Jeramaiya 11:19 - Kriol Baibul

¹⁹ Aibin jidan jis laik det lilwan ship weya im jidan brabli kwaitwan langa im bos, en im nomo sabi det bos bin redi blanga deigimwei im blanga kilim im, en ai nomo bin sabi olabat bin meigimbat nogudwan plen blanga ardim mi. Olabat bin toktok, “Wi lafta kadimdan det tri wen im stil gudwan. Wi lafta kilim im wulijim nobodi kaan jinggabat langa im enimo.”

Jeramaiya 11:19 Iomraidhean Croise

Job Wotfo Gudbala Pipul Abum Trabul? 28:13

Nomo enibodi gin faindim det wei.

Ola Saam 109:13

Meigim ol im femili olabat binijap, en nomo larram enibodi jinggabat im neim igin.

Ola Saam 112:6

Trabul kaan kaman langa olabat, najing. Nobodi kaan foget blanga ola kainbalawan ting weya deibin oldei dumbat.

Ola Saam 116:9

Blanga tharran na mi oldei wok garram YAWEI iya langa dijan wel weya pipul jidanbat.

Ola Saam 142:5

Mi jingat langa yu, YAWEI. Yu na det seifwan pleis blanga mi. Ai wandim oni yu wanbala langa main laif.

Ola Saam 27:13

Ai bilib brabliwei ai garra jidan laibala. YAWEI im kainbala en im garra album mi iya garram detlot laibala pipul.

Ola Saam 31:13

Main enami olabat majurrumap miselp en tok blanga kilim mi. Mi brabli bradin. Olabat meigimbat plen blanga kilim mi ded.

Ola Saam 35:15

Bat wen aibin abumbat trabul olabat bin jidan gudbinji, en bin majurrumap raidaran langa mi blanga meigim fan langa mi. Ola streinjamob bin hitimbat mi en deibin kipgon hitimbat mi olawei.

Ola Saam 52:5

Wal God garra meigim yu laif nogudwan olagija. Im garra gajim yu en deigidawei yu brom yu kemp. Im garra binijimap yu.

Ola Saam 83:4

Olabat tok, “Kaman. Wi garra binijimap olabat wulijim nobodi kaan jinggabat detlot Isreil pipul enimo.”

Prabebs 10:7

Pipul garra kipgon jinggabat detlot gudbala pipul olataim, bat dei kaan jinggabat detlot nogudbala pipul enimo.

Prabebs 24:15

Yumob nomo jidan wulijim det wikitwan men en gibitbat adtaim langa gudbala pipul en ardimbat olabat femili olabat.

Prabebs 7:22

“Wal streidawei det yangmen bin bulurrum det gel jis laik det buligi wen dei lidim im langa det pleis weya dei garra kilim im, o jis laik det enimul wen im git trep,

Aisaiya 32:7

Detlot krulbala pipul oldei dalimbat laiya, en olabat oldei dumbat nogudbala ting, en olabat oldei wandim meigimbat krulbala plen blanga binijimap ola po pipul, nomeda deibin askimbat blanga gibit olabat feyago.

Aisaiya 38:11

YAWEI, aibin reken ai kaan neba luk yu igin, en kaan neba luk enibodi hu jidan langa dijan wel.

Jeramaiya 18:18

Afta na detlot pipul bin tok, “Wi garra lafta dum samting langa Jeramaiya. Sambala serramonimen garra jidan iya olataim blanga toktokbat langa wi, en klebabalamen blanga gibitbat wi woning, en speshalwan mesinja blanga dalimbat wi blanga God mesij. Wi garra lafta dalimbat laiya stori blanga im, en wi garra stap lisinbat langa im.”

Jeramaiya 20:10

Ai oldei irrimbat ebribodi toktokbat kwaitbalawei, ‘Pipul ebriweya bradin nomo lilbit. Wal wi garra dalim detlot haibala bosmob blanga im.’ Nomeda olabat blanga main ronwan frenmob, bat stil olabat weidabat wotaim ai garra meigim misteik. Olabat oldei tok, ‘Maitbi wi gin trikim im wulijim wi gin grebum im en kilim im.’

Jeramaiya 26:8

en wen aibin binij toktokbat ol detlot wed weya YAWEI bin dalim mi blanga tok, wal olabat bin grebum mi en olabat bin jingat adbala. Olabat bin tok langa mi, “Yu bina gitkil blanga dijan.

Leminteishans 3:60

Yu sabi detlot enami blanga mi oldei heidimbat mi detmatj en dei olweis wandi dumbat nogudbala ting langa mi.

Isikiyel 32:24

“ ‘En det greibyad blanga detlot solja brom det kantri gulum Elam deya du. Dei nomo bin bilib langa mi, en ola enami blanga detlot solja bin oldei bradin en brabli hatjamp. Bat olabat sheim na, dumaji deibin go langa det seimwan pleis weya ola dedbala pipul jidan, en dei jidan wansaid langa detlot najalot pipul hubin gitkil langa wo.

Denyul 9:26

En wen det taim garra binij det lida weya God bin pikimat garra gitkil, dumaji dei nomo bin gibit im feyago. En wanbala brabli strongwan bos en im amimob garra kaman en binijimap det Serramoni Pleis en Jerusalem. Det taim na garra kaman jis laiga fladwoda, en im garra jidan brabli nogudbala taim. Pipul garra faitfait en ebrijing garra binij. Dumaji God na bin meigim dijan plen.

Hoseiya 9:8

God bin pikimat mi blanga jidan speshalwan mesinja blanga im, en imbin jandim mi blanga wonim yumob Isreil pipul. Bat nomeda weya aibin oldei go, yumob bin oldei trai en trepam mi jis laiga bard blanga meigim mi go langa yumobwei. Ol yumob pipul hu jidan iya langa dijan kantri blanga God, yumob na meigim miselp enami langa ola speshalwan mesinja blanga God.