Jeramaiya 11:18 - Kriol Baibul

¹⁸ Wal YAWEI bin dalim mi main enami olabat bin reken dei garra dum nogudwan ting langa mi.

Jeramaiya 11:18 Iomraidhean Croise

Sekan Kings 6:32

En imbin jandim wanbala mesinja blanga go en gajim Ilaisha. Wal Ilaisha bin deya langa im kemp garram sambala lidamob. Bifo det mesinja blanga det king bin kamat deya, Ilaisha bin dalim detlot lidamob, “Det king im jandimbat sambodi iya blanga kilim mi, en det king im gulijap langa det mesinja. Wal wen im kamat iya yumob garra jadimap det dowa en nomo larram im kamin insaid, dumaji det king na hu wandi kilim mi garra jandap deya gin biyain langa det mesinja.”

Jeramaiya 11:19

Aibin jidan jis laik det lilwan ship weya im jidan brabli kwaitwan langa im bos, en im nomo sabi det bos bin redi blanga deigimwei im blanga kilim im, en ai nomo bin sabi olabat bin meigimbat nogudwan plen blanga ardim mi. Olabat bin toktok, “Wi lafta kadimdan det tri wen im stil gudwan. Wi lafta kilim im wulijim nobodi kaan jinggabat langa im enimo.”

Methyu 21:3

If enibodi askim yunbala wotfo yunbala deigimat det roup brom det dubala dongki, wal yunbala garra dalim im det boswan wandi yusum dubala, en im garra jandimbek dubala bambai.”

Romans 3:7

Yumob sabi? Maitbi sambodi garra tok, “Wen mi dalimbat laiyawan stori, maitbi det laiyawan stori garra meigim pipul sabi det trubala stori blanga God brabliwei, en afta detlot pipul garra preisimbat God brabliwei. Wal if det laiyawan stori meigim det ting hepin lagijat, wal wotfo God garra stil panishim mi laiga nogudbala men blanga det laiyawan stori?”