blanga olabat nogudbalawei en jidan trubalawei. Wal trubalawei aibin gibit ol dislot ebrijing langa yu na, en aibin luk hau ol dislot pipul hubin majurrumap miselp iya, deibin oldei gudbinji blanga bringimap ola ofring blanga yu.

Job Wotfo Gudbala Pipul Abum Trabul? 5:8

Job, if ai bina yu, ai bina askim God blanga album mi.

Ola Saam 139:23

Luk insaid langa main hat, YAWEI, en faindat if mi nogud insaid langa main hat. Luk if mi nogud wen mi jinggabat enijing.

Ola Saam 35:2

YAWEI yu gajim yu shild en jandap lida main en seibum mi.

Ola Saam 43:1

God, yu dalim najalot pipul mi nomo garram eni rong langa mi. Yu jandap lida blanga mi brom detlot nogudbala pipul. Yu seibum mi brom ol detlot laiyinbala en nogudwan pipul.

Ola Saam 57:1

Main God, jidan kain langa mi, en sori langa mi. Mi kaman langa yu blanga jidan seifwan, jis laik ola lilwan bard ran langa ola mamiwan bard blanga jidan seif wen trabul im kaman. Wal mi kaman langa yu blanga jidan seifwan wen det trabul im gulijap.

Ola Saam 58:10

Ola pipul hu jidan trubalawei garra jidan gudbinji wen dei luk ola nogudbala pipul git panish. Olabat garra luk detmatj blad buldan blanga detlot nogudbala pipul.

Ola Saam 7:10

God, yu jis laiga shild blanga mi. Yu kipum mi seif wen trabul kaman, Yu lukaftum ol yu pipul hu teiknodis langa yu.

Ola Saam 7:8

Yu na, YAWEI, yu bos blanga det kot. Wal yu jadjim mi, YAWEI! Yu jadjim mi en shoum detlot pipul mi gudbala. Yu shoum olabat aibin jidanbat gudbalawei.

Ola Saam 7:9

God, yu oldei dum wanim rait. Yu sabi wanim melabat jinggabat en wanim melabat filim. Yu stapam detlot nogudbala pipul brom dumbat krulbala ting langa najalot pipul. Yu gibit ola gudbala ting langa detlot pipul hu jidan raitwei.

Ola Saam 98:9

Ebrijing preisim YAWEI det trubala God, dumaji im kaman blanga jadjim ola pipul langa dijan wel. Im garra jadjim pipul raitwei en gibitbat ebribodi feyago.

Jeramaiya 12:1

Wal aibin tok na, “YAWEI det trubala God, if ai deigim yu langa kothaus, yu garra win. Wal ai wandim yu blanga dalim mi. Wotfo nogudbala pipul meigim miselp brabli ritjwan? Wotfo tufeis pipul oldei gedim ebrijing?

Jeramaiya 12:3

Bat YAWEI, oni yu na sabi wotkain mi. Yu oldei luk langa mi wanim aibin dum, en hau ai laigim yu brabliwei. Yu garra deigimwei ol dislot nogudwan men brom iya, jis laik det ship weya dei redi blanga kilim im en kadimap im. Yu kipum olabat raidap olabat garra gitkil.

Jeramaiya 15:15

Afta na aibin tok, “YAWEI, yu sabi. Yu jinggabat mi en yu album mi. Yu larram mi fait langa detlot pipul hu oldei ardimbat mi. Yu nomo jidan kwaitbala, en larram olabat kilim mi. Yu sabi ol dislot ting bin hepin langa mi, dumaji mi na wekinmen blanga yu.

Jeramaiya 17:10

Bat oni mi na YAWEI sabi. Ai gin luk insaid langa ebribodi, nomeda hu im. Ai luk ebribodi seimwei en gibit ebribodi feyago blanga ebrijing dei dum.” Lagijat na YAWEI bin tok.

Jeramaiya 17:18

Yu meigim ol detlot hu oldei ardimbat mi jidan sheimwan, bat yu sori langa mi en album mi YAWEI. Yu meigim olabat jidan bradinwan, bat yu nomo bradinim mi. Yu jandim detlot nogudbala ting langa olabat, en yu binijimap olabat brabliwei.” Wal lagijat na aibin tok.

Jeramaiya 20:12

Bat YAWEI det boswan God, yu na oldei testimbat ola pipul raitwei. Yu sabi wanim insaid langa olabat hat en langa olabat main du. Wal yu larram mi luk wen yu bidim detlot enami blanga main, dumaji ai pudum main laif langa yu bingga.

Leminteishans 3:58

Bos, yubin kaman blanga seibum mi. Yubin seibum main laif.

Leminteishans 3:59

Yu kotimbat mi gudwei, dumaji yu sabi wotkain nogudbala ting deibin dum langa mi.

Leminteishans 3:64

“YAWEI, yu panishim olabat blanga ola nogudbala ting deibin dum langa mi.

Isikiyel 11:5

Afta na det spirit blanga YAWEI det trubala God bin insaid langa mi en imbin dalim mi blanga gibit dijan mesij langa ola Isreil pipul. Imbin tok, “Ol yumob Isreil pipul, ai sabi wanim yumob oldei toktokbat en ai sabi wanim yumob oldei jinggabat.

Eks Hau Det Gudnyus Blanga Jisas Krais Bin Spredat Ebriweya 17:31

en im garra gibit ebribodi feyago. Im na bin pikimat det taim blanga abum det kotkeis, en imbin pikimat det men hu garra jidan bos langa det kotkeis du, en imbin shoum wi imbin pikimat im, dumaji imbin meigim im gidap laibala brom dedbala.” Lagijat na Pol bin tok langa detlot haibala men.

Falipiyans 4:6

Wal yumob kaan wori blanga enijing, dumaji if yumob wandim enijing, yumob garra oldei prei langa God en askimbat im, en wen yumob prei, yumob garra oldei gibit theingks langa im,

Sekan Timathi 4:14

Wal Timathi, yu garra wotjim miselp blanga det men neim Eliksenda hu oldei meigimbat olkain ting garram aiyan, dumaji imbin trai en stapam det wed weya wibin oldei dalimbat ola pipul, en imbin meigim bigis trabul blanga mi. Bat Jisas Krais det Bos blanga wi garra peiyimbek im blanga det trabul weya imbin meigim blanga mi.

Fes Pida 2:23

Yumob sabi? Wen deibin tok olkain nogudbala ting langa Jisas Krais, im nomo bin ensimbek olabat. En wen deibin kilim im, im nomo bin tok enijing langa olabat, dumaji imbin sabi God garra jadjim ebribodi raitwei blanga ebrijing weya dei dumbat, en imbin trastim God blanga hendulum ebrijing blanga im.

Rebaleishan 18:20

Wal ol detlot pipul langa hebin garra jingat brabli gudbinjiwei na. Ola Kristjan pipul, ola speshalwan mishanri en ola speshalwan mesinja blanga God, ol detlot na garra brabli gudbinji, dumaji God bin panishim det nogudbala taun Bebalon na. Imbin panishim det Bebalon hubin oldei ardimbat olabat.

Rebaleishan 2:23

Bat ai garra kilim ded ol detlot pipul hu bulurrum det wei blanga det wuman. En afta ola tjetjmob garra sabi nobodi sabi wotkain enibodi insaid. Oni mi na ai sabi. Mi oldei lukinat insaid langa ebribodi hat en main, en ai sabi wanim ebribodi jinggabat blanga dumbat, en ai sabi wanim ebribodi wandi dumbat. En ai garra peiyimbek ebribodi blanga ola enijing weya dei dumbat.

Fes Semyul 16:7

Wal YAWEI bin dalim Semyul, “Nomeda det men im longwan en purdibala, bat stil yu kaan jinggabat im, dumaji ai nomo wandim im. Yumob pipul oldei luk atsaidwei langa enibodi. Bat nomo mi. Ai luk ebribodi insaidwei langa olabat hat.”

Fes Semyul 24:15

Wal YAWEI garra jadjim yunmi mijamet blanga faindat hubin dum rong, en im garra jinggabat mi en album mi, en im kaan larram yu kilim mi.” Lagijat Deibid bin tok.